NZAMBI A MPUNGU NGOLO i Mfumu a nsema wawonso. E zingu kieto kia unu ye kia kusentu kwa yandi kaka kina. Ovwidi nkuma a senda ye nkuma a tumba. Ovwidi nkuma wa van’o moyo ye wa katula wo. Avo tutondelo kwa yandi nluta miambote tutambula; ovo ke tutondelo ko kwa yandi mfwilu tubaka. Ozevo, diamfunu kikilu e nsambil’eto yatambuka kwa yandi!

O wantu mpila zayingi besambilanga. Wau vo nsambila zina nze nzila, nga mpila zawonso za nsambila zitondwanga kwa Nzambi? Ve, ke zitondwanga ko. O Yesu wa ngunza a Nzambi wasonga vo nzila zole kaka zina vo. Wá owu kavova: “O mwelo wasâdila, e nzila mpe yasanzuka, ina ya lubukumuku, engi bena, ana bekotela mo. Kadi o mwelo wambatakani, e nzila mpe yamfinangani, ina ya moyo, ke bengi ko ana besolola yo.”— Matai 7:13, 14.

Vena ye nsambila zole kaka: yimosi yifilanga ku moyo ye yakaka yifilanga ku lubukumuku. Ekani dia finkanda fiafi i kusadisa wasolola e nzila yifilanga ku moyo a mvu ya mvu.