KUNKU KIA 8
Yambula e Nsambil’a Luvunu; Samba Nsambila Aludi
1. Mu kuma kia nsambila adieyi bafwete sola o wantu o unu?
O YESU wavova vo: “Ona kena yame ko, i ntantu ame.” (Matai 12:30) Oyeto tulenda kala ku sambu dia Yave yovo ku sambu dia Satana. Ndonga ya wantu bebanzanga vo Nzambi besadilanga una ufwene. Kansi, Nkand’a Nzambi uvovanga vo Satana “otungianisang’e nza yawonso.” (Lusengomono 12:9) Mazunda ma wantu bebanzanga vo Nzambi besambilanga, kansi, kieleka Satana wa Nkadi Ampemba besadilanga! O wantu o unu sola bafwete sola: Sadila Yave ‘wa Nzambi aludi’ yovo Satana “ese dia luvunu”—Nkunga 31:5; Yoane 8:44.
Yambula e Nsambil’a Luvunu
2. Nkia mpila kesadilanga Satana mu simbinin’o wantu balembi sadila Yave?
2 E nzengo za sadila Yave, i nsol’a ngangu tulenda sola, kadi otondwa kwa Nzambi. Kansi, o Satana keyangalelanga konso muntu ko ona osadilanga Nzambi; obangikanga ana bevanganga wo. Imosi muna mpila kevangilanga wo, i fil’o wantu mu kuveza yovo kutonta, diakala akundi yovo kwa esi nzo aku. O Yesu walukisa vo: “Atantu a muntu i esi nzo a yandi kibeni.”—Matai 10:36.
3. Avo e yitu yovo akundi aku basidi e kitantu wau vo Nzambi osambilanga, adieyi ovanga?
3 Avo ediadi dibwididi aweyi ovanga? Ndonga ya wantu bazeye wo vo e mpila nsambil’au yambi, kansi bekatikisanga mu yambula yo. Bebanzanga vo ovanga wo i kondwa e kwikizi kwa yitu yau. Ediadi nga diansongi kwandi? Avo ozeye vo e yitu yaku diamba benuanga nga kukubalukisa
ko vo e fomo yoyo ilenda kubavang’e mbi? Nga okala yau entwadi mu nua e fomo yoyo?4. O Yosua adieyi kavovesa Aneyisaele a lumbu yandi mu kuma kia nsambila?
4 O Yosua wakasakesa Aneyisaele bayambula mavangu ma nsambila za luvunu ye lusansu lwa akulu au. Owu kabavovesa: “Owau nuvumina Yave yo kunsadila kuna ziku ye ludi: nwakatula nzambi zina zasadila mase meno kun’esimu dia Nzadi, yo muna Engipito; nusadila Yave.” (Yosua 24:14) O Yosua wasikila muna Nzambi, muna kuma kiaki o Yave wansambula. Avo twasikila muna Yave, okutusambula mpe.—2 Samuele 22:26.
Uyikola mu Má Isadilwanga Mu Nsambila Aluvunu
5. Ekuma tufwete fwasila konso má kia nkisi?
5 Kuyikola muna nsambila aluvunu divavanga mpe vo twafwasa konso má kia nkisi kina tuna kiau, kilenda kala nsinga mia nkisi mivwatwanga muna luketo yovo muna koko yovo nlunga mia moko ye makaka mpe. Evangu diadi diamfunu kadi disonganga vo tusidi e vuvu kieto kiawonso kwa Yave.
6. Akristu ankulu aweyi bavanga e nkanda miau mia nkisi?
6 Badika mana Akristu akaka bavanga vava bazola sambila e nsambila aludi. Nkand’a Nzambi uvovanga vo: “Ebidi vana bena, ana bavandidinge mpandu, bakutidi nkanda miau, bayokèle mio vana vena wantu awonso.”— Mavangu 19:19.
7. Adieyi tufwete vanga avo e nkwiya batubangikidi?
7 Kuna kw’awana bayantikidi sadila Yave kansi bateka sadila nkisi, kindoki yovo mpandu nanga balenda bangikwa kwa nkwiya. Avo ediadi dibwididi, samba kwa Yave mu nding’angolo, yika nkumbu andi. Oyandi okusadisa.—Ngana 18:10; Yakobo 4:7.
8. Akristu aweyi bebadikilanga e teke ye fwaniswa yisadilwanga mu nsambila?
8 Awana bazolele sadila Yave ke bafwete kala ye teke ko yovo sadila fwaniswa ya nsambila aluvunu. Akristu akieleka “muna lukwikilu [be]kangadilanga, ke mu mona meso ko.” (2 Korinto 5:7) Bezitisanga nsiku a Nzambi usimanga e sadilwa ya teke muna nsambila.—Luvaiku 20:4, 5.
Kala Entwadi yo Nkangu a Yave
9. Nkia lulukisu kevanang’o Nkand’a Nzambi lwa mpila tulenda kitukila akwa ngangu?
9 Nkand’a Nzambi uvovanga vo: “On’okangala y’akwa ngangu, okal’e ngangu.” (Ngana 13:20) Avo tuzolele kala akwa ngangu tufwete kangala yovo kala entwadi ye Mbangi za Yave. Oyau i nkangu bediatilanga muna nzila yifilanga ku moyo.—Matai 7:14.
10. A Mbangi za Yave aweyi balenda kusadisila mu sadila Nzambi?
10 A Mbangi bevwanga kieleka wantu o mfunu. E salu kiau i sadisa akwa ntima miansongi babakula e ludi kia Nkand’a Nzambi kifilanga ku moyo a mvu ya mvu. Balenda kusadisa mu longoka yaku o Nkand’a Nzambi, lembi futa nzimbu. Bevana e mvutu za yuvu yaku yo kusonga una olenda sadila zayi wa Nkand’a Nzambi muna zingu kiaku.—Yoane 17:3.
11. Aweyi tukutakanu twa Kikristu tulenda kusadisila?
11 Muna tukutakanu twau, tuvangamenanga kun’Eseka dia Kintinu, olongoka mayingi mu kuma kia nzila za Yave. O luzolo lwaku lwa sambila nsambila yaludi lukasakeswa. Olongwa mpe e mpila ina olenda sadisila akaka mu longoka e ludi kia Nkand’a Nzambi.—Ayibere 10:24, 25.
12. Aweyi e sambu ilenda kusadisila mu sadila Nzambi?
12 Ekolo olongoka mayingi mu kuma kia luzolo lwa Yave ye lukanu lwandi, owokesa o zola kwaku muna nzila zandi za zola. Owokesa mpe luzolo lwa vanga mana mekunyangidikanga yo lembi vanga mana finama Yave muna sambu mu lomba vo kasadisa mu vanga oma mansongi yo venga oma mambi.—1 Korinto 6:9, 10; Filipi 4:6.
mekunkendelekanga. Sungamena dio vo olendaAweyi olenda sambila nsambila yaludi?
13. Aweyi olenda yangidikil’o ntima Yave?
13 Kuna kukwiziwa, vava onungunuka muna mwanda omona mfunu wa kuyiyekola yo vubwa se Mbangi a Yave. Muna kala entwadi yo nkangu a Yave, oyangidik’o ntim’a Yave. (Ngana 27:11) Okala vana vena nkangu akiese, mu kuma kiau o Nzambi ovovanga vo: “Kala nkala omu yau, kangala nkangal’omu yau; mono nkala Nzambi au, oyau bekala nkangu ame.”—2 Korinto 6:16.