LONGI DIA 14
Toma Kiesesa Mambu Masina
Ayibere 8:1
MUNA LUKUFI: Sadisa o nkangu batoma landa e longi, toma sasila mambu masina yo songa e ngwizani mena yo ntu a diambu wa longi.
UNA OLENDA WO VANGILA:
-
Kala ye kani. Vava zaya kana vo e kani dia longi diaku i zayisa diambu, kwikidisa yovo kasakesa nkangu. I bosi, sungamena e kani diadi ekolo ofilanga e longi. Toma sasila mambu masina kimana walungisa e kani dia longi diaku.
-
Vutukilanga o ntu a diambu wa longi. Ekolo ofilanga e longi, vutukilanga e mvovo miasina mina muna ntu a diambu yovo sadila mvovo miankaka mina betela.
-
Toma kiesesa mambu masina. Sola kaka mambu masina mena e ngwizani yo ntu a diambu ye mana olenda toma sasila muna ntangwa yasikidiswa. Kusodi mambu mayingi masina ko, toma sunzula konso diambu diasina, vunda fiakete vitila wayika diambu diankaka yo wizanesa diambu dina ovovele ye dina dilanda.
