Kintwadi kia Mabundu
Nga mabundu mawonso Nzambi mosi kaka mesambilanga?
Nga Bibila kilonganga vo Yave otondanga mabundu mawonso, kana nkutu mana melonganga ngindu zaswaswana?
Mat 7:13, 14; Yoa 17:3; Ef 4:4-6
-
Nona ina muna Bibila:
-
Yos 24:15—Yosua wavova vo tufwete sola kana vo Yave tusadila yovo nzambi zankaka
-
1Nti 18:19-40—Yave wasadila Eliya wa ngunza mu songa vo asambidi a Nzambi aludi ke bafwete sambila nzambi zankaka ko nze Bale
-
Aweyi Yave kemonanga mu kuma kia nzambi za luvunu ye nsambila ina bevewanga?
Aweyi Yave kemonanga vava wantu bevovanga vo yandi besambilanga, kansi bekotesanga muna nsambil’au mana Yave kemenganga?
Yes 1:13-15; 1Ko 10:20-22; 2Ko 6:14, 15, 17
-
Nona ina muna Bibila:
-
Luv 32:1-10—Yave wafunga kikilu makasi vava Arone kavanga teke kia mwan’a ngombe yo sadila kio mu kembelela e “lumbu kia nkinzi kuna kwa Yave”
-
1Nti 12:26-30—Wau vo Yerobame wa Ntinu kazola ko vo nkangu wakwamanana kwenda muna tempelo kuna Yerusaleme, wavanga teke yo vovesa nkangu vo Yave yasunzulanga, kansi ediadi diafila nkangu mu sumuka
-
Adieyi Yave kavovesa Aneyisaele mu diambu ditadidi yikama awana basambilanga nzambi zankaka?
Adieyi Yave kavanga vava nkangu andi wayantika sadila nzambi zankaka?
Afu 10:6, 7; Nk 106:35-40; Yer 44:2, 3
-
Nona ina muna Bibila:
-
1Nti 11:1-9—Solomo wa Ntinu wavukumunua kwa Akento andi a nzenza mu sambila nzambi zankaka, ediadi diafila akaka mu vanga diau dimosi. E diambu diadi diafungisa Yave makasi
-
Nk 78:40, 41, 55-62—Asafi wayika una o ukolami wa Aneyisaele wakendelekela Yave yo kumfila mu kubabembola
-
Nga Yesu watondanga malongi ma mabundu mana ke makala ngwizani ko ye Diambu dia Nzambi?
-
Nona ina muna Bibila:
-
Mat 16:6, 12—Yesu watezanesa malongi ma Afarisi ye Asaduki ye mfuna, kadi malongi maluvunu mesayananga mu nzaki zawonso yo fwasa e ngwizani ambote ina o wantu bena yau yo Yave
-
Mat 23:5-7, 23-33—Yesu watumba e fu kia kivunina ye malongi maluvunu ma asoneki ye Afarisi
-
Mak 7:5-9—Yesu watumba asoneki ye Afarisi kadi bakala ye fu kia zitisa tusansu twa wantu ke mu malongi mena muna Diambu dia Nzambi ko
-
Nga Yesu wakasakesa alandi andi bavanga buka yankaka ya mabundu?
-
Nona ina muna Bibila:
-
Yoa 15:4, 5—Yesu wasadila nona kia nsing’a vinyu mu songa vo alandi andi bafwete kala e ntwadi yo yandi ye akwau Akristu
-
Yoa 17:1, 6, 11, 20-23—Muna fuku wansuka kakala ye ntumwa zandi, Yesu wasamba kwa Se diandi kasadisa alongoki andi bakala mu kintwadi
-
Nga Akristu muna tandu kiantete mambu mamosi bakwikilanga yo sambila Yave mu mpila imosi?
-
Nona ina muna Bibila:
-
Mav 11:20-23, 25, 26—Ampangi muna nkutakani ya Antiokia ye Yerusaleme mu kintwadi bakala ye basalanga kumosi
-
Rom 15:25, 26; 2Ko 8:1-7—Ampangi muna nkutakani za Kikristu muna tandu kiantete, basonganga o zola muna sadisa muntu yo nkwandi muna ntangw’a mpasi; muna mpila yayi basonganga vo mu kintwadi bakala
-
Nga Nzambi otondanga mabundu mawonso mevovanga vo bekwikilanga muna Kristu?
Avo muntu oyambwidi landa malongi ma Kristu ye ma antumwa, nga e nsambil’andi itondakana kwa Nzambi?
-
Nona ina muna Bibila:
-
Mat 13:24-30, 36-43—Yesu wasadila nona mu songa vo wauna e mbongo ambi yimenenanga muna mpatu, Akristu ayingi aluvunu mpe bekota muna nkutakani
-
1Yo 2:18, 19—Yoane wa ntumwa wa nunu wavova vo kuna mfoko a tandu kiantete, Antikristu ayingi kala bamoneka
-
Adieyi divangama avo mavangu mambi ye malongi maluvunu mayambulwilu muna nkutakani?
Nkia mambu Akristu bafwete vanga kimana bakwamanana kala kintwadi?
Ekuma Akristu bafwete vengela e nsambila zaluvunu?
Ekuma dinina o mfunu wantu bazaya malongi melongwanga muna mabundu maluvunu?
Ekuma ke tufwete sivikila ko vava awana bena muna mabundu maluvunu bekututelamenanga yo kutubangika?
Nanga Oyangalela Mpe Malongi Mama
EYINGIDILU DIA NKANGU
Kintwadi kia Mabundu—Nga I Nzil’a Nzambi?
Nga tufwete vanga konso diambu mu kuma kia ngwizani yo ungudi? E mvutu za Nkand’a Nzambi muna diambu diadi zilenda kusivikisa.
MVUTU ZA YUVU YA BIBILA
Nga Mabundu Mawonso Mafwanana? Nga Mawonso Menatanga o Wantu kwa Nzambi?
Mambu mole meyingwanga muna Bibila mekutuvananga e mvutu.
Mambu Tulenda Longoka Muna Nkand’a Nzambi
Kintinu Kivambaneso
Ayingi muna Aneyisaele bayambula sadila Yave.
TU AKI NANI
Lomba Beza Kukingula
Zaya e mvutu za Bibila mu kuma kia kiuvu kiaku, yovo zaya mayingi mu kuma kia Mbangi za Yave.
