KUNKU KIA 7
Tuka Lufuluku lwa Yesu Yakuna Nkangam’a Paulu
O Yesu wafuluka muna lumbu kietatu. Muna lumbu kiakina wamoneka nkumbu ntanu kw’alongoki andi. Wakwamanana moneka kwa yau mu lumbu 40. I bosi, ekolo alongoki andi bantalanga, o Yesu otombokele kun’ezulu. Vioka lumbu 10, Nzambi wabungula mwand’avelela mun’alongoki a Yesu muna Yerusaleme.
Oku kwalanda, atantu a Nzambi basia alongoki muna pelezo, kansi mbasi a Nzambi wabavaikisa. O Setefano wa nlongoki a Yesu wavondwa mu matadi kw’atantu. Kansi, tusinga longoka mpila Yesu kasolela mosi muna atantu awaya mu kituka se selo kiandi kiamfunu, Paulu wa ntumwa. I bosi, vioka mvu ntatu ye ndambu tuka lufwa lwa Yesu, Nzambi wafila Petelo wa ntumwa mu sila umbangi kwa muntu una vo ke Nyuda ko, Koneleo y’esi nzo andi.
Vioka mvu 13, Paulu wayantika nkangalu andi antete mu salu kia samuna nsangu zambote. Muna nkangalu andi wezole, Timoteo wayikama Paulu mu salu kiaki. Tulongoka mpila Paulu y’awana kakangalanga yau entwadi bamwenanga e kiese muna salu kia Nzambi. Kuna mfoko, Paulu wasiwa mu pelezo kuna Roma. Vioka mvu miole wavaikiswa. Oku sentu wasiwa diaka mu pelezo yo vondwa. KUNKU kia 7 mambu ma mvu 32 kiyikanga.
MU KUNKU KIAKI
LUSANSU LWA 102
Yesu un’o Moyo
Mbasi mosi onengomwene tadi yo sisa e ziami kia Yesu kiaziuka. Makesa meyingilanga kio basivikidi vava batadidi muna kati.
LUSANSU LWA 104
Yesu Ovutukidi Kun’ezulu
Vitila Yesu kenda kuna zulu, ovene nkanikinu wansuka kwa alongoki andi.
LUSANSU LWA 105
Bavingidi Muna Yerusaleme
Ekuma Yesu kapongolwele mwand’avelela kwa alongoki andi muna lumbu kia pentikosti?
LUSANSU LWA 106
Bavaikisu Muna Pelezo
E mbuta za nganga basidi antumwa muna pelezo kimana bayambula samuna e nsangu zambote, kansi Nzambi diambu diankaka kayindwidi mu kuma kiau.
LUSANSU LWA 107
Setefano Otubilu Matadi
Ekolo ketubwanga o matadi, Setefano ovanganga e sambu kia kafu-kafu.
LUSANSU LWA 108
Muna Nzila a Dameseke
Ntemo angolo uvondele meso ma Saulu ye ndinga itukidi kuna zulu isobele zingu kiandi.
LUSANSU LWA 109
Petelo Okingwidi Koneleo
Nga Nzambi obadikilanga wantu a kanda yovo zula kimosi basundidi akaka?
LUSANSU LWA 110
Timoteo wa Nsadisi a Paulu
Timoteo osisidi nzo au yo yikama Paulu muna salu kia samuna e nsangu zambote.
LUSANSU LWA 111
Nleke Olele
Yutoko olele ekolo Paulu kefilanga e longi diandi diantete, kansi muna longi diazole kaleka diaka ko. Sivi diampwena kikilu diavangama vitila e longi diazole.
LUSANSU LWA 112
E Nzaza Idimukini
Vava e vuvu kiawonso kia vuluka kiadimbuka, Paulu watambula nsangu zatuka kwa Nzambi zina zamvana e vuvu.