Luzayisu kwa Nkangu
LUKUTAKANU LWAMFUNU
SALU KIA BETELE Ateleki avubwa, bezingilanga omu nsi yayi ana ke baviokele kimbuta kia mvu 35 ko, bena ye luzolo lwa kuyivana mu salu kia Betele, bafwete kwiza kina Kiatanu kuna masika, muna lukutakanu lw’awana bazolele kuyivana mu salu kiaki. Tusinga zayisa e ola ye fulu luvangamena.
SIKOLA YA ATELEKI A KINTINU Aviti a nzila bena ye mvu 23 yakuna mvu 65 ana bazolele wokesa e salu kiau kia umbangi, bafwete kwiza kina kia Lumingu ku masika muna lukutakanu lw’awana bazolele kota mu Sikola ya Ateleki a Kintinu. Tuzayisa e ola ye fulu kivangamena lukutakanu lwalu.
LUZAYISU KWA NKANGU
ASONGI A FULU Asongi a fulu basolelo muna kusadisa. Dodokolo, lemvokela dina bekuvovesa, nze fulu kia ningamesa kalu, lunda fulu kia fonga ye mankaka.
LUVUBU Awana bevubwa bafwete fonga vana fulu kina bakubikilu vana ndambu a ntend’a nkongolo. Bafwete fonga va kunda yayi una ke kiafidilu ko longi dia luvubu, kina kia Sabala muna mene. Konso muntu kafwete nata e mvuatu mia luzitu mina kevubilwa ye sume dia kungunwina maza.
TUKAU Nzimbu zayingi zivuwanga o mfunu muna kubika e kunda yambote, masini mewisanga e ndinga, video ye salanganu yankaka ikutusadisa mu yangalela lukutakanu yo toma finama Yave. O tukau tweno twamvevo tusadisanga mu lungisa mawonso mama yo nungununa e salu kieto mu nz’amvimba. Tusidi e nkela za tukau va fulu imonekanga mu kuma kia konso on’ozolele vana lukau. Tuyangalela tambula tukau twawonso. E Buka kia Selo Yambuta bavutwidi matondo mu kuma kia tukau twamvevo ovananga muna yikama e salu kia Kintinu.
LUSADISU LWA YIMBEVO Sungamena dio vo lusadisu LWA NZAKI kaka luvewa.
VIDISA YO SOLOLA Konso lekwa kisolwelo kifwete natwa kuna Departamento yayi. Avo lekwa ovidisi, wenda vava e lekwa kiaku kuna departamento yayi. O wana ana bavididi bafwete vavilwa kuna departamento yayi. Kansi, ekiaki ke fulu kia lundila wana ko. Dodokolo, toma lunga-lung’o wan’aku yo vuanda yau vamosi.
FULU KIA FONGA Zitisanga akaka. Sungamena dio vo fulu kia esi nzo aku kaka ofwete vaula yovo ki’awana nukwenda mu kalu dimosi yovo alongoki aku a Nkand’a Nzambi. Kusie lekwa yaku ko vana kunda kina vana ndambu, ediadi disadisa akaka bamona vo ke vena muntu ko.
SALU KI’AKWA LUZOLO LWAMBOTE Avo zolele kuyivana mu sala konso salu mu lukutakanu lwalu, zayisa dio kuna Departamento ivavanga akwa luzolo lwambote.
Lukubikilu kwa Buka kia Selo Yambuta ya Mbangi za Yave
