Nona ina muna Bibila:

• 1Sa 15:17-23—Samuele wa ngunza wavana longi dia nkuma kwa Saulu wa ntinu wau kakolamena Yave; i bosi, Samuele wayika o mfunu wa songa o lemvo

• Ayi 5:7-10—Kanele vo Yesu walemvokelanga Se diandi e ntangwa zawonso, vava kayiza ova ntoto walongoka songa o lemvo kwa Se diandi vava akaka bamwesanga e mpasi

Nona ina muna Bibila:

• Dan 3:13-18—Kanele vo basia mioyo miau mu vonza, Ayibere atatu ke batambulwila vumbamena teke ko kina o ntinu Nebukandesa kadongeleka

• Mat 22:15-22—Yesu wavovesa alandi andi balemvokelanga ayadi avo mana balombele ke mekululanga nsiku mia Nzambi ko

• Mav 4:18-31—Kana nkutu vava balombwa kwa ayadi vo bayambula sila umbangi, antumwa bakwamanana sila umbangi kuna unkabu wawonso

 Nona ina muna Bibila:

• Eze 7:7-10—O Ezera wa nganga wa nkwa kwikizi, wakubika o ntim’andi kimana kakala se mbandu ambote mu diambu ditadidi lemvokela Nsiku a Nzambi yo longa wo kwa akaka

• Yoa 14:31—Yesu wasonga e kuma kavangilanga o mambu wauna o Se diandi kankanikina vo kavanga

Nona ina muna Bibila:

• Tuk 6:9-22; Ayi 11:7—Noa wasonga lukwikilu muna tunga e nzaza, wauna kakanikinua kwa Yave, ‘i una kikilu kavanga’

• Ayi 11:8, 9, 17—Abarayama wasonga lukwikilu muna lemvokela Yave vava kamvovesa vo kasisa e mbanz’a Ure ye vava kanlomba vo katambika o mwan’andi se kimenga

Nona ina muna Bibila:

• Lev 26:3-6—Yave osianga nsilu wa sambula yo lunga-lunga awana bekunlemvokelanga

• Nta 13:30, 31; 14:22-24—Kalebe walemvokela Yave, muna kuma kiaki Yave wansambula

Nona ina muna Bibila:

• Tuk 2:16, 17; 3:17-19—Wau vo Adami yo Eva bakolamena Yave wa Nzambi, bavidisa e Paradiso, kiwuntu kia lunga yo moyo a mvu ya mvu

• Nsi 18:18, 19; Mav 3:12, 18, 22, 23—Yave wasakula vo ovaikisa Ngunza isundidi Mose ye konso ndiona okolamena ngunza yoyo tumbwa ketumbwa

• Yud 6, 7—O ukolami wa Ambasi ye esi Sodoma ye Ngomora wafungisa Yave makasi

Nona kina muna Bibila:

• Yoa 12:46-48; 14:24—Yesu wavova vo konso ndiona ke lemvokela mvovo miandi ko, fundiswa kefundiswa

Nona ina muna Bibila:

• Tuk 37:3, 4, 8, 11-13, 18—Vava Yosefe kakala nleke walemvokela se diandi, wayenda kingula e mpangi zandi, kanele vo ke banzolanga ko

• Luk 2:51—Kanele vo walunga kakala, Yesu wakwamanana lemvokela mase mandi Yosefe yo Maria ana bakala vo ke wantu alunga ko