LONGI DIA 8
Sadila e Nona Ilenda Simba e Ntima mia Wantu
Matai 13:34, 35
MUNA LUKUFI: Tomesa e mpil’aku ya longela muna sadilanga e nona yaleboka ilenda simba e ntima mia wantu yo kubalonga mambu mamfunu.
UNA OLENDA WO VANGILA:
-
Sola nona yaleboka. Nze Yesu, sadila nona ya mambu matomene zayakana mu sasila mambu mampasi. Kukudikila mambu makondwa mfunu ko. Kala ye ziku vo e nona osadila ngwizani kina ye longi diaku muna lembi vilakesa e ngindu za awana bekuwanga.
-
Yindula e nona ilenda sadisa o nkangu. Sola e nona ya mambu matomene zayakana kwa nkangu. Keba kimana e nona osadila yalembi fwisa wantu e nsoni yovo kubakendeleka.
-
Longa diambu diasina. Sia e sungididi muna mambu masina, vana fulu kia vovela mambu makete-kete. Awana bekuwanga ke bafwete sungamena kaka nona ko, kansi ubasadisa basungamena mpe dina balongokele muna nona oyikidi.
