Aweyi ofwete vanga o ngeye?

50 Ozolele zinga yakwele mvu mu Paradiso yayi yambote?

Ozevo longoka diaka owu kavovele Nzambi. Vava longoka yo tanga Nkand’a Nzambi.—Yoane 17:3; Lusengomono 1:3

51 Longoka diaka mun’owu wa Yesu.—Nsiku 18:18, 19; Yoane 3:16; Mavangu 3:19-23

52 Vanganga kaka owu wambote yo lemvokela Yave.—Roma 6:17, 18, 22

 53 Sungamena owu kavova o Yave vo katufwete vonda muntu ko.—Luvaiku 20:13; 1 Yoane 3:11, 12

54 Katufwete vwaminina lekwa kiangani ko.—Luvaiku 20:15; Efeso 4:28

55 O yakala kafwete zinga yovo leka yo nkento akaka ko, nanga vo nkaz’andi kaka.—Luvaiku 20:14, 17; 1 Tesalonika 4:3

56 Osungamene kana akento akwa kakana o Nzambi kafwete vwa o yakal’e? O yakala mvu nkwa kafwete zinga yo nkaz’andi?—Etuku 2:22, 24; Matai 19:5, 6; 1 Korinto 7:2, 10, 11

 57 Sungamena diaka vo Yave kaka tufwete kunda.—Matai 4:10; 1 Korinto 8:6

58 Eteke ye fwaniswa kayilendi kutusadisa ko. Ekum’e?—1 Korinto 8:4

Nga diambote mukala y’eteke?—Nsiku 27:15; 1 Yoane 5:21

59 Ekuma dina diambi diakala ye konko yovo sadila e nkisi?—Nsiku 18:10-13; Lusengomono 21:8

60 Ambasi zambi yovo nkwiya batelamena Nzambi. Besadilanga mwand’a unganga muna tungianisa o wantu.—Mavangu 16:16

 61 Tufwete sambanga kwa Nzambi. E sambu isiavo vova kwa Nzambi, kumvovesa vo tuzolele kunsadila yo lomba lusadisu lwandi.—Filipi 4:6, 7

62 Tufwete lemvokela Yesu yo kwikila muna yandi.—Ayibere 5:9; Yoane 3:16

63 Sungamena wo vo wafwa muna kutuvuluza.—Roma 5:8

 64 Sungamena wo vo o Yesu i Ntinu eto olembi moneka. Tufwete kunlemvokelanga.—Filipi 2:9-11; Lusengomono 19:16

 65 O Yesu wavova vo ngeye ofwete zayisa kw’akaka o mambu ma mbote man’olongokanga ye mpe vo awana bazolele sadila Nzambi bafwete vubwa.—Matai 28:19, 20; Yoane 4:7-15

66 Ozevo, ongeye lenda vova mambu mama mambote kw’akundi aku.—Matai 10:32

67 Ovo olongokele toma tanga, olenda zaya mambu mayingi yo lenda toma sadisa akaka.—2 Timoteo 2:15

 68 Yesu walonga mpe yingyana-ngyana balemvokela Nzambi. Kasidi kondwa ntangwa ko muna kubavovesa.—Matai 19:13-15

69 Amase bafwete longanga wana ntangwa zawonso mu lemvokela Nzambi yo kunzola.—Nsiku 6:6, 7; Ngana 6:20-22; Efeso 6:4

70 Vena ye mabundu mayingi mampila mu mpila. Malongi mayingi belonganga ke ma mu Nkand’a Nzambi ko. O Yave okutuvovesanga vo twasisa mabundu mana kemelonganga ludi ko.—Lusengomono 18:4; Yoane 4:23, 24

 71Yave wina yo wantu ova ntoto ana balenda kulonga mayingi muna kuma kiandi. Ozeye kana aki nani?—Mavangu 15:14; Roma 10:14, 15

72 Beyikilwanga vo Ambangi za Yave. Bena ye luvuvamu vana kati kwau. Ozeye ekum’e? Ekuma kadi bezolaziananga.—Yesaya 43:10-12; Yoane 13:34, 35

73 Wau vo bezolanga mpe Yave, bamana vubwa. I besongelanga wuwu vo bayambwidi e nkal’au yambi yo songa vo bazolele sadila Nzambi muna zingu kiau.—Mavangu 2:41

 74 Ambangi za Yave bena ye vuvu kia zinga mu Paradiso ya mpa ye yambote.—Nkunga 37:9-11, 29

75 Aweyi ofwete vanga wazingila mo mpe o ngeye kumosi yo yau?—Yakobo 1:22, 25; 2:20-26

Yikama yo yau mulongoka sadila Yave. Yau bezolanga yo lemvokela Yave yo Kristu Yesu. Ongeye okubazolang’e? Ng’ozolele sadisa akaka mu zaya Nzambi?—Yoane 6:45-47

 76 Yave yo Kristu Yesu bekuzolanga ye bazolele vo wazinga yakwele mvu muna paradiso.—Yoane 3:16

Dialudi vo mana olongokele mu finkanda fiafi mumfimpa fwaniswa yo mambu masonama mu finkanda fiafi mavene nsatu a zinga yakwele mvu ova ntoto. Avo zolele zaya diaka mambu makaka ma vuvu kiaki, mokena ye mosi mu Mbangi za Yave nukalanga vakimosi. Olenda soneka yovo vova kwa muntu akaka kasonekena kun’esonekeno difinamene y’oku ozingilanga, tusongele e mpila ofwete wo vangila mu lukaya lwa zole lwa finkanda fiafi.