E longi difwete simba o ntim’aku. Vava okubikanga e longi, yindula o mfunu wa mambu mana ovova. Ofwete toma bakula e longi diaku kimana wavovela ye nsi a ntima wawonso.

Yindula awana bekuwá. Yindula una e mambu otanga yovo olonga metwasila e nluta kw’akaka. Fidila e longi mu mpila isadisa awana bekuwanga babakula e nluta dikubatwasila.

Fidila e longi kuna kiese. Vovela kuna kikesa. Sadila e sinsu ina betela ye una obadikilanga e longi.