Nakanikinu kwa Mase

Nkia lukau lusundidi o mfunu olenda vana kwa wan’aku? Vena ye mambu mayingi bavwidi o mfunu, zola kwa mase, luludiku yo lutaninu lwau. Kansi, o lukau lusundidi o mfunu olenda kubavana, i zayi wa Yave ye ludi kia Diambu diandi kina muna Nkand’a Nzambi. (Yoane 17:3) O zayi wau ulenda sadisa o wan’aku banungununa o zola kwau muna Yave yo kunsadila ye nsia ntima wawonso kana nkutu muna kinsedia.​—Matai 21:16.

Mase mayingi bemonanga vo wan’akete beyangalelanga malongi mankufi ye nsaka. Muna kuma kiaki, tuna ye kiese kia vaikisa e finkanda fiafi, Malongi ma Nkand’a Nzambi mu Kuma kia Wana. Konso elongi, dikubikilu y’ekani dia longa o wana mu mpila yaleboka. E sono kia Nkand’a Nzambi kumosi ye fwaniswa, yikubikilu mu kuma kia wana musungula awana bena ye kimbuta kia mvu mosi yakuna mvu tatu. Muna mpe ye nsaka balenda vanga mase kumosi yo wana zilenda longa diambu diamfunu kwa wana. E finkanda, Malongi ma Nkand’a Nzambi mu Kuma kia Wana, ke sakaneno kia wana ko, kansi sadilwa kiamfunu muna longa. Fiakubikilu kimana watanganga fio kumosi yo wan’aku, ediadi dikusadisa mu kala ye mbokena zambote yo wan’aku.

Tusidi e vuvu vo e finkanda fiafi fikusadisa mu longa o wan’aku e ludi kia Nkand’a Nzambi “tuka muna kinsedia.”​—2 Timoteo 3:14, 15.

Ampangi zeno,

Buka kia Selo Yambuta kia Mbangi za Yave

[Fwaniswa vana lukaya lwa 3]