O nkanda Sono Ikutusadisanga mu Sadila Yave una Ufwene ukusadisa mu solola ye nzaki zawonso e sono yo tusansu twa Bibila tulenda kusadisa mu zizidila e mpasi onuananga zau. Ukusadisa mpe mu solola e sono ya Bibila ina kikilu ovuidi o mfunu mu kasakesa akaka yo kubasadisa mu baka nzengo zambote ziyangidika Yave. Sola o ntu a diambu una ovuidi o mfunu. Muna konso ntu a diambu, muna ye yuvu ye mvovo miankufi miyikanga nona ina muna Bibila ilenda kusadisa. (Tala e babu “ Aweyi Olenda Sadila Nkanda Wau?”) Osolola malongi, tuludiku ye lufiaulwisu lwamfunu lutukanga muna Diambu dia Nzambi. Osolola mpe nkanikinu mia Bibila mina olenda sadila mu sadisa yo kasakesa akaka.

O nkanda wau ke uyikanga sono yawonso ko ivovelanga e diambu dina muna konso ntu a diambu. Kansi, ukubikilu muna kusadisa wasolola e sono ina ovuidi o mfunu ye olenda vavulula muna salanganu yankaka avo ozolele. (Ngn 2:1-6) Muna zaya diaka mankaka, olenda sadila e referências marginais ye nota de estudo muna Bibila Nsekola ya Nz’ampa, avo ina muna ndinga yankaka ina otoma bakulanga. Olenda mpe sadila Nkanda wa Vavulwila wa Mbangi za Yave yovo Índice de Publicações da Torre de Vigia muna toma bakula e nsas’a sono yovo una olenda yo sadila muna zingu kiaku. Vava zaya mambu mampa mavaikisu ke kolo ko, meyikanga umbakuzi wampa wa sono ya Bibila.

O nkanda Sono Ikutusadisanga mu Sadila Yave una Ufwene ulenda kusadisa mu vua ngangu, zayi yo umbakuzi una muna Diambu dia Nzambi. Ekolo osadilanga o nkanda wau, okala ye ziku vo “e diambu dia Nzambi diamoyo ye nkuma.”—Ayi 4:12.