Toma kubama. Lomba lusadisu muna sambu kimana wasia e sungididi muna diambu ozolele vovela, ke mu ngeye kibeni ko. Zaya e mambu masina mana ovovela. Sadila e mvovo mia ngeye kibeni; kuvutukila kaka mvovo mina muna longi ko.

Vovela kuna ngemba. Yindula o mfunu wa diambu ozolele vovela ye nluta dilenda twasa kw’awana bekuwanga. Sia e sungididi muna wantu. Avo ovangidi wo, e ziku kia mana ovovanga ye kiese kiaku kimoneka muna mpila otelamena, e sinsu ovanga ye vana lose lwaku.

Talanga o wantu bekuwanga. Avo ke diambi ko muna zunga kieno, talanga o wantu ekolo ovovanga. Vava ofilanga e longi, talanga muntu mosi-mosi vana fulu kia talanga nkangu awonso.