O NKANDA wau tusansu twakieleka uyikanga. Mu Nkand’a Nzambi twabongelwa, una vo i nkanda usundidi nkanda miawonso. Nkanda wau uyikanga lusansu lwa nza tuka kina Nzambi kayantika osema yamu lumbu yeto. Uyikanga mpe man’o Nzambi kasil’o nsilu a vanga kuna sentu.

Nkanda wau ukusadisa mu zaya kana nki i Nkand’a Nzambi. Usonganga tusansu twa wantu ana beyikwanga mu Nkand’a Nzambi ye mana bavanga. Usonganga mpe e nsilu a moyo a mvu ya mvu kevana o Nzambi kwa wantu muna paradiso ova ntoto.

Tusansu 116 tuna mu nkanda wau. Wavambulwa mu kunku nana. O lukaya lwantete lwa konso kunku luyikanga oma mena muna kunku kiokio. O tusansu twasonekwa muna ndandani yabwilanga mambu. Ediadi dikusadisa mu zaya nkia ntangwa mabwa.

Mu mpova yaleboka yina olenda bakula twasonamena. Ndonga mu yeno aleke, nulenda kuyitangila lusansu lwalu. Yeno mase nusinga mona vo wan’eno beyangalela vo nuabatangilanga tusansu twatu ntangwa zawonso. Numona mpe vo mambu mayingi mamfunu mena mu nkanda wau masonekwa mu kuma kia aleke ye ambuta mpe.

Kuna mfoko a konso lusansu kuna ye sono ya Nkand’a Nzambi. Tuwondelele watanganga e sono ya Nkand’a Nzambi muna mubongelo lusansu.