KUNKU KIA 3
Tuka Mpaika Muna Engipito Yaku Ntinu Antete a Isaele
O Mose wafila Aneyisaele tuka kinkole muna Engipito yakuna Mongo a Sinai, kuna o Nzambi kabavanina nsiku miandi. I bosi, o Mose wafila wantu 12 mu kwenda langa nsi a Kenani. Kansi, 10 muna yau batwasa nsangu zambi. Bafil’o nkangu mu zola vutuka kuna Engipito. Muna kuma kia konda kwau kwa lukwikilu, o Nzambi wabatumba. Bazingila muna makanga mvu 40.
I bosi, o Yosua wasolwa mu fila Aneyisaele muna nsi a Kenani. Muna kubasadisa mu vwa nsi yayina, o Yave wavanga masivi. Waningamesa Nkoko a Yodani, wabwisa yaka ya Yeriko, yo ningamesa ntangwa lumbu kiamvimba. Vioka mvu sambanu, e nsi a Kenani yatambulwa.
Tuka muna Yosua, Isaele yayalwa kw’afundisi mvu 356. Tulongoka ayingi muna yau, Baraki, Ngidone, Yefeta, Samesone yo Samuele. Tuzaya mpe akento nze Rakabi, Debora, Yaele, Rutu, Naomi yo Delila. E Kunku KIETATU lusansu lua mvu 396 kiyikanga.
MU KUNKU KIAKI
LUSANSU LWA 36
Mwan’a Ngombe Awolo
Ekuma o nkangu basambidila e teke kiavangilwa muna nlunga miazelolwa vana tiya?
LUSANSU LWA 38
Alangi 12
Mana alangi kumi bavovele maswaswana ye mana alangi wole bavovele. Aneyisaele aki nani bakwikila?
LUSANSU LWA 39
Nkau a Arone Umenene e Mvuma
Aweyi o nti wayuma walenda vayikisila e mvuma ye bundu muna lumbu kimosi?
LUSANSU LWA 40
Mose Owende Etadi
Mose owende etadi yo vaikisa e maza, kansi ofungisi mpe Yave makasi.
LUSANSU LWA 43
Yosua Okitukidi Se Mfidi
Mose wakinu ye ngolo, ozevo, ekuma Yosua kafwete vingila vana fulu kiandi?
LUSANSU LWA 48
Esi Ngibone, Akwa Ngangu
Bavunini Yosua ye Aneyisaele kimana babasila nsilu a luvuvamu, kansi Aneyisaele batatididi nsilu au.
LUSANSU LWA 49
E Ntangwa Iningamene
Nzambi ovangidi kwa Yosua e diambu dina kateka vanga ko ngatu vutukila dio vanga.
LUSANSU LWA 50
Makesa Mole M’akento
Baraki wakala se mfidi a makesa ma Isaele muna vita, ekuma Yaele kazitisilwa?
LUSANSU LWA 52
Ngidone ye 300 za Makesa Mandi
Nzambi osadidi maza muna tonta buka kiakete kia makesa.
LUSANSU LWA 53
Nsilu a Yefeta
O nsilu andi kasia kwa Yave ke utadidi kaka yandi kibeni ko, utadidi mpe mwan’andi.
LUSANSU LWA 55
Kindende Kisadilanga Nzambi
Nzambi osadidi nleke Samuele muna samuna nsangu za lufundisu kwa Ele wa Ngang’ambuta.
