KUNKU KIA 1
Ludi kia Kintinu—Vana Madia ma Mwanda
OMWENE meso ma nlongoki aku a Nkand’a Nzambi mevaikanga mansanga mu kuma kia kiese wau kabakwidi e nsas’a sono nutangidi. Kuna malembe mawonso ovovele vo: “Nga disongele vo Diambu dia Nzambi dilonganga vo tulenda zingila muna Paradiso yakwele mvu ova ntoto?” O nkw’aku ovaikidi yandi muna salu kia umbangi osevele yo vova vo: “Adieyi otangidi muna Bibila?” O nlongoki osivikidi, onikwini ntu yo vova vo: “Kikwikidi ko vo wau i nkumbu antete ngwidi e diambu diadi!” Osungamene vo nlongoki aku wavovele kala mvovo miami mu tumingu twaviokele vava kawá mu nkumbu antete vo e nkumbu a Nzambi, Yave.
Nga wawanana kala ye diambu diadi? Ndonga muna nkangu a Yave bawanana diau kala. Nona yakete ilenda kutusungamesa lukau luantalu twavewa: zayi wa ludi! Toma yindula: Aweyi wavwila lukau lwalu? Tubadika e kiuvu kiaki mu kunku kiaki. E mpila ina nkangu a Nzambi bevwilanga ntemo a mwanda i ziku kisonganga vo Kintinu kia Nzambi kiakieleka kikilu. Mu kolo kia nkam’a mvu kiviokele kala, Yesu Kristu wa Ntinu a Kintinu kiaki ovanganga mawonso kimana vo nkangu a Nzambi walongwa e ludi.
MU KUNKU KIAKI
KAPU KIA 3
Yave Osengomonanga Kani Diandi
Kuna lubantiku, nga Kintinu kia Masia muna kani dia Yave kiakala? Aweyi Yesu kakiesesela diambu dia Kintinu?
KAPU KIA 4
Yave Okembese Nkumbu andi
E Kintinu nkia mambu kilungisanga mu kuma kia nkumbu a Nzambi? Aweyi olenda kembesela e nkumbu a Yave?
KAPU KIA 5
O Ntinu Osengomwene Oma ma Kintinu
Vwa umbakuzi mu kuma kia Kintinu kia Nzambi, atinu ye nkangu ye dina divavwanga mu songa e kwikizi.