Owau Mbangi za Yave beluta tambulwilanga e nkanda ye video mu Internete. Kansi muna fulu yankaka omu nza, e mpangi zeto ke belendanga futila internete ko, kadi ntanlu ayingi ifwanga. Akaka muna zunga yau e internete ke yambote ko. Akaka mpe muna zunga yau ke mwina ye internete ko.

 Kansi, owau ayingi muna mpangi zeto zamakala ye zamakento balenda kulumuna e nkanda kana nkutu vo ke bena ye internete ko. Aweyi belendelanga mio kulumuna?

 E nkutakani zina vo diampasi mu sadila internete, bevewanga nkela yakete iyikilwanga vo JW Box. E nkela yayi ivuidi e (roteador) zasumbilwa ku kompani dimosi dia kinkita, ina ye programa yasokwa kwa mpangi za Departamento de Computador kuna Betel, ina ye nkanda mia digitale ye video zina muna jw.org. Konso nkela, mu 75 lwa dolare tusumbilanga yo.

 Muna Seka dia Kintinu, ampangi bebakanga e internete ya nkela yoyo muna telefone ye tablete zau, i bosi bekulumunanga e nkanda ye video. Kana nkutu vo e aparelho aku yankulu yovo ke yantalu ayingi, olenda kwaku baka e internete ya nkela yoyo. Kansi wau vo e nkutakani ke ina ye intenete ko, aweyi e nkela ya JW Box ikadilanga ye nkanda miampa? Ntangwa ke ntangwa, ampangi kuna Betele betwikanga Pen Driv eyi ifwanga dolare 4, e salanganu kiaki kitwikwanga ye mambu mampa mabongelo muna jw.org, ampangi besadilanga e nkela ya JW Box muna kulumuna mambu momo.

 Aweyi e nkela ya JW Box isadisilanga e mpangi zeto? O mpangi Nathan Adruandra una vo se dia wana wole, ona ozingilanga kuna nsi ya Congo Democrático wavova vo: “Ntangwa yayingi yaviokesa mu teza kulumuna e fuka ina yo ntu a diambu vo: ‘E Yave, . . . Ngeye Mbundidi e Vuvu ye Sungamena Nkaz’a Loti. Kansi kialenda ko, ediadi diankendeleka kwayingi. Owau ndenda kulumuna e video zazi muna telefone ame, ediadi disadisanga yeto mase mu toma longa o wan’eto.”

 Mpangi mosi wasadisanga e nkuta za nsi ya Nigéria kimana basadila e JW Box wavova vo: “Ampangi bemwenanga e JW Box vo lukau lwa espesiale lwatuka kwa Yave. Betoma yangalalanga kadi owau diasazu mu kulumuna e nkanda ye video za Salanganu Yeto ya Longela.”

 Vioka 1.700 za nkela zitwikilu kwa mpangi zeto kuna África, Oceânia ye América do Sul, muvanga twina e nkubika kimana e nkela zazi zalwaka mu nkutakani zayingi omu nza. Akweyi kutukanga e nzimbu zisadilwanga e salu kiaki? Muna tukau twa salu kia nza yawonso, twayingi muna tukau twatu mu nzil’teo ya internete donate.pr418.com tuvaninuanga. Tuvutwidi matondo wau okutusadisanga yo ntim’amvevo.