Yesu Kristu wavovesa alandi andi vo: “Nutemesa ntemo eno vana vena wantu, bamona mavangu meno mambote, bakembela S’eno wina kun’ezulu.” (Matai 5:​16) Muna kuma kiaki, tusadilanga o umbangu wa tandu kiaki mu mpil’ambote kumosi mpe ye internete. Muna nzil’eto ya internete jw.org, olenda mo solola mambu mu kuma kia lukwikilu ye salu kia Mbangi za Yave. Nkia mambu mankaka diaka olenda mo solola?

Mvutu za Nkand’a Nzambi mu kuma kia yuvu beyuvulanga o wantu. Olenda mo solola e mvutu za yuvu yankaka yamfunu beyuvulanga o wantu. Kasikil’owu, e yinkanda-nkanda Nga e Mpasi Zisinga Fokoka? ye Amafwa nga Balenda Zinga Diaka? yasiwa muna nzil’eto ya internete mu vioka 600 za ndinga. Olenda mo solola mpe Nsekola ya Nz’ampa mu vioka 130 ma ndinga ye nkanda miakaka misadilwanga mu longoka Nkand’a Nzambi nze, O Nkand’a Nzambi Adieyi Kieleka Kelonganga? Eyingidilu ye Despertai! zampa. Miayingi muna nkanda miami milenda bandulwa muna MP3, PDF yovo EPUB. Olenda mio nieteka mpe kimana wavana mio kwa konso muntu osongele luzolo lwambote muna nding’andi. Muna mpe ye tezo kia 20 ma vídeo za ndinga za sinsu. Olenda mpe wá ntangilu a Nkand’a Nzambi, fuka ya Nkand’a Nzambi ye nkunga miambote milenda kuyangidika.

Mambu ma ziku mu kuma kia Mbangi za Yave. Muna mpe ye mambu mampa ye vídeo zisonganga e salu kia Mbangi za Yave mu nz’amvimba, mambu mekubabwilanga ye lusadisu bevananga kw’awana bebwilwanga sumbula. Olenda mo wana mpe e lumbu ivangama tukutakanu tweto twa mvivu yo zaya mambu mankaka mu kuma kia mavula meto.

Muna lusadisu lwa sadilwa yayi, tutemesanga o ntemo a ludi yakuna nsuk’a nza. Wantu mu nsi zawonso kumosi y’awana bezingilanga mu nsi za matadi ma nzizi bewanga e ludi. Tusambanga kimana ‘e diambu dia Yave dienda ntinu’ mu nza yawonso muna nkembo a Nzambi.​—2 Tesalonika 3:1.

• Aweyi nzil’eto ya jw.org isadisilanga wantu ayingi mu longoka e ludi kia Nkand’a Nzambi?

• Nkia diambu ozolele tala muna nzil’eto ya internete?