Mvovo mia Lusunzulu lwa Kunku kia 2
Ekuma Yave katwasila kizalu kiafwasa nza ya tandu kiakina? Kuna lubantiku lwa lusansu lwa wantu, vita yayantika vana vena wete yo bi. Wantu ayingi nze Adami, Eva yo mwan’au Kaini, basola nzila yambi. Akaka nze Abele ye Noa, basola e nzila yambote. Wantu ayingi bavanganga mambu mambi. Muna kuma kiaki, Yave wafwasa e nza yayina yambi. E kunku kiaki kikutusadisa mu zaya vo Yave omonanga kana nkia nzila twasola, ke singa yambula ko vo wete wasundwa kwa mbi.
MU KUNKU KIAKI
LONGI DIA 3
Adami yo Eva ke Balemvokela Nzambi ko
Nki kiakitula nti umosi wakala muna mpatu ya Edene se wamfunu? Ekuma Eva kadila e bundu kia nti andi?
LONGI DIA 4
O Funga Makasi Dilenda Twasa Vonza
Nzambi watambulwila lukau lwa Abele ke lwa Kaini ko. Vava Kaini kazaya wo, wafunga kikilu makasi yo vanga diambu dimosi diambi.
LONGI DIA 5
Noa Otungidi Nzaza
Vava mbasi zambi basompa akento ova ntoto bawuta yimpumbulu ya wana. Umpumbulu wawokela mwawonso. Kansi Noa waswaswana kakala—wazolangan Nzambi yo kunlemvokela
LONGI DIA 6
Wantu Nana Bavulukidi
E mvula yanoka lumbu 40 ye fuku 40. Noa ye esi nzo andi mu nzaza bakala vioka mvu mosi. I bosi, bavaika.
