LONGI DIA 6
Toma Sasila e Sono
Yoane 10:33-36
MUNA LUKUFI: Kutangi kaka sono ko yo vovela e diambu dina dilende. Sadisa o nkangu mu bakula e ngwizani ina vana vena e sono otangidi ye diambu ovovelanga.
UNA OLENDA WO VANGILA:
-
Songa e mvovo miasina. Avo otangidi e sono, songa e mvovo miasina mina e ngwizani ye diambu ovovelanga. Olenda wo vanga muna vutukilanga e mvovo miami yovo yuvula yuvu ifila o nkangu mu vava e mvovo miasina.
-
Toma kiesesa e diambu. Avo oyikidi e kuma kiasikila ozolele tangila e sono, songa una e mvovo miasina minina e ngwizani ye kuma oyikidi mio.
-
Sasila o mambu mu mpila yaleboka. Venga e fu kia vovelanga mambu mana ke mesadisa wantu mu bakula e mbut’a diambu ko. Landila mana wantu bazeye kala mu kuma kia diambu ovovelanga, sola mana nkangu bavuidi o mfunu muna bakula e mbut’a diambu.