Longi Dia 16

Ekani Diaku dia Sadila Nzambi

Adieyi ofwete vanga kinumana wakituka se nkundi a Nzambi? (1, 2)

Aweyi uyekolwelwanga o moyo kwa Nzambi? (1)

Nkia kolo ofwete vubwa? (2)

Aweyi olenda vwil’e ngolo za kalanga kaka ye kwikizi kwa Nzambi? (3)

1. Muna kituka se nkundi a Nzambi, ofwete toma vwa o zayi wafwana wa ludi kia Nkand’a Nzambi (1 Timoteo 2:3, 4), kwikila mana olongokele (Ayibere 11:6), waviluk’o ntima muna masumu (Mavangu 17:30, 31), soba e zingu kiaku yo landa e nzila a moyo . (Mavangu 3:19) Ozevo e nzol’aku kuna kwa Nzambi ifwete kufila mu kuyiyekola kwa yandi. Disongele vo muna sambu kiaku okuyisunzula ngeye kibeni, vana va ngeye mosi, yo kumvovesa vo ozolele kuyekola kwa yandi mu vanga o luzolo luandi.—Matai 16:24; 22:37.

2. Ovo ukiyekwele kwa Nzambi, ofwete vubwa. (Matai 28:19, 20) O luvubu i lusonga kwa wantu awonso vo ongeye ukiyekwele kwa Yave. Muna diadi, o luvubu lufwene kaka awana bena ye kimbuta kiafwana muna kuyisil’e nzengo za sadila Nzambi. O muntu ovubwanga muna dimun’e nitu andi yawonso muna maza mu fikolo fiakete. a—Maku 1:9, 10; Mavangu 8:36.

3. Ovo obakidi e nzengo yayi, edi kevav’o Yave vo wazingila mun’owu wa nsilu wau. (Nkunga 50:14; Kimpovi 5:4, 5) O Nkadi ampemba ovava kusima walembi sadila Yave. (1 Petelo 5:8) Kansi finama kwa Nzambi muna sambu. (Filipi 4:6, 7) Longokang’e Diambu Diandi e lumbu yawonso. (Nkunga 1:1-3) Kalang’entwadi ye nkutakani. (Ayibere 13:17) Muna vanga o mama mawonso olenda vwa e ngolo zafwana mu kala ye kwikizi kuna kwa Nzambi. I wau wuwu olendel’o vanga mana kevavanga o Nzambi vo wavanga yakwele mvu!

[Mvovo ku yanda dia lukaya]