Zinga ye Kiese ova Ntoto Yakwele Mvu!

E finkanda fiafi fiasonekwa muna kusadisa wazaya nani wavanga o ntoto ye yawonso inamo. Osinga longoka vo, o Nzambi wavanga o ntoto, wina ye nkumbu. Tusasidi mpe ekuma o Nzambi kavangila o muntu ye aweyi olenda zingila ye kiese ova ntoto yakwele mvu.

Tusidi evuvu vo o ulolo wa fwaniswa yayi ikusadisa mulenda bakula o mambu mama. Muna toma kusadisa, ofwete tanga etini ya Nkand’a Nzambi ya sonama vana ndambu a fwaniswa. Kimana walenda kitangila ngeye kibeni emiaka nsilu miambote mia Nzambi, mina muna Nkand’a Nzambi, ye zaya aweyi kavovele o Nzambi ofwete vanga muna lenda vwa e nsambu ova kilungana e nsilu miandi.

Olenda mpe sadila e finkanda fiafi muna sadisa akaka. Avo wina yo wana, olenda fio sadila muna kubalonga mu zaya Nzambi. Avo ozingilanga muna nsi yina ye mbuta zayingi kebazeye tanga ko, olenda sadila e fwaniswa muna kubasadisa mu zaya omakani ma Nzambi, kimana oyau mpe balenda sadisa akaka.

Tusidi evuvu vo endongokelo aku a finkanda fiafi ikuvana e nzila muna baka e nsambu zayingi, yo songela akaka owu balenda zingila ye kiese ova ntoto yakwele mvu.