O umpumbulu usokwanga kwa yimpumbu mu wokela kaka wina kuna Haiti. O mavangu ma nsoki yo umpumbulu utwasanga mpasi zayingi kuna África do Sul, México ye nsi zankaka za América Latina. Kana nkutu muna fulu ina vo o umpumbulu wakuluka, o wantu bakinu mona o wonga yo tokana e kuma kadi bewanga e nsangu za nsoki za yimpumbulu ana befwasanga e lekwa yangani yo kutumuna yo.

 Adieyi Bibila kivovanga mu kuma kia mavangu ma nsoki mu nza yawonso?

 Bibila kiasakula vo o nsoki i kimosi muna sinsu isonganga vo mu “mbaninu a tandu” se twina. (Matai 24:3) Vava o Yesu kasakula o mambu mama ma sinsu yayi, wavova vo:

•   “Muna kuma kia wokela kwa umpumbulu, o zola kwa wantu ayingi kuvola.”—Matai 24:12.

 E Bibila kiasakula vo “muna lumbu yambaninu wantu bekala akwa lulendo, akwa nganzi, mindembi zola mawete.” (2 Timoteo 3:1-5) O unu, e kadilu yayi ya loko ifilanga o wantu muna mavangu ma nsoki.

 Kansi tuna ye kuma ikutufilanga mu kala ye vuvu. E Bibila kisianga o nsilu vo o mavangu ma nsoki ke mekala diaka ko.

•   “Fioti kaka fisidi, yimpumbulu ke bekala diaka ko; Otala vana bakala, Ke bekala vo diaka ko. Kansi alembami bevua nza, bezingila muna luvuvamu ye kiese kiayingi.”—Nkunga 37:10, 11.

 Zaya diaka mayingi mu kuma kia vuvu kikutuvananga e Bibila ye una olenda kadila ye ziku vo mana mevangamanga o unu, melungisanga o ungunza wa Bibila. Tala o malongi malende.

 “Vuvu Kiasikila kia Kusentu”

 “O que é o sinal dos ‘últimos dias’ ou ‘fim dos tempos’?”

 “Será que a Bíblia já falava como as pessoas iriam pensar e agir hoje?”