LONGI DIA 13
Songa o Mfunu wa Longi
Ngana 3:21
MUNA LUKUFI: Sadisa awana bekuwanga babakula o mfunu wa longi muna zingu kiau. Ubasonga una balenda sadila mana balongokele.
UNA OLENDA WO VANGILA:
-
Yindula awana olonga. Badika e kuma o wantu bafwete wila mana ozolele kubazayisa ye nkia mambu mekubasadisa.
-
Ekolo olonganga, songa kw’awana bekuwanga dina bafwete vanga. Tuka kuna lubantiku lwa longi, konso muntu kafwete vova muna nsi a ntima vo: ‘E longi diadi mfunu kikilu dina kwa mono.’ Ekolo osasilanga mambu masina, songa una balenda mo sadila muna zingu kiau. Vovanga e mambu mena vo masikididi.