Yuvu ya Longokela Tusansu twa Nkand’a Nzambi
Yuvu ya Longokela Tusansu twa Nkand’a Nzambi
Lusansu lwa 1
Nzambi Oyantikidi Vanga e Lekwa
1. Akweyi yatuka lekwa yawonso yambote tuna yau? Songa nona kimosi.
2. Nkia lekwa kiantete kavanga o Nzambi?
3. O mbasi antete kavang’o Nzambi nkia kuma kakadila wamfunu?
4. Songa una wakala o ntoto kuna lubantiku. (Tala e fwaniswa.)
5. O Nzambi aweyi kakubikil’o ntoto mu kuma kia wantu ye bulu?
Yuvu yakaka:
1. Tanga Yeremiya 10:12.
Nkia nkal’a Nzambi imonekanga muna lekwa kavanga? (Yes. 40:26; Roma 11:33)
2. Tanga Kolosai 1:15-17.
Nkia fulu kena o Yesu muna nsema wawonso? Muna kuma kiaki, aweyi tufwete kumbadikilanga? (Kol. 1:15-17)
3. Tanga Tuku 1:1-10.
(a) Nani wavanga e nza? (Tuk. 1:1)
(b) Nki kiavangama muna lumbu kiantete kia sema? (Tuk. 1:3-5)
(c) Vova dina diavangama muna lumbu kiezole kia sema. (Tuk. 1:7, 8)
Lusansu lwa 2
1. O Nzambi aweyi kakubikila o ntoto mu kuma kieto?
2. Nkia bulu ya mpila mu mpila kavanga o Nzambi. (Tala e fwaniswa.)
3. E mpatu a Edene nkia kuma yakadila yambote?
4. O Nzambi aweyi kazola ufwete kituka nza yawonso?
Yuvu yakaka:
1. Tanga Tuku 1:11-25.
(a) Nki kavanga o Nzambi muna lumbu kietatu kia sema? (Tuk. 1:12)
(b) Nkia diambu diabwa muna lumbu kieya kia sema? (Tuk. 1:16)
(c) Nkia mpila bulu kavanga o Nzambi muna lumbu kietanu ye kiesambanu? (Tuk. 1:20, 21, 25)
2. Tanga Tuku 2:8, 9.
Nkia nti miole miamfunu kasia o Nzambi muna mpatu? Adieyi miasonganga?
Lusantu lwa 3
1. E fwaniswa kia Lusansu lwa 3 aweyi kiaswaswanena ye kia Lusansu lwa 2?
2. Nani wavanga yakala diantete? Nkumbu andi nani?
3. Nkia salu kavan’o Nzambi kwa Adami?
4. Ekuma Nzambi kalekesela Adami ku wosola kia tulu?
5. Adami yo Eva kolo kwa badi zinga? Nkia salu kabavana o Yave?
Yuvu yakaka:
1. Tanga Nkunga 83:18.
O Nzambi nkumbu andi nani? Nki’etunda kavwidi muna nsema wawonso? (Yer. 16:21; Dan. 4:17)
2. Tanga Tuku 1:26-31.
(a) Aki nani kavanga o Nzambi muna lumbu kiesambanu kia sema? Aweyi baswaswanena ye bulu? (Tuk. 1:26)
(b) O Nzambi nki kakubika muna dikila muntu ye bulu? (Tuk. 1:30)
3. Tanga Tuku 2:7-25.
(a) E salu kavewa Adami kia vana e nkumbu kwa bulu adieyi kiavavanga? (Tuk. 2:19)
(b) Esono ki’ Tuku 2:24 aweyi kikutusadisilanga mu zaya e nyindu a Yave mu kuma kia longo, luvambanu lwa yakala yo nkento yo vambana kwa longo? (Mat. 19:4-6, 9)
Lusansu lwa 4
Ekuma Bavaikisilwa Muna Paradiso
1. Nkia diambu dibwilanga Adami yo Eva muna fwaniswa kiaki?
2. O Yave nkia kuma kabatumbila?
3. O nioka nkia diambu kavova kwa Eva?
4. Nani wavova yo Eva muna nioka?
5. Ekuma Adami yo Eva bavidisila Paradiso au?
Yuvu yakaka:
1. Tanga Tuku 2:16, 17 ye 3:1-13, 24.
(a) E kiuvu kia nioka kwa Eva aweyi kiavunisina Yave? (Tuk. 3:1-5; 1 Yoa. 5:3)
(b) Eva aweyi kenena se mbandu a lulukisu kwa yeto? (Fili. 4:8; Yak. 1:14, 15; 1 Yoa. 2:16)
(c) Adami yo Eva aweyi basongela vo ke batambulwila evangu diau ko? (Tuk. 3:12, 13)
(d) Akelubi kasia o Nzambi kuna este ya mpatu a Edene aweyi besakalelanga kimfumu kia Yave? (Tuk. 3:24)
2. Tanga Lusengomono 12:9.
O Satana nkia tezo kalendele vengomona wantu muna wisa kia Nzambi? (1 Yoa. 5:19)
Lusansu lwa 5
1. E zingu kia Adami yo Eva aweyi kiakala kuna mbazi a mpatu a Edene?
2. Adieyi diayantik’o bwila Adami yo Eva, ekuma?
3. O wan’a Adami yo Eva nkia kuma banunina yo fwa?
4. Aweyi wadi kala zingu kiau ye kia wan’au kele vo Adami yo Eva balemvokela Yave?
5. O kolamena Yave aweyi kwatwasila mpasi kwa Eva?
6. E nkumbu a mwan’antete a Adami y’ona wezole nani?
7. Wana akaka bena muna fwaniswa kiaki, wana anani?
Yuvu yakaka:
1. Tanga Tuku 3:16-23 ye 4:1, 2.
(a) E sibu kia ntoto nkia mpasi kiatwasa muna zingu kia Adami? (Tuk. 3:17-19; Roma 8:20, 22)
(b) E nsasa nkumbu a Eva “Ngudi a Mioyo Miawonso” ekuma yamfwanukina? (Tuk. 3:20)
(c) O Yave aweyi kasongela vo wavwanga Adami yo Eva o mfunu kana nkutu vava basumuka? (Tuk. 3:7, 21)
2. Tanga Lusengomono 21:3, 4.
Nkia ‘mambu mebwanga’ o unu osutilanga vo masukiswa?
Lusansu lwa 6
1. Kaini yo Abele nkia salu basalanga?
2. Kaini yo Abele nkia mpila tukau bavana kwa Nzambi?
3. Ekuma Yave kayangalela lukau lwa Abele? Ekuma kalembi yangalela luna lwa Kaini?
4. O Kaini nkia mpila muntu kakala? O Yave aweyi kateza kunsingikila?
5. Adieyi kavanga Kaini una bakedi yau kaka muna kiana?
6. Yika dina diabwila Kaini vava kavonda mbunzi andi.
Yuvu yakaka:
1. Tanga Tuku 4:2-26.
(a) O Yave aweyi kasongela vo o Kaini mu vonza kena? (Tuk. 4:7)
(b) O Kaini aweyi kasongela makani ma ntim’andi? (Tuk. 4:9)
(c) O Yave aweyi kebadikilanga evangu dia bungula menga makondwa kuma? (Tuk. 4:10; Yes. 26:21)
2. Tanga 1 Yoane 3:11, 12.
(a) Ekuma Kaini kafungila makasi? Ediadi aweyi dinina se lulukisu kwa yeto o unu? (Tuk. 4:4, 5; Nga. 14:30; 28:22)
(b) Nkand’a Nzambi aweyi usongelanga vo tulenda kala ye kwikizi kwa Nzambi kana nkutu yitu yeto yawonso yisidi Yave e kitantu? (Nku. 27:10; Mat. 10:21, 22)
3. Tanga Yoane 11:25.
Nkia vuvu kiaziku kevananga Yave kw’awonso befwilanga mu kuma kia unsongi? (Yoa. 5:24)
Lusansu lwa 7
1. O Kanoke aweyi kakadila nswaswani?
2. Ekuma wantu bavangilanga ulolo wambi muna lumbu ya Kanoke?
3. Nkia mambu mambi bavangang’o wantu? (Tala e fwaniswa.)
4. O Kanoke nkia kuma kafwete kadila nkwa unkabu?
5. Kolo kwa bazinganga wantu muna lumbu yayina? Kansi mvu kwa kazinga Kanoke?
6. Adieyi diabwa kuna nima lufwa lwa Kanoke?
Yuvu yakaka:
1. Tanga Tuku 5:21-24, 27.
(a) O Kanoke nkia ngwizani kakala yau yo Yave? (Tuk. 5:24)
(b) Mun’owu wa Nkand’a Nzambi nkia muntu wazinga kolo kiayingi? Mvu nkwa kakala vava kafwa? (Tuk. 5:27)
2. Tanga Tuku 6:5.
Vava kafwa Kanoke o bi aweyi wawokelela? Aweyi ulenda tezanisinwa ye lumbu yeto? (2 Tim. 3:13)
3. Tanga Ayibere 11:5.
Nkia fu kia Kanoke “kiatoma yangidika Nzambi?” Nkia ndandu kiantwasila? (Tuk. 5:22)
4. Tanga Yuda 14, 15.
Aweyi Nkristu o unu kalenda tanginina unkabu wa Kanoke ekolo kelukisanga wantu mu kuma kia vita ya Armangedo eyi yikwizanga? (2 Tim. 4:2; Ayib. 13:6)
Lusansu lwa 8
1. Adieyi diabwa vava ambasi zakaka za Nzambi bayantik’o wila Satana?
2. Ambasi zakaka nkia kuma bayambulwila salu kabavan’o Nzambi kun’ezulu yo kulumuka ova ntoto?
3. Evangu dia ambasi, dia kulumuka ova ntoto yo vwata nitu za wantu nkia kuma diakadila diambi?
4. Nkia nswaswani yamoneka muna wana bawutwa kwa ambasi?
5. Nze una omwene muna fwaniswa, nkia mambu bavanga o wan’ambasi vava bakituka andangula?
6. O Kanoke vava kafwa, nkia muntu ambote wakala ova ntoto? Ekuma Nzambi kanzolelanga?
Yuvu yakaka:
1. Tanga Tuku 6:1-8.
Esono ki’Tuku 6:6 aweyi kisongelanga vo mavangu meto malenda mwesesa Yave e ntantu? (Nku. 78:40, 41; Nga. 27:11)
2. Tanga Yuda 6.
Ambasi zina ‘zalembi lund’e fulu kiau’ muna lumbu ya Noa aweyi benena se lulukisu mu lumbu yeto? (1 Kor. 3:5-9; 2 Pet. 2:4, 9, 10)
Lusansu lwa 9
1. Esi nzo a Noa wantu kwa bakala? Azeyi i nkumbu za wan’andi atatu?
2. O Nzambi nkia diambu dianzenza kavovesa Noa mu vanga, mu nkia kuma?
3. Amfinangani za Noa aweyi babadikilang’e mvovo miandi mu kuma kia tunga e nzaza?
4. O Nzambi nkia diambu kavovesa Noa mu vanga mu kuma kia bulu?
5. O Noa y’esi nzo andi adieyi bavanga vava Nzambi kazika e kielo?
Yuvu yakaka:
1. Tanga Tuku 6:9-22.
(a) Adieyi diakitula Noa se nsambidi ambote wa Nzambi aludi? (Tuk. 6:9, 22)
(b) O Yave aweyi kebadikilanga o nsoki? Ediadi aweyi dilenda kutusadisila mu sola e mpil’a nsaka tusakana? (Tuk. 6:11, 12; Nku. 11:5)
(c) Aweyi tulenda tanginina Noa vava tutambulanga tuludiku muna nkubik’a Yave? (Tuk. 6:22; 1 Yoa. 5:3)
2. Tanga Tuku 7:1-9.
Yave wabadikila Noa wa muntu walembi lunga vo wansongi. Ediadi aweyi dikutukasakeselanga o unu? (Tuk. 7:1; Nga. 10:16; Yes. 26:7)
Lusansu lwa 10
1. Ekuma ke vakadila muntu mosi ko walenda kota muna nzaza vava kiayantika noka e mvula?
2. O Yave mini kwa ye mafuku makwa kanokesa mvula? Yamu nkia tezo malwaka o maza?
3. Adieyi diabwila e nzaza vava ntoto wazalanga yo maza?
4. Andangula nga bavuluka muna Kizalu? Adieyi diabwila mase m’andangula?
5. Adieyi diabwila e nzaza vioka ngonde tanu?
6. Ekuma Noa kavaikisila ngono muna nzaza?
7. Aweyi kazayila Noa vo maza mayantikidi kuluka ova ntoto?
8. O Nzambi adieyi kavovesa Noa y’esi nzo andi vioka mvu amvimba bakala muna nzaza?
Yuvu yakaka:
1. Tanga Tuku 7:10-24.
(a) Nkia mpila lufwasu lwakala ova ntoto? (Tuk. 7:23)
(b) Kolo kwa mazingila maza ma Kizalu muna kuluka? (Tuk. 7:24)
2. Tanga Tuku 8:1-17.
Esono ki’Tuku 8:17 aweyi kisongelanga vo ekani diantete dia Yave mu kuma kia ntoto ke diasoba ko? (Tuk. 1:22)
3. Tanga 1 Petelo 3:19, 20.
(a) Nkia nzengo batambula ambasi zakolama vava bavutuka kun’ezulu? (Yuda 6)
(b) Mana mabwila Noa y’esi nzo andi aweyi malenda siamisina e vuvu kieto muna nkum’a Nzambi wa vuluza nkangu andi? (2 Pet. 2:9)
Lusansu lwa 11
1. Nze una usonganga e fwaniswa, nkia diambu dantete kavang’o Noa vava kavaika muna nzaza?
2. O Nzambi nkia nkanikinu kavana kwa Noa y’esi nzo andi kuna nima Kizalu?
3. Nkia nsilu kasil’o Nzambi?
4. Adieyi tufwete sungamenanga vava tumonanga e nkongolo?
Yuvu yakaka:
1. Tanga Tuku 8:18-22.
(a) Aweyi tulenda tambikila Yave lukau lwa “nsunga zambote” o unu? (Tuk. 8:21; Ayib. 13:15, 16)
(b) Adieyi kavova o Yave mu kuma kia ntim’a muntu? Muna kuma kiaki, aweyi tufwete kuyikengela? (Tuk. 8:21; Mat. 15:18, 19)
2. Tanga Tuku 9:9-17.
(a) Nki’ekangu kakanga o Nzambi ye ma yawonso yamoyo? (Tuk. 9:10, 11)
(b) Ekangu dia nkongolo dia kolo kwa? (Tuk. 9:16)
Lusansu lwa 12
1. Nimerode nani? O Nzambi aweyi kambadikilanga?
2. Ekuma wantu bevangilanga e bilikisi nze una tumwene mu fwaniswa?
3. Ekuma Yave kalembi yangalela e ntung’a nzo yayina?
4. O Nzambi aweyi kavunzila tunga e nzo yayina ya nda?
5. E mbanza aweyi yayikilwanga? Nki i nsasa nkumbu yayi?
6. Adieyi bavanga o wantu vava Nzambi kaswaswanesa ndinga zau?
Yuvu yakaka:
1. Tanga Tuku 10:1, 8-10.
Nkia fu kasonga o Nimerode? Nkia lulukisu dikutuvananga ediadi? (Nga. 3:31)
2. Tanga Tuku 11:1-9.
Mu nki’ekani yatungilwa e nzo ya nda? Ekuma ekani diadi ke diasikidila ko? (Tuk. 11:4; Nga. 16:18; Yoa. 5:44)
Lusansu lwa 13
1. Nkia mpila wantu bazingilanga muna mbanz’a Ure?
2. Nani i muntu una muna fwaniswa? Nkia ntangwa kawutuka? Akweyi kazingilanga?
3. O Nzambi nkia diambu kavovesa Abarayama mu vanga?
4. Ekuma Abarayama keyikilwanga vo nkundi a Nzambi?
5. Nani wayenda entwadi yo Abarayama vava kavaika muna Ure?
6. O Nzambi adieyi kavova kwa Abarayama vava kaluaka muna nsi a Kenani?
7. Nkia nsilu kavan’o Nzambi kwa Abarayama vava kakala mvu 99?
Yuvu yakaka:
1. Tanga Tuku 11:27-32.
(a) O Loti nani kakala kwa Abarayama? (Tuk. 11:27)
(b) Kana una vo Nkand’a Nzambi uyikanga vo o Tera yandi wabonga nzo andi yo kwenda kuna Kenani, aweyi tuzayidi vo ke Tera ko kansi Abarayama wavanga wo? Ekuma kavangila wo? (Tuk. 11:31; Mav. 7:2-4)
2. Tanga Tuku 12:1-7.
O Yave aweyi kasikidisila ekangu diandi vava Abarayama kalwaka muna nsi a Kenani? (Tuk. 12:7)
3. Tanga Tuku 17:1-8, 15-17.
(a) Abarama nkia nkumbu kasobwa vava kalungisa mvu 99 ye nkia kuma? (Tuk. 17:5)
(b) Nkia nsilu a nsambu kasil’o Yave kwa Sara? (Tuk. 17:15, 16)
4. Tanga Tuku 18:9-19.
(a) Nkia mbebe ivewanga kwa mase mun’Tuku 18:19? (Nsi. 6:6, 7; Ef. 6:4)
(b) Nkia diambu diabwila Sara disonganga vo ke vena diambu tulenda sweka ko kwa Yave? (Tuk. 18:12, 15; Nku. 44:21)
Lusansu lwa 14
Nzambi Otontele Lukwikilu lwa Abarayama
1. Nkia nsilu kasia Nzambi kwa Abarayama? Aweyi kalungisila o nsilu wau?
2. Nze una disongwanga muna fwaniswa, aweyi o Nzambi katontela lukwikilu lwa Abarayama?
3. Adieyi kavanga Abarayama kana una vo kazaya ko ekani dia Nzambi?
4. Adieyi diabwa vava Abarayama kabonga e mbele mu vonda mwan’andi?
5. Yamu nkia tezo lwakala o lukwikilu lwa Abarayama muna Nzambi?
6. Nki kavana Nzambi kwa Abarayama mu kela se kimenga ye nkia kuma?
Yuvu yakaka:
1. Tanga Tuku 21:1-7.
Ekuma Abarayama kazengela mwan’andi muna lumbu kienana? (Tuk. 17:10-12; 21:4)
2. Tanga Tuku 22:1-18.
Isaki nkia mpila kasakalela Abarayama w’es’andi (Tuk. 22:7-9; 1 Kor. 5:7; Fili. 2:8, 9)
Lusansu lwa 15
1. Ekuma Abarayama yo Loti bavambanena?
2. Ekuma o Loti kasolela kala muna Sodomo?
3. Esi Sodomo nkia mpila wantu bakala?
4. Ambasi zau ezole nkia lulukisu bavana kwa Loti?
5. Ekuma nkaz’a Loti kakitukila s’etadi dia mungwa?
6. Adieyi tulenda longoka muna dina diabwila nkaz’a Loti?
Yuvu yakaka:
1. Tanga Tuku 13:5-13.
Nkia mbandu ya singika diambu yo nkw’aku katuvana Abarayama? (Tuk. 13:8, 9; Roma 12:10; Fili. 2:3, 4)
2. Tanga Tuku 18:20-33.
Aweyi e nkal’a Yave yo Abarayama yikutusongelanga eziku vo o Yave yo Yesu mu unsongi befundisila? (Tuk. 18:25, 26; Mat. 25:31-33)
3. Tanga Tuku 19:1-29.
(a) Nkand’a Nzambi aweyi usongelanga e nyindu a Nzambi mu kuma ki’evangu dia yakala oleka yo yakala? (Tuk. 19:5, 13; Fuka 20:13)
(b) Nkia nswaswani tumwene muna Loti ye Abarayama mu lunda nkanikinu a Nzambi? Adieyi ditulongele? (Tuk. 19:15, 16, 19, 20; 22:3)
4. Tanga Luka 17:28-32.
O nkaz’a Loti aweyi kabadikilanga mavwa? Ediadi aweyi dilenda kadila se lulukisu kwa yeto? (Luka 12:15; 17:31, 32; Mat. 6:19-21, 25)
5. Tanga 2 Petelo 2:6-8.
Muna tanginina Loti, aweyi tufwete badikilanga e nza yambi ituzungidi? (Yez. 9:4; 1 Yoa. 2:15-17)
Lusansu lwa 16
1. Nani i nkento ye yakala bena muna fwaniswa kiaki?
2. Adieyi kavanga Abarayama muna bongela mwan’andi o nkento? Ekuma?
3. E sambu kia ntaudi a Abarayama aweyi kiabakila e mvutu?
4. Adieyi kavova o Rebeka vava kayuvulwa kana ozolele sompwa kwa Isaki?
5. Adieyi diayangidika Isaki?
Yuvu yakaka:
1. Tanga Tuku 24:1-67.
(a) Nkia fu kiambote kasonga Rebeka vava kawanana yo ntaudi a Abarayama vana sima kia maza? (Tuk. 24:17-20; Nga. 31:17, 31)
(b) Nkia mbandu ambote kasisa Abarayama kwa Akristu a unu? (Tuk. 24:37, 38; 1 Kor. 7:39; 2 Kor. 6:14)
(c) Ekuma tufwete vaulwilanga e ntangwa mu badika nze una kavanga Isaki? (Tuk. 24:63; Nku. 77:12; Fili. 4:8)
Lusansu lwa 17
1. Nani i Esau yo Yakobo? Nkia mpila baswaswanena?
2. Mvu kwa kakala Esau yo Yakobo vava kafwa nkak’au Abarayama?
3. Nki’evangu dia Esau diakendeleka s’andi yo ngw’andi?
4. Ekuma Esau kafungila mpangi andi Yakobo makasi?
5. Nki’elongi kavana Isaki kwa Yakobo wa mwan’andi?
Yuvu yakaka:
1. Tanga Tuku 25:5-11, 20-34.
(a) Adieyi kazaisa Yave mu kuma kia wana wole a Rebeka? (Tuk. 25:23)
(b) E mpila Yakobo kabadikilanga e kimbuta aweyi yaswaswanena ye una kabadikilanga kio Esau? (Tuk. 25:31-34)
2. Tanga Tuku 26:34, 35; 27:1-46 ye 28:1-5.
(a) Aweyi kasongela Esau vo kayangalelanga mambu ma mwanda ko? (Tuk. 26:34, 35; 27:46)
(b) O Isaki adieyi kavovesa Yakobo mu vanga muna tambula nsambu za Nzambi? (Tuk. 28:1-4)
3. Tanga Ayibere 12:16, 17.
E mbandu ya Esau aweyi isongelanga mana malenda bwila awana bevezanga mambu ma mwanda?
Lusansu lwa 18
1. Nani i ndumba una muna fwaniswa? O Yakobo aweyi kansadisila?
2. O Yakobo nkia diambu kafwete vanga muna sompa Rakele?
3. Adieyi kavanga Labani vava yafwana ntangwa a Yakobo ya sompa Rakele?
4. O Yakobo adieyi katambulwil’o vanga muna sompa Rakele?
Yuvu yakaka:
1. Tanga Tuku 29:1-30.
(a) Kana una vo wavunginikwa kwa Labani, o Yakobo aweyi kakwamanena kumvumina? Aweyi ditulongele ediadi? (Tuk. 25:27; 29:26-28; Mat. 5:37)
(b) E mbandu a Yakobo aweyi yisongelanga vo o zola kwakieleka kwaswaswana ye nzola a lengokel’o moyo? (Tuk. 29:18, 20, 30; Nkung’a Nku. 8:6)
(c) Aki nani akento yá bakituka akazi a Yakobo ana banwutil’o wana? (Tuk. 29:23, 24, 28, 29)
Lusansu lwa 19
1. Azeyi i nkumbu za wana sambanu a Yakobo kawutilwa kwa Lea wa nkaz’andi antete?
2. Nkia wana wole kawutilwa o Yakobo kwa Zilepa wa ntaudi a Lea?
3. Azeyi i nkumbu za wana wole kawutilwa o Yakobo kwa Bila wa ntaudi a Rakele?
4. O Rakele nkia wana wole kawuta? Adieyi diabwa vava kawuta ona wezole?
5. Nze una tumwene muna fwaniswa, o Yakobo wana akwa kawuta? Adieyi diababwila?
Yuvu yakaka:
1. Tanga Tuku 29:32-35; 30:1-26; ye 35:16-19.
Nze una tumwene muna wana 12 a Yakobo, o wan’amakala esi Ayibere aweyi bavaninwanga e nkumbu kuna nz’ankulu?
2. Tanga Tuku 37:35.
Kana una vo Nkand’a Nzambi nkumbu a Dina kaka uyikanga, aweyi tuzayidi wo vo Yakobo wakala mpe ye wan’akaka amakento? (Tuk. 37:34, 35)
Lusansu lwa 20
1. Ekuma Abarayama yo Isaki ke bazolelanga ko vo wan’au basompa esi Kenani?
2. Nga Yakobo wayangalela vo wan’andi amakento bavanga kikundi yo wan’amakento esi Kenani?
3. Nani ndiona otalanga Dina muna fwaniswa? Nkia diambu diambi kavanga?
4. Simone yo Levi ampangi za Dina adieyi bavanga vava bawa edi diabwa?
5. Nga Yakobo watonda dina diavanga Simone yo Levi?
6. Aweyi zakotela e mpasi muna nzo a Yakobo?
Yuvu yakaka:
1. Tanga Tuku 34:1-31.
(a) O Dina nga mu tutu kakingulanga an’amakento a esi Kenani? Sasila dio. (Tuk. 34:1)
(b) O Dina aweyi kakadila ye tumbu kia vidisa kimwenze kiandi? (Ngal. 6:7)
(c) Adieyi aleke balenda longoka muna mana mabwila Dina? (Nga. 13:20; 1 Kor. 15:33; 1 Yoa. 5:19)
Lusansu lwa 21
Yosefe Omengeno kwa Mpangi Zandi
1. Ekuma ampangi za Yosefe bamwenanga kimpala? Adieyi bavanga?
2. Ampangi za Yosefe adieyi bazola kumvanga? Kansi, o Rubeni adieyi kavova?
3. Adieyi diabwa vava Aneyisemaele balwaka?
4. Ampangi za Yosefe adieyi bavanga kimana o s’au kayindula vo o Yosefe ofwidi?
Yuvu yakaka:
1. Tanga Tuku 37:1-35.
(a) Akristu aweyi balenda tanginina mbandu a Yosefe muna samunanga masumu muna nkutakani? (Tuk. 37:2; Fuka 5:1; 1 Kor. 1:11)
(b) Adieyi diafila ampangi za Yosefe mu kumenga? (Tuk. 37:11, 18; Nga. 27:4; Yak. 3:14-16)
(c) O Yakobo adieyi kavanga disonganga vo o dila ke diambi kwandi ko? (Tuk. 37:35)
Lusansu lwa 22
1. O Yosefe mvu nkwa kakala vava kanatwa kuna Engipito? Adieyi diabwa vava kalwaka kuna Engipito?
2. Ekuma Yosefe kasilwa mu pelezo?
3. O Yosefe nkia kiyekwa kavewa muna pelezo?
4. O Yosefe adieyi kavanga kwa nembungwa ye kwa nlambi a Faro muna pelezo?
5. Adieyi diabwa vava nembungwa kavaikiswa mu pelezo?
Yuvu yakaka:
1. Tanga Tuku 39:1-23.
Wau vo ke vakala nsiku a Nzambi wasonama ko wasimanga mavangu ma zumba muna lumbu ya Yosefe, nki kiamfila mu tina o leka yo nkaz’a Potifa? (Tuk. 2:24; 20:3; 39:9)
2. Tanga Tuku 40:1-23.
(a) Yika mu mvovo miankufi e ndozi kalota o nembungwa ye nsasa kazayis’o Yave kwa Yosefe. (Tuk. 40:9-13)
(b) O nlambi nkia ndozi kalota? Ayeyi i nsas’andi? (Tuk. 40:16-19)
(c) O ntaudi akwikizi yo lulungalalu aweyi ketangininanga Yosefe o unu? (Tuk. 40:8; Nku. 36:9; Yoa. 17:17; Mav. 17:2, 3)
(d) Esono ki’Tuku 40:20 aweyi kikieseselanga o nyindu a Akristu mu diambu dia nkinzi mia luwutuku? (Kim. 7:1; Maku 6:21-28)
Lusansu lwa 23
1. Adieyi diabwila Faro mu fuku dimosi?
2. O nembungwa aweyi kasungamena Yosefe?
3. Nze una usonganga e fwaniswa, azeyi e ndozi zole kalota o Faro?
4. O Yosefe aweyi kasasila e ndozi zozo?
5. O Yosefe aweyi kakitukila se muntu atunda muna Engipito?
6. Ekuma ampangi za Yosefe bayizila muna Engipito? Ekuma balembi kunzayila diaka?
7. O Yosefe nkia ndozi kasungamena? Adieyi zambakulwisa?
Yuvu yakaka:
1. Tanga Tuku 41:1-57.
(a) O Yosefe aweyi kafidilanga e ngindu kwa Yave? Akristu aweyi balenda kuntanginina o unu? (Tuk. 41:16, 25, 28; Mat. 5:16; 1 Pet. 2:12)
(b) E mvu mia ulolo wa madia muna Engipito ye mvu mia mvengele mialanda aweyi misongelanga e nswaswani ya nkal’a kimwanda ya nkangu a Yave ye ya Kikristu kia Kimpangila? (Tuk. 41:29, 30; Am. 8:11, 12)
2. Tanga Tuku 42:1-8 ye 50:20.
O vumbamena muntu avo fu kia luzitu muna nsi ozingilanga nga diambi kwa asambidi a Yave mu vanga wo? (Tuk. 42:6)
Lusansu lwa 24
1. Ekuma o Yosefe kayikila ampangi zandi vo alangi?
2. Ekuma o Yakobo kayambulwila Benyamini wa mwan’andi ansuka kenda kuna Engipito?
3. E mbungw’apalata ya Yosefe aweyi yasilwa muna nkutu a Benyamini?
4. O Yuda aweyi kavanga kimana Benyamini kavevolwa?
5. Mpangi za Yosefe aweyi bavilukila?
Yuvu yakaka:
1. Tanga Tuku 42:9-38.
E mvovo mia Yosefe muna Tuku 42:18 aweyi minina se lulukisu lwamfunu kw’awana bena ye mbebe muna nkubik’a Yave o unu? (Nek. 5:15; 2 Kor. 7:1, 2)
2. Tanga Tuku 43:1-34.
(a) Kana una vo Rubeni i mwan’antete, adieyi disonganga vo Yuda wakala se kimpovela muna ampangi zandi? (Tuk. 43:3, 8, 9; 44:14, 18; 1 Tus. 5:2)
(b) O Yosefe aweyi katontela mpangi zandi, nkia kuma? (Tuk. 43:33, 34)
3. Tanga Tuku 44:1-34.
(a) Vana ntandu a kuyisweka, o Yosefe nze nani kayisunzula kw’ampangi zandi? (Tuk. 44:5, 15; Fuka 19:26)
(b) Ampangi za Yosefe aweyi basongela vo ke bakala diaka ye kimpala ko? (Tuk. 44:13, 33, 34)
Lusansu lwa 25
Nzo a Yakobo Iyalukidi Kuna Engipito
1. Adieyi diabwa vava o Yosefe kayisunzula kw’ampangi zandi?
2. O Yosefe nkia ngemba kavovesela ampangi zandi?
3. O Faro aweyi kavova vava kawa e nsangu mu kuma kia mpangi za Yosefe?
4. Wantu kwa bakala muna nzo a Yakobo vava bakulumuka kuna Engipito?
5. E nzo a Yakobo aweyi yayikilwanga, ekuma?
Yuvu yakaka:
1. Tanga Tuku 45:1-28.
O lusansu lwa Nkand’a Nzambi mu kuma kia Yosefe aweyi lusongelanga vo o Nzambi olenda kitula makani mambi ma wantu kwa selo yandi se nsambu? (Tuk. 45:5-8; Yes. 8:10; Fili. 1:12-14)
2. Tanga Tuku 46:1-27.
O Yave nkia lusikidisu kavana kwa Yakobo vava kayendanga kuna Engipito? (Tuk. 46:1-4)
Lusansu lwa 26
Yobi Wasonga Kwikizi kwa Nzambi
1. O Yobi nani kakala?
2. O Satana adieyi kateza vanga? Nga wasunda?
3. O Yave nkia diambu kavanina Satana o nswa avanga? Ekuma?
4. Ekuma nkaz’a Yobi kamvovesela vo “yambula Nzambi, wafwa”? (Tala e fwaniswa.)
5. Nze una omwene muna fwaniswa kiezole, Yave aweyi kasambulwila Yobi, ekuma?
6. Nkia nsambu tutambula avo tuzindalala ye kwikizi muna Yave nze Yobi?
Yuvu yakaka:
1. Tanga Yobi 1:1-22.
Akristu aweyi balenda tanginina Yobi o unu? (Yobi 1:1; Fili. 2:15; 2 Pet. 3:14)
2. Tanga Yobi 2:1-13.
Yobi yo nkaz’andi aweyi baswaswanena muna mpila babadikilanga e ntonta za Satana? (Yobi 2:9, 10; Nga. 19:3; Mika 7:7; Mal. 3:14)
3. Tanga Yobi 42:10-17.
(a) E nsambu katambula Yobi aweyi zifwananene ye zina katambula Yesu mu kuma kia kwikizi kiandi kwa Nzambi? (Yobi 42:12; Fili.2:9-11)
(b) E nsambu katambula Yobi muna kwikizi kiandi kwa Nzambi aweyi zikutukasakeselanga? (Yobi 42:10, 12; Ayib. 6:10; Yak. 1:2-4, 12; 5:11)
Lusansu lwa 27
Ntinu Ambi Oyadidi Muna Engipito
1. Muna fwaniswa, nani osimbidi lubamba ye nani kewandanga?
2. Vava Yosefe kafwa adieyi diabwila Aneyisaele?
3. Ekuma esi Ngipito bamwenanga Aneyisaele o wonga?
4. Nkia nkanikinu kavana Faro kw’akento bawutisanga akento a Isaele?
Yuvu yakaka:
1. Tanga Luvaiku 1:6-22.
(a) O Yave nkia mpila kayantika lungisila nsilu andi kwa Abarayama? (Luv. 1:7; Tuk. 12:2; Mav. 7:17)
(b) Awutisi akento a Ayibere aweyi bazitisilanga o moyo? (Luv. 1:17; Tuk. 9:6)
(c) O Yave aweyi kasendela e kwikizi kia awutisi awaya? (Luv. 1:20, 21; Nga. 19:17)
(d) O Satana aweyi katezela vunzakesa o nsilu a Yave mu kuma kia mbongo a Abarayama? (Luv. 1:22; Mat. 2:16)
Lusansu lwa 28
E Mpila In’o Mose wa Nsedia Kavuluzilwa
1. Nani i nsedia una muna fwaniswa? Nlembo anani kasimbidi?
2. O ngudi a Mose adieyi kavanga muna kumvuluza?
3. Nani i dumbelele una muna fwaniswa? Adieyi kavanga?
4. Vava mwan’ankento a Faro kasolola o nsedia, o Mireyame adieyi kavova?
5. O mwan’ankento a Faro adieyi kavovesa ngudi a Mose?
Yuvu yakaka:
1. Tanga Luvaiku 2:1-10.
O ngudi a Mose nki’elau kakala diau mu longa Mose tuka muna kinsedia? Amase adieyi balenda longoka muna nona kiaki o unu? (Luv. 2:9, 10; Nsi. 6:6-9; Nga. 22:6; Ef. 6:4; 2 Tim. 3:15)
Lusansu lwa 29
1. O Mose akweyi kasansukila? Kansi, adieyi kazaya mu kuma kia mase mandi?
2. Adieyi kavanga o Mose vava kakala ye kimbuta kia mvu 40?
3. O Mose adieyi kavovesa kwa mwisi Isaele ona wanwanisanga nkw’andi ye nkia mvutu kamvutula?
4. Ekuma Mose katinina tuka muna Engipito?
5. Akweyi katinina ye nani kawana ko?
6. Nkia salu kasalanga o Mose muna mvu 40 kazingila muna nsi a Midiani?
Yuvu yakaka:
1. Tanga Luvaiku 2:11-25.
Kana una vo walongwa muna ngangu za Engipito o Mose aweyi kasongela e kwikizi kiandi kwa Yave ye kwa nkangu andi? (Luv. 2:11, 12; Ayib. 11:24)
2. Tanga Mavangu 7:22-29.
Adieyi tulenda longoka mu mpila in’o Mose kavavila kula Aneyisaele muna ubundu kuna Engipito muna ngolo za yandi kibeni? (Mav. 7:23-25; 1 Pet. 5:6, 10)
Lusansu lwa 30
1. O mongo una muna fwaniswa aweyi uyikilwanga?
2. Yika diambu diasivi kamona o Mose muna mongo vava kavungulanga mameme.
3. Ndinga nani kawa muna nti walemanga ye adieyi yamvovesa?
4. Aweyi kavutula o Mose vava Nzambi kamvovesa vo yandi ovaikisa nkangu a Nzambi muna Engipito?
5. O Nzambi adieyi kavovesa Mose mu vutula avo banyuvwidi nani untumini?
6. O Mose aweyi kesongela vo Nzambi untumini?
Yuvu yakaka:
1. Tanga Luvaiku 3:1-22.
E nona kia Mose aweyi kisongelanga vo o Yave okutusadisa vava tukuyimwenanga vo ke twafwana ko mu sala e salu kiandi? (Luv. 3:11, 13; 2 Kor. 3:5, 6)
2. Tanga Luvaiku 4:1-20.
(a) O Mose aweyi kasobela e fu yandi muna mvu 40 kazingila muna nsi a Midiani? Adieyi balenda longoka muna nona kiaki awana bevavanga kala ye mbebe muna nkutakani? (Luv. 2:11, 12; 4:10, 13; Mika 6:8; 1 Tim. 3:1, 6, 10)
(b) Kana nkutu Yave utusembele muna nkubik’andi, e nona kia Mose nkia vuvu kikutuvananga? (Luv. 4:12-14; Nku. 103:14; Ayib. 12:4-11)
Lusansu lwa 31
1. O masivi basonga Mose yo Arone adieyi mavanga kwa Aneyisaele?
2. O Mose yo Arone aweyi bavovesa Faro? Nkia mvutu kabavana?
3. Nze una usongwanga muna fwaniswa adieyi diabwa vava Arone kawanda o nkau andi vana ntoto?
4. O Yave aweyi kalongela Faro elongi diampwena? O Faro aweyi kavanga?
5. Adieyi diabwa muna vuku kiekumi?
Yuvu yakaka:
1. Tanga Luvaiku 4:27-31 ye 5:1-23.
Adieyi kazola vova o Faro vava kavova vo “kizeye Yave ko”? (Luv. 5:2; 1 Sam. 2:12; Roma 1:21)
2. Tanga Luvaiku 6:1-13, 26-30.
(a) O Yave aweyi kalembi kizayisila kwa Abarayama, Isaki yo Yakobo muna nkumbu andi ya Yave? (Luv. 3:13, 14; 6:3; Tuk. 12:8)
(b) Adieyi tulenda longoka mu zaya vo o Yave wakwamanana sadila Mose kana una vo yandi kibeni wayimwenanga vo kafwana ko mu salu kiakina? (Luv. 6:12, 30; Luka 21:13-15)
3. Tanga Luvaiku 7:1-13.
(a) O Mose yo Arone aweyi bazayisila mfundis’a Yave kwa Faro yo unkabu? Nkia mbandu basisa kwa selo ya Nzambi o unu? (Luv. 7:2, 3, 6; Mav. 4:29-31)
(b) O Yave aweyi kasongela o nene wandi kwa nzambi za Angipito? (Luv. 7:12; 1 Tus. 29:12)
Lusansu lwa 32
1. Tala muna fwaniswa wayika vuku tatu yantete ina kawanda Yave muna Engipito.
2. Aweyi yaswaswanina e vuku tatu yantete ye vuku yakaka yalanda?
3. Nki i vuku kieya, kiatanu ye kiasambanu?
4. Yika e vuku kia nsambwadi, kienana ye kiavwa.
5. O Yave aweyi kavovesa kw’Aneyisaele bavanga vitila vuku kiekumi?
6. Nki i vuku kiekumi? Adieyi diabwa kuna nima vuku kiaki?
Yuvu yakaka:
1. Tanga Luvaiku 7:19–8:23.
(a) Kana una vo anganga za Engipito batanginina vanga e vuku yole yantete ya Yave, kansi adieyi bavova muna vuku kietatu? (Luv. 8:18, 19; Mat. 12:24-28)
(b) E vuku kieya aweyi kiasongela nkum’a Yave wa tanina nkangu andi? Ozaya ediadi nkia vuvu divananga kwa nkangu a Nzambi vava kikwiza “mpasi zayingi”? (Luv. 8:22, 23; Lus. 7:13, 14; 2 Tus. 16:9)
2. Tanga Luvaiku 8:24; 9:3, 6, 10, 11, 14, 16, 23-25; ye 10: 13-15, 21-23.
(a) Nkia buka yole yazayakana vava kiabwa e vuku kumi? Wau tuzeye diambu diadi nkia buka tuvava yikama o unu? (Luv. 8:10, 18, 19; 9:14)
(b) Esono kia Luvaiku 9:16 aweyi kikutusadisilanga mu bakula e kuma Yave kayambulwila Satana kakala yamu wau? (Roma 9:21, 22)
3. Tanga Luvaiku 12:21-32.
E kimenga kia nduta aweyi kiavuluzila wantu ayingi? Nani kiayikanga? (Luv. 12:21-23; Yoa. 1:29; Roma 5:18, 19, 21; 1 Kor. 5:7)
Lusansu lwa 33
1. Wantu akwa bavaika muna Engipito kumosi y’akento yo wana? Aki nani bavaika yau entwadi?
2. O Faro aweyi kayindula vava Aneyisaele bavaika? Adieyi kavanga?
3. O Yave adieyi kavanga kimana Angipito balembi mona nkangu andi yo kubavang’e mbi?
4. Adieyi diabwa vava Mose kawanda nkau andi muna Mbu Ambwaki? Adieyi bavanga Aneyisaele?
5. Adieyi diabwa vava Angipito bakota muna mbu mu landa Aneyisaele?
6. Aneyisaele aweyi basongela vo bayangalela e mpuluza kabavuluza o Yave?
Yuvu yakaka:
1. Tanga Luvaiku 12:33-36.
O Yave aweyi kamwesesa nkangu andi edienga muna meso ma Angipito? (Luv. 3:21, 22; 12:35, 36)
2. Tanga Luvaiku 14:1-31.
E mvovo mia Mose muna Luvaiku 14:13, 14 aweyi milenda sadisila nkangu a Yave ekolo bevingilanga vita ya Armangedo? (2 Tus. 20:17; Nku. 91:8)
3. Tanga Luvaiku 15:1-8, 20, 21.
(a) Ekuma selo ya Yave bafwene kunkembelela? (Luv. 15:1, 2; Nku. 105:2, 3; Lus. 15:3, 4)
(b) O Mireyame ye akento akaka muna Mbu Ambwaki nkia mbandu ya kembelela Yave basisa kw’akento Akristu a unu? (Luv. 15:20, 21; Nku. 68:11)
Lusansu lwa 34
1. Nze una usonganga e fwaniswa, nki benonang’o nkangu vana ntoto? Aweyi kiyikilwanga?
2. Nkia luludiku kavana o Mose kwa nkangu mu kuma kia mana?
3. O Yave adieyi kavovesa nkangu mu vanga muna lumbu kia sambanu, ekuma?
4. Nki’esivi kavanga o Yave vava e mana yalundwanga muna lumbu kia nsambwadi?
5. O Yave mvu nkwa kadikila nkangu ye mana?
Yuvu yakaka:
1. Tanga Luvaiku 16:1-36 ye Ntalu 11:7-9.
(a) Esono kia Luvaiku 16:8 aweyi kisongelanga o mfunu a lemvokela ana bena ye wisa muna nkutakani ya Akristu? (Ayib. 13:17)
(b) Aneyisaele aweyi basusumwinwanga muna makanga mu bunda Yave e vuvu? (Luv. 16:14-16, 35; Nsi. 8:2, 3)
(c) O Yesu nki katezanisa ye mana? Aweyi tubakilang’e nluta muna “dia kwatuka kun’ezulu”? (Yoa. 6:31-35, 40)
2. Tanga Yosua 5:10-12.
Aneyisaele mvu nkwa badia mana? Ediadi aweyi diabatontela? Adieyi tulenda longoka muna diambu diadi? (Luv. 16:35; Nta. 11:4-6; 1 Kor. 10:10, 11)
Lusansu lwa 35
1. Muna ngonde yezole tuka bavaikila muna Engipito, Aneyisaele akweyi balwaka?
2. O Yave adieyi kavovesa kwa nkangu mu vanga? Nkia mvutu bavana?
3. Ekuma Yave kavanina babu yole y’etadi kwa Mose?
4. Vana ntandu a Nkanikinu Kumi nkia nsiku miakaka kavana Yave kwa Aneyisaele?
5. Nkia nsiku miole kayika o Yesu vo i misundidi o nene?
Yuvu yakaka:
1. Tanga Luvaiku 19:1-25; 20:1-21; 24:12-18 ye 31:18.
E mvovo mina muna Luvaiku 19:8 aweyi mikutusadisilanga mu bakula edi divavwanga muna kukiyekola kw’Akristu? (Mat. 16:24; 1 Pet. 4:1-3)
2. Tanga Nsiku 6:4-6; Fuka 19:18; ye Matai 22:36-40.
Akristu aweyi besongelanga o zola kwau kwa Nzambi ye kwa mfinangani zau? (Maku 6:34; Mav. 4:20; Roma 15:2)
Lusansu lwa 36
1. Adieyi tumwene muna fwaniswa bevanganga o wantu, ekuma?
2. Ekuma Yave kafungila makasi? O Mose adieyi kavanga vava kamona mana mavangang’o nkangu?
3. O Mose adieyi kavovesa kw’akaka wantu mu vanga?
4. E diambu diadi nki’elongi ditulongele?
Yuvu yakaka:
1. Tanga Luvaiku 32:1-35.
(a) O lusansu lwalu aweyi lusongelanga nyindu a Yave mu diambu dia kintwadi kia nsambila za luvunu ye nsambila aludi? (Luv. 32:4-6, 10; 1 Kor. 10:7, 11)
(b) Akristu aweyi bafwete kuyikengela muna makinu ye mpila nkunga bewanga? (Luv. 32:18, 19; Ef. 5:15, 16; 1 Yoa. 2:15-17)
(c) Ekanda dia Levi aweyi diasongela mbandu ambote ya kuyisia kun’esambu dia unsongi? (Luv. 32:25-28; Nku. 18:25)
Lusansu lwa 37
1. E nzo omwene muna fwaniswa aweyi yayikilwanga? Ekuma yatungilwa?
2. Ekuma Yave kavovesela Mose vo katunga e saba mu mpila kilenda yalulwilwa mu nzaki?
3. Nki i nkela ina mun’esuku diakete dina kuna nsuk’a saba? Nkia lekwa yina mo?
4. O Yave nani kasola mu kala se ngang’ambuta? Nkia salu kasalanga?
5. Yika lekwa tatu yakalanga mun’esuku diampwena dia saba.
6. Nkia lekwa yole yakalanga vana yanzala kia saba? Nkia salu yasadilwanga?
Yuvu yakaka:
1. Tanga Luvaiku 25:8-40; 26:1-37; 27:1-8; ye 28:1.
Nki i nsasa akelubi zakala vana ntandu a “nkele a umbangi”? (Luv. 25:20, 22; Nta. 7:89; 2 Nti. 19:15)
2. Tanga Luvaiku 30:1-10, 17-21; 34:1, 2; ye Ayibere 9:1-5.
(a) O Yave nkia kuma kasongela o mfunu wa velela kwa nitu z’anganga basadilanga muna saba? Ediadi aweyi disongele kwa yeto o unu? (Luv. 30:18-21; 40:30, 31; Ayib. 10:22)
(b) O Paulu wa ntumwa aweyi kasongela vo e saba ye ekangu dia Nsiku ke yakala diaka mfunu ko vava kasoneka nkand’andi kw’Akristu a Ayibere? (Ayib. 9:1, 9; 10:1)
Lusansu lwa 38
1. Adieyi olenda vova mu kuma kia ntayi kia uva kina muna fwaniswa? Akweyi kiatuka?
2. Ekuma Mose katumina alangi 12 kuna nsi a Kenani?
3. Adieyi diavova alangi kumi kwa Mose vava bavutuka?
4. Aweyi alangi wole babundila e vuvu kwa Yave? Nkumbu zau nani?
5. Ekum’o Yave kafungila makasi? Adieyi kavovesa kwa Mose?
Yuvu yakaka:
1. Tanga Ntalu 13:1-33.
(a) Aki nani basolwa mu langa nsi? Nki’elau diampwena bakala diau? (Nta. 13:2, 3, 18-20)
(b) Ekuma e ngindu za Yosua yo Kalebe zaswaswanena ye za alangi akaka? Aweyi ditulongele ediadi? (Nta. 13:28-30; Mat. 17:20; 2 Kor. 5:7)
2. Tanga Ntalu 14:1-38.
(a) Nkia lulukisu lwa lembi yidiminina selo ya Yave tufwete lemvokela? (Nta. 14:2, 3, 27; Mat. 25:40, 45; 1 Kor. 10:10)
(b) Mana tutanganga muna Ntalu 14:24 aweyi mesongelanga vo o Yave ovwanga konso selo kiandi o mfunu? (1 Nti. 19:18; Nga. 15:3)
Lusansu lwa 39
1. Aki nani batelamena e wisa kia Mose yo Arone? Adieyi bavova kwa Mose?
2. O Mose adieyi kavovesa Kora ye 250 z’alandi andi mu vanga?
3. O Mose adieyi kavova kwa nkangu? Adieyi diabwa vava kamanisa o vova?
4. Adieyi diabwila Kora ye 250 z’alandi andi?
5. O Elaza wa mwan’a Arone adieyi kavanga muna yokelwa ya awana bafwa, ekuma?
6. Ekuma o Yave kamenesena e mvuma muna nkau a Arone? (Tala e fwaniswa.)
Yuvu yakaka:
1. Tanga Ntalu 16:1-49.
(a) O Kora ye alandi andi adieyi bavanga? Ekuma diakadila s’evangu dia kolamena Yave? (Nta. 16:9, 10, 18; Fuka 10:1, 2; Nga. 11:2)
(b) O Kora ye 250 ‘z’akuluntu ebundu’ nkia nyindu ambi bakala wau? (Nta. 16:1-3; Nga. 15:33; Yes. 49:7)
2. Tanga Ntalu 17:1-11 ye 26:10.
(a) Mvuma za sakumuka muna nkau a Arone aweyi zasonganga? Ekuma Yave kakanikina vo o nkau walundilwa muna nkele a umbangi? (Nta. 17:5, 8, 10)
(b) Nki’elongi diamfunu tulenda longoka muna diadi? (Nta.17:10; Mav. 20:28; Fili. 2:14; Ayib. 13:17)
Lusansu lwa 40
1. O Yave aweyi kalunga-lunganga Aneyisaele vava bakala muna makanga?
2. Nki bayidiminina Aneyisaele vava balwaka kuna Kadese?
3. O Yave aweyi kavanina maza kwa nkangu ye bulu yau?
4. Muna fwaniswa, nani okuyisonganga o nlembo? Ekuma?
5. Ekuma Yave kafungila Mose yo Arone makasi? Nkia tumbu bavewa?
6. Adieyi diabwa muna Mongo a Oro? Nani wakituka se ngang’ambuta a Isaele?
Yuvu yakaka:
1. Tanga Ntalu 20:1-13, 22-29 ye Nsiku 29:5.
(a) Adieyi tulongokele mu mpila Yave kalunga-lunga Aneyisaele muna makanga? (Nsi. 29:5; Mat. 6:31; Ayib.13:5; Yak. 1:17)
(b) O Yave aweyi kabadikila e mpilakanu a Mose yo Arone muna lembi kunkembesa vana meso ma Isaele? (Nta. 20:12; 1 Kor. 10:12; Lus. 4:11)
(c) Adieyi tulenda longoka muna mpila o Mose kabadikila elongi kavewa kwa Yave? (Nta. 12:3; 20:12, 27, 28; Nsi. 32:4; Ayib. 12:7-11)
Lusansu lwa 41
1. Nki tumwene muna fwaniswa kizingamene muna nti? Ekuma Yave kavovesela Mose kamanika yo muna nti?
2. O nkangu aweyi basongela vo ke batondanga Nzambi ko muna mawonso kabavanganga?
3. O nkangu adieyi balomba kwa Mose vava Yave kafila nioka muna kubatumba?
4. Ekuma Yave kavovesela Mose kavanga niok’a nsongo?
5. Nki’elongi tulenda longoka muna lusansu lwalu?
Yuvu yakaka:
1. Tanga Ntalu 21:4-9.
(a) O yidimina kwa Aneyisaele nkia lulukisu dikutuvananga mu kuma kia nkubika za Yave? (Nta. 21:5, 6; Roma 2:4)
(b) Oku sentu Aneyisaele aweyi basadila niok’a nsongo? O Kizekeya wa ntinu adieyi kavanga? (Nta. 21:9; 2 Nti. 18:1-4)
2. Tanga Yoane 3:14, 15.
E niok’a nsongo yamanikwa muna nti aweyi yasongelanga e nkomw’a Yesu Kristu vana nti? (Ngal. 3:13; 1 Pet. 2:24)
Lusansu lwa 42
1. Nani i Baraki? Ekuma katumisina Bilami?
2. Ekuma ebuluku dia Bilami diabubamena vana ntoto?
3. Ekuma o Bilami kawila e ndinga ebuluku diandi?
4. O mbasi adieyi kavovesa kwa Bilami?
5. Adieyi diabwa vava Bilami katezanga siba Isaele?
Yuvu yakaka:
1. Tanga Ntalu 21:21-35.
Ekuma Isaele bavondela Sikone wa Ntinu a Aneyamore yo Onge wa Ntinu a Basani? (Nta. 21:21, 23, 33, 34)
2. Tanga Ntalu 22:1-40.
Adieyi diafila Bilami mu siba Isaele? Nki’elongi tulenda longoka muna diadi? (Nta. 22:16, 17; Nga. 6:16, 18; 2 Pet. 2:15; Yuda 11)
3. Tanga Ntalu 23:1-30.
Kanele vo Bilami wavova nze selo kia Yave o mavangu mandi aweyi mavunisina e mvovo miandi? (Nta. 23:3, 11-14; 1 Sam. 15:22)
4. Tanga Ntalu 24:1-25.
O lusansu lwalu lwa Nkand’a Nzambi aweyi lukumikinanga lukwikilu lweto muna ndungan’a makani ma Yave? (Nta. 24:10; Yes. 54:17)
Lusansu lwa 43
1. Aki nani awaya yau ewole batelamene vana ndambu a Mose?
2. O Yave adieyi kavovesa Yosua?
3. O Mose nkia kuma katombokela vana ntandu a Mongo a Nebo? Adieyi kamvovesa o Yave?
4. O Mose mvu nkwa kakala vava kafwa?
5. O nkangu adieyi bamwena e nkenda? Kansi adieyi bayangalela?
Yuvu yakaka:
1. Tanga Ntalu 27:12-23.
O Yave nkia mbebe ampwena kavana kwa Yosua? E mpila Yave kelunga-lunganga nkangu andi o unu aweyi imonekenanga? (Nta. 27:15-19; Mav. 20:28; Ayib. 13:7)
2. Tanga Nsiku 3:23-29.
Ekuma o Yave kayambulwila ko vo Mose yo Arone bakota muna nsi a nsilu? Nki’elongi tulenda longoka muna diadi? (Nsi. 3:25-27; Nta. 20:12, 13)
3. Tanga Nsiku 31:1-8, 14-23.
E mvovo mia lukananu mia Mose aweyi misongelanga vo watambulwila elongi dia Yave kuna lulembamu lwawonso? (Nsi. 31:6-8, 23)
4. Tanga Nsiku 32:45-52.
E Diambu dia Nzambi aweyi difwete vanga muna zingu kieto? (Nsi. 32:47; Fuka 18:5; Ayib. 4:12)
5. Tanga Nsiku 34:1-12.
Kanele vo Mose kamona Nzambi ko, aweyi e sono kia Nsiku 34:10 kisongelanga e ngwizani kakala yau yo Yave? (Luv. 33:11, 20; Nta. 12:8)
Lusansu lwa 44
1. O Rakabi akweyi kazingilanga?
2. O wantu wole bena muna fwaniswa, aki nani? Ekuma benena muna Yeriko?
3. O ntinu a Yeriko adieyi kavova kwa Rakabi? Nkia mvutu kavana?
4. O Rakabi aweyi kasadisila wantu wole awaya? Adieyi kalomba?
5. Alangi wole nkia nsilu bavana kwa Rakabi?
Yuvu yakaka:
1. Tanga Yosua 2:1-24.
Nkia nsilu a Yave una muna Luvaiku 23:28 walungana kwa Aneyisaele vava babaka Yeriko? (Yos. 2:9-11)
2. Tanga Ayibere 11:31.
E mbandu a Rakabi aweyi yisongelanga o mfunu wa kala yo lukwikilu? (Roma 1:17; Ayib. 10:39; Yak. 2:25)
Lusansu lwa 45
1. Nki’esivi kavanga o Yave kimana Aneyisaele basauka Nkoko a Yodani?
2. Nki’evangu dia lukwikilu bafwana vanga Aneyisaele muna sauka Nkoko a Yodani?
3. Ekuma o Yave kavovesela Yosua kakundika matadi 12 muna nkoko?
4. Adieyi diabwa vava anganga batomboka muna Yodani?
Yuvu yakaka:
1. Tanga Yosua 3:1-17.
(a) Nze una usongwanga muna lusansu lwalu, adieyi tufwete vanga muna tambula nsambu ye lusadisu lwa Yave? (Yos. 3:13, 15; Nga. 3:5; Yak. 2:22, 26)
(b) Aweyi wakala Nkoko a Yodani vava Aneyisaele basauka wo mu kwenda kuna Nsi a Nsilu? Ediadi aweyi diatundidikila nkumbu a Yave? (Yos. 3:15; 4:18; Nku. 66:5-7)
2. Tanga Yosua 4:1-18.
O matadi 12 mabongwa muna Yodani yo kundikwa kuna Ngilengale nki mayindulwisanga? (Yos. 4:4-7)
Lusansu lwa 46
1. O Yave adieyi kavovesa makesa ye anganga mu vanga mu lumbu sambanu?
2. Adieyi bavanga muna lumbu kiansambwadi?
3. Nze una omwene muna fwaniswa adieyi dibwilanga e yaka ya Yeriko?
4. Ekuma mwinina nsinga wambwaki wakangwa muna zianela?
5. Aweyi kavova Yosua bafwete vanga makesa kwa wantu ye kwa mbanza? E palata, wolo y’etadi aweyi yifwete siwa?
6. Alangi wole nkia diambu bavoveswa mu vanga?
Yuvu yakaka:
1. Tanga Yosua 6:1-25.
(a) E nzieta mbanz’a Yeriko kwa Aneyisaele muna lumbu kiansambwadi aweyi yifwananene ye salu kia umbangi kisalanga Mbangi za Yave mu lumbu yayi yambaninu? (Yos.6:15, 16; Yes. 60:22; Mat. 24:14; 1 Kor. 9:16)
(b) O ungunza wa sonama muna Yosua 6:26 aweyi walunganena vioka 500 za mvu? Ediadi aweyi dikutulonganga mu kuma kia diambu kevovanga o Yave? (1 Nti. 16:34; Yes. 55:11)
Lusansu lwa 47
1. Muna fwaniswa, nani ozikanga e lekwa yibongelo muna mbanza a Yeriko? Aki nani bekunsadisanga?
2. Ekuma evangu dia Akani y’esi nzo andi ke diakadila diambu diakete ko?
3. O Yave adieyi kavova vava o Yosua kayuvula ekuma Aneyisaele basundilwa muna vita y’esi Ai?
4. Adieyi diabwila Akani y’esi nzo andi vava batwaswa kwa Yosua?
5. Etumbu kavewa Akani nki’elongi diamfunu kitulongele?
Yuvu yakaka:
1. Tanga Yosua 7:1-26.
(a) E sambu kia Yosua adieyi kiasonga mu kuma kia ngwizani andi yo Mvangi andi? (Yos. 7:7-9; Nku. 119:145; 1 Yoa. 5:14)
(b) E nona kia Akani nkia lulukisu kikutuvananga? (Yos. 7:11, 14, 15; Nga. 15:3; 1 Tim. 5:24; Ayib. 4:13)
2. Tanga Yosua 8:1-29.
Nkia mbebe ina ye konso muntu muna nkutakani ya Akristu o unu? (Yos. 7:13; Fuka 5:1; Nga. 28:13)
Lusansu lwa 48
1. Esi Ngibone nkia mpila baswaswanena ye mavata makaka muna Kenani?
2. Nze una usongelo muna fwaniswa, adieyi bevanganga esi Ngibone, ekuma?
3. O Yosua ye mbuta za Isaele nkia nsilu basila esi Ngibone? Nkia diambu bazaya muna lumbu kietatu?
4. Adieyi diabwa vava atinu muna mbanza zakaka bawa vo esi Ngibone bakangidi ekangu dia luvuvamu yo Isaele?
Yuvu yakaka:
1. Tanga Yosua 9:1-27.
(a) Wau vo Yave wakanikina Isaele ‘kafwasakesa esi nsi awonso,’ ekuma bavuluzila esi Ngibone? (Yos. 9:22, 24; Mat. 9:13; Mav. 10:34, 35; 2 Pet. 3:9)
(b) Muna lungisa nsilu kasila esi Ngibone o Yosua, nkia mbandu kasonga kw’Akristu o unu? (Yos. 9:18, 19; Mat. 5:37; Ef. 4:25)
2. Tanga Yosua 10:1-5.
E ndong’ayingi aweyi betangininanga esi Ngibone? Nkia kitantu dikubatwasilanga ediadi? (Yos. 10:4; Zak. 8:23; Mat. 25:35-40; Lus. 12:17)
Lusansu lwa 49
1. Muna fwaniswa, adieyi kevovanga o Yosua, ekuma?
2. O Yave aweyi kasadisila Yosua yo makesa mandi?
3. O Yosua ntinu nkwa mi’atantu kavonda muna vita? Mvu nkwa kanwana?
4. Ekuma Yosua kekayilang’e nsi a Kenani?
5. O Yosua mvu nkwa kakala vava kafwa? Adieyi diabwila nkangu kuna nima mfw’andi?
Yuvu yakaka:
1. Tanga Yosua 10:6-15.
Ozaya vo o Yave waningamesa e ntangwa ye ngonde mu kuma kia Isaele, nkia vuvu dikutuvananga o unu? (Yos. 10:8, 10, 12, 13; Nku. 18:3; Nga. 18:10)
2. Tanga Yosua 12:7-24.
Nani kieleka wafwasa atinu 31 mia nsi a Kenani? Ekuma dinina diamfunu kwa yeto o unu? (Yos. 12:7; 24:11-13; Nsi. 31:8; Luka 21:9, 25-28)
3. Tanga Yosua 14:1-5.
E nsi aweyi yakayilwa kwa makanda ma Isaele? Aweyi disonganga ediadi mu kuma ki’efwa dia ntoto tuvwa muna Paradiso? (Yos. 14:2; Yes. 65:21; Yez. 47:21-23; 1 Kor. 14:33)
4. Tanga Afundisi 2:8-13.
Nze Yosua muna Isaele, o unu nani okakidilanga evangu dia vengomoka? (Afu. 2:8, 10, 11; Mat. 24:45-47; 2 Tes. 2:3-6; Tito 1:7-9; Lus. 1:1; 2:1, 2)
Lusansu lwa 50
1. Aki nani bakala se afundisi muna Isaele? Nani i mfundisi antete?
2. O Debora nki’elau diampwena kakala diau? Nkia salu kasalanga?
3. Nkia diambu dia Yave kazayisa o Debora kwa Baraki vava Isaele kavumiswa kwa Ntinu Yabini yo Sisera wa mfumu a makesa mandi? Nani kayika otambula o zitu wa nsundidi?
4. O Yaele aweyi kasongela vo nkento a unkabu?
5. Adieyi diabwa vava Yabini wa ntinu kafwa?
Yuvu yakaka:
1. Tanga Afundisi 2:14-22.
Aneyisaele aweyi bafungisila Yave o makasi? Nki’elongi ditulongele ediadi? (Afu. 2:20; Nga. 3:1, 2; Yez. 18:21-23)
2. Tanga Afundisi 4:1-24.
Nkia mpila lukwikilu ye unkabu balenda longoka akento a Akristu muna mbandu a Debora yo Yaele? (Afu. 4:4, 8, 9, 14, 21, 22; Nga. 31:30; 1 Kor. 16:13)
3. Tanga Afundisi 5:1-31.
E nkung’a nsundidi ya Baraki ye Debora aweyi uyimbidilwa muna vita ya Armangedo? (Afu. 5:3, 31; 1 Tus. 16:8-10; Lus. 7:9, 10; 16:16; 19:19-21)
Lusansu lwa 51
1. O Naomi aweyi kayenda zingila kuna nsi a Moabe?
2. Nani i Rutu yo Orepa?
3. O Rutu yo Orepa adieyi bavutula vava Naomi kabavovesa vo bavutuka kwa nkangu au?
4. Nani i Boaze? Aweyi kasadisila Rutu yo Naomi?
5. O mwana Boaze yo Rutu nkumbu andi nani? Ekuma tufwete kunsungamena?
Yuvu yakaka:
1. Tanga Rutu 1:1-17.
(a) Nkia mvovo mia ngemba kavova o Rutu? (Rutu 1:16, 17)
(b) O “mameme makaka” aweyi besongelanga e fu nze kia Rutu muna nkal’au ye akusua bena ova ntoto? (Yoa. 10:16; Zak. 8:23)
2. Tanga Rutu 2:1-23.
O Rutu aweyi kasongela mbandu ambote kw’andumba za unu? (Rutu 2:17, 18; Nga. 23:22; 31:15)
3. Tanga Rutu 3:5-13.
(a) O Boaze aweyi kabadikila luzolo lwa Rutu lwa sompana yandi vana fulu kia sompwa kw’etoko?
(b) E fu kasonga o Rutu aweyi kikutulonganga mu kuma kia zola? (Rutu 3:10; 1 Kor. 13:4, 5)
4. Tanga Rutu 4:7-17.
Akala Akristu aweyi balenda kadila nze Boaze? (Rutu 4:9, 10; 1 Tim. 3:1, 12, 13; 5:8)
Lusansu lwa 52
Ngidone ye 300 za Makesa Mandi
1. Aneyisaele aweyi ye nkia kuma bakadila mu mpasi?
2. Ekuma o Yave kavovesela Ngidone vo makesa mengi kakala mau?
3. Makesa makwa masala vava Ngidone kavovesa akwa wonga vo bavutuka kwau kuna nzo?
4. Tala muna fwaniswa, wasong’e mpila Yave kakululwila lutangu lwa makesa ma Ngidone se 300 kaka.
5. E Ngidone aweyi kakubikila 300 za makase mandi? O Isaele aweyi kasundila e vita?
Yuvu yakaka:
1. Tanga Afundisi 6:36-40.
(a) E Ngidone aweyi kavavil’o zaya eziku kia luzolo lwa Yave?
(b) Aweyi tulenda zayila luzolo lwa Yave o unu? (Nga. 2:3-6; Mat. 7:7-11; 2 Tim. 3:16, 17)
2. Tanga Afundisi 7:1-25.
(a) Aweyi tulenda longoka muna mbandu a 300 za makesa mayingilanga ke mu aya balembi yingila ko? (Afu. 7:3, 6; Roma 13:11, 12; Ef. 5:15-17)
(b) Aweyi tulenda longokela muna talanga Yesu Kristu wa Ngidone Anene nze una e 300 balongokela muna talanga Ngidone? (Afu. 7:17; Mat. 11:29, 30; 28:19, 20; 1 Pet. 2:21)
(c) Dina diasonama muna Afundisi 7:21 aweyi dilenda kutusadisila mu yangalela sala konso salu ye konso fulu muna nkubik’a Yave? (1 Kor. 4:2; 12:14-18; Yak. 4:10)
3. Tanga Afundisi 8:1-3.
Adieyi tulenda longoka mu mpila ina Ngidone kasingikila e ntantani y’esi Eferaime vava tukalanga ye ntantani y’ampangi zeto? (Nga. 15:1; Mat. 5:23, 24; Luka 9:48)
Lusansu lwa 53
1. O Yefeta nani? Mu nkia ntangwa kazingilanga?
2. O Yefeta nkia nsilu kasila kwa Yave?
3. Ekuma Yefeta kakendalela vava kavutuka kuna nzo?
4. Mwan’a Yefeta adieyi kavova vava kazaya o nsilu wasia o s’andi?
5. O nkangu nkia kuma wazolelanga mwan’a Yefeta?
Yuvu yakaka:
1. Tanga Afundisi 10:6-18.
O kondwa kwikizi kwa Isaele muna Yave nkia lulukisu dikutuvananga? (Afu. 10:6, 15, 16; Roma 15:4; Lus. 2:10)
2. Tanga Afundisi 11:1-11, 29-40.
(a) Aweyi tuzayidi vo ovana mwan’andi “se lukau” ke sia ko vo o Yefeta wanyoka se kimenga? (Afu. 11:31; Fuka 16:24; Nsi. 18:10, 12)
(b) O Yefeta aweyi kavanina mwan’andi se lukau?
(c) Adieyi tulongokele mu mpila in’o Yefeta kalungisila o nsilu andi kwa Yave? (Afu. 11:35, 39; Kim. 5:4, 5; Mat. 16:24)
(d) Ekuma mwan’a Yefeta kenena se mbandu ambote kw’aleke Akristu mu kota mu salu kia ntangwa ke ntangwa? (Afu.11:36; Mat. 6:33; Fili. 3:8)
Lusansu lwa 54
1. Nani i nkwa ngolo oyu wazinga kala? Nani wamvana e ngolo zazi?
2. O Samesone aweyi kavanga kwa nkosi nze una omwene muna fwaniswa?
3. O Samesone nkia mbumba kasengomona kwa Delila? Ediadi aweyi diaziulwila e nzila ya kangwa kwa Afelesetia?
4. O Samesone aweyi kavondela 3.000 ma Afelesetia muna lumbu kina kafwa?
Yuvu yakaka:
1. Tanga Afundisi 13:1-14.
O Manoa yo nkaz’andi aweyi basongela mbandu ambote kwa mase muna sansa wan’au? (Afu. 13:8; Nku. 127:3; Ef. 6:4)
2. Tanga Afundisi 14:5-9 ye 15:9-16.
(a) O lusansu lwa Samesone lwa vonda e nkosi, yo zatuna e ngonzi kakangwa ye vava kavonda 1.000 dia wantu muna visi ki’ebuluku aweyi lusongelanga e ngolo za mwand’avelela a Yave?
(b) O mwand’avelela aweyi ukutusadisilanga o unu? (Afu. 14:6; 15:14; Zak. 4:6; Mav. 4:31)
3. Tanga Afundisi 16:18-31.
O Samesone aweyi kavukumwinwa kwa yikundi yambi? Adieyi tulenda longoka muna diambu diadi? (Afu. 16:18, 19; 1 Kor. 15:33)
Lusansu lwa 55
1. E kindende kina muna fwaniswa nkumbu andi nani? Aki nani bena vana ndambu andi?
2. Nkia sambu kasamba o Kana vava kayenda kingula e saba kia Yave? O Yave aweyi kavanina e mvutu za sambu kiandi?
3. O Samuele mvu nkwa kakala vava kanatwa mu kwenda sadila Yave muna saba? O ngw’andi adieyi kavanganga konso mvu?
4. Azeyi e nkumbu za wan’a Ele? Nkia mpila wantu bakala?
5. O Yave aweyi kabokelela Samuele? Nkia diambu kamvovesa?
6. Nkia mpila muntu kakituka o Samuele vava kakula? Adieyi diabwa vava kanuna?
Yuvu yakaka:
1. Tanga 1 Samuele 1:1-28.
(a) Nkia mbandu ambote kasonga Elekana kwa mase mu fila esi nzo muna nsambila aludi? (1 Sam. 1:3, 21; Mat. 6:33; Fili. 1:10)
(b) Adieyi tulenda longoka muna mbandu a Kana vava tukalanga mu mpasi? (1 Sam. 1:10, 11; Nku. 55:22; Roma 12:12)
2. Tanga 1 Samuele 2:11-36.
O Ele aweyi kaluta zitisila wan’andi ke mu Yave ko? Ediadi nkia lulukisu dituvene? (1 Sam. 2:22-24, 27, 29; Nsi. 21:18-21; Mat. 10:36, 37)
3. Tanga 1 Samuele 4:16-18.
Nkia nsamu nyá miankenda miatuka kuna vita? Aweyi miavanga kwa Ele?
4. Tanga 1 Samuele 8:4-9.
Isaele aweyi bavezela Yave? Aweyi tulenda songela kwikizi kieto muna Kintinu kiandi? (1 Sam. 8:5, 7; Yoa. 17:16; Yak. 4:4)
Lusansu lwa 56
1. Muna fwaniswa, o Samuele adieyi kevanganga, ekuma?
2. Ekuma Yave kazolelanga Saulu? Nkia mpila muntu kakala?
3. O mwan’a Saulu nkumbu andi nani? Adieyi kavanga?
4. Ekuma Saulu kalembi vingidila Samuele mu kela kimenga?
5. Nki’elongi tulenda longoka muna dina diabwila Saulu?
Yuvu yakaka:
1. Tanga 1 Samuele 9:15-21 ye 10:17-27.
O lembama kwa Saulu aweyi kwansadisila mu lembi vanga diambi kw’awana bamveza? (1 Sam. 9:21; 10:21, 22, 27; Nga. 17:27)
2. Tanga 1 Samuele 13:5-14.
Nki’esumu kavanga o Saulu kuna Ngilengale? (1 Sam. 10:8; 13:8, 9, 13)
3. Tanga 1 Samuele 15:1-35.
(a) Nki’esumu diampwena kavanga o Saulu mu diambu dia Angangi wa ntinu a Aneyamaleke? (1 Sam. 15:2, 3, 8, 9, 22)
(b) O Saulu aweyi kavavila sweka evangu diandi yo yekeka e tumbu kwa nkangu? (1 Sam. 15:24)
(c) Vava tulongwanga, nkia lulukisu tufwete lemvokelanga? (1 Sam. 15:19-21; Nku. 141:5; Nga. 9:8, 9; 11:2)
Lusansu lwa 57
1. O nleke una muna fwaniswa nkumbu andi nani? Aweyi tuzayidi vo nkwa unkabu?
2. O Davidi akweyi kazingilanga? Nani i s’andi yo nkak’andi?
3. Ekuma o Yave katumina Samuele kenda kuna nzo a Yisai kuna Beteleme?
4. Adieyi diabwa vava Yisai katwasa wan’andi nsambwadi kwa Samuele?
5. O Yave adieyi kavovesa Samuele vava katwasilwa Davidi?
Yuvu yakaka:
1. Tanga 1 Samuele 17:34, 35.
Mambu mama aweyi masongelanga unkabu wa Davidi ye vuvu kiandi kwa Yave? (1 Sam. 17:37)
2. Tanga 1 Samuele 16:1-14.
(a) E mvovo mia Yave muna 1 Samuele 16:7 aweyi milenda kutusadisila mu lembi swaswanisanga wantu muna talanga kaka e mpw’au? (Mav. 10:34, 35; 1 Tim. 2:4)
(b) E nona kia Saulu aweyi kiasongela vo o Yave avo okatwidi mwand’andi avelela kwa muntu, olwakilwanga kwa mwand’a mbi yovo filwa mu vang’e mbi? (1 Sam. 16:14; Mat. 12:43-45; Ngal. 5:16)
Lusansu lwa 58
1. E Ngoleyate nkia mpaka kafidisanga kwa makesa ma Aneyisaele?
2. E Ngoleyate aweyi kakala? O Saulu wa Ntinu nkia nsendo kakanikin’o vana kwa muntu ovonda Ngoleyate?
3. O Davidi aweyi kavova vava Saulu kamvovesa vo kalendi nwana yo Ngoleyate ko?
4. E mvutu za Davidi kwa Ngoleyate aweyi zasongela vo kwa Yave kabundanga e vuvu?
5. Nze una omwene muna fwaniswa, o Davidi nki kasadila mu vonda Ngoleyate? Adieyi diabwila Afelesetia?
Yuvu yakaka:
1. Tanga 1 Samuele 17:1-54.
(a) Ekuma o Davidi kalembi mwena o wonga? Aweyi tulenda tanginina unkabu wandi? (1 Sam. 17:37, 45; Ef. 6:10, 11)
(b) Ekuma Akristu bafwete vengela e fu kia Ngoleyate kia vavang’o sunda muna nsaka? (1 Sam. 17:8; Ngal. 5:26; 1 Tim. 4:8)
(c) E mvovo mia Davidi aweyi miasongela vo mu lusadisu lwa Nzambi kabundanga e vuvu? (1 Sam. 17:45-47; 2 Tus. 20:15)
(d) O lusansu lwalu aweyi lusongelanga vo e vita yayina ke ya buka yole ya makesa ma zula ko, kansi Yave wa Nzambi wanwananga ye nzambi za luvunu? (1 Sam. 17:43, 46, 47)
(e) Akristu akuswa aweyi betangininanga e mbandu a Davidi muna bundanga Yave e vuvu? (1 Sam. 17:37; Yer. 1:17-19; Lus. 12:17)
Lusansu lwa 59
1. Ekuma o Saulu kamwena Davidi e kimpala? O Yonatane wa mwan’a Saulu aweyi kaswaswanena yo s’andi?
2. Adieyi diabwa lumbu kimosi vava Davidi kasikilanga Saulu e kokolo?
3. O Saulu adieyi kavova difwete vanga Davidi muna sompa Mikale wa mwan’andi? Ekuma kavovela dio?
4. Adieyi diabwa vava Davidi kasikilanga Saulu e kokolo muna nkumbu una wetatu nze una usonganga e fwaniswa?
5. O Mikale aweyi kavuluzila moyo a Davidi? Adieyi kavanga o Davidi mu mvu nsambwadi?
Yuvu yakaka:
1. Tanga 1 Samuele 18:1-30.
(a) E nzola yasikila ya Yonatane kuna kwa Davidi aweyi isongelanga e nzola ina vana vena “mameme makaka” ye “finkambi-kambi”? (1 Sam. 18:1; Yoa. 10:16; Luka 12:32; Zak. 8:23)
(b) Nze una tutanganga muna 1 Samuele 18:4 nkia lusakalalu kasonga Yonatane kwa ndiona kasola o Nzambi mu yala se ntinu kanele vo yandi wafwanukina vinga va kunda kia s’andi?
(c) E nona kia Saulu aweyi kisongelanga vo e kimpala kilenda fila muntu mu sumu dianene? Nkia lulukisu dikutuvananga ediadi? (1 Sam. 18:7-9, 25; Yak. 3:14-16)
2. Tanga 1 Samuele 19:1-17.
O Yonatane aweyi kasila e zingu kia yandi kibeni mu vonza vava kavova oma masonama muna 1 Samuele 19:4, 5? (1 Sam. 19:1, 6)
Lusansu lwa 60
1. O nkento omwene muna fwaniswa wizidi wanana yo Davidi, nkumbu andi nani? Nkia mpila muntu kakala?
2. Nani i Nabale?
3. Ekuma o Davidi katumina ntaudi zandi benda lomba madia kwa Nabale?
4. O Nabale adieyi kavovesa ntaudi za Davidi? Adieyi kavanga o Davidi?
5. O Abingaile aweyi kasongela vo nkento angangu?
Yuvu yakaka:
1. Tanga 1 Samuele 22:1-4.
Esi nzo ya Davidi aweyi basongela mbandu ambote ina Akristu bafwete tanginina mu sadisa muntu yo nkw’andi? (Nga. 17:17; 1 Tes. 5:14)
2. Tanga 1 Samuele 25:1-43.
(a) O Nabale aweyi kavezela Davidi? (1 Sam. 25:2-5, 10, 14, 21, 25)
(b) Akento Akristu o unu aweyi balenda tanginina mbandu a Abingaile? (1 Sam. 25:32, 33; Nga. 31:26; Ef. 5:24)
(c) O Abingaile nkia mbi zole kavengesa Davidi mu vanga? (1 Sam. 25:31, 33; Roma 12:19; Ef. 4:26)
(d) Dina kavanga Davidi kwa Abingaile aweyi dilenda sadisila akala mu kala ye nyindu a Yave mu kuma kia akento? (Mav. 21:8, 9; Roma 2:11; 1 Pet. 3:7)
Lusansu lwa 61
1. O Davidi ye Abisai adieyi bavanga vava baluaka kuna kalavalela o Saulu?
2. O Davidi nkia yuvu kayuvula Saulu?
3. Akweyi kayenda o Davidi vava kasisa Saulu?
4. Adieyi diakendeleka Davidi diamfila mu soneka nkunga ambote?
5. O Davidi mvu nkwa kakala vava kakituka se ntinu kuna Keberone? E nkumbu za wan’a Davidi akaka azeyi?
6. Oku kwalanda, akweyi kayadila o Davidi?
Yuvu yakaka:
1. Tanga 1 Samuele 26:1-25.
(a) E mvovo mia Davidi muna 1 Samuele 26:11 aweyi misongelanga una tufwete badikila awana bavewa e mbebe kwa Yave? (Nku. 37:7; Roma 13:2)
(b) Kanele vo tulenda vutulwilwa e mbi vava tusianga e ngolo mu vanga owete, e mvovo mia Davidi muna 1 Samuele 26:23 aweyi milenda kutusadisila mu kala ye nyindu ambote? (1 Nti. 8:32; Nku. 18:20)
2. Tanga 2 Samuele 1:26.
Akristu o unu aweyi balenda “siamanen’o zolana” nze nzola ya Davidi yo Yonatane? (1 Pet. 4:8; Kol. 3:14; 1 Yoa. 4:12)
3. Tanga 2 Samuele 5:1-10.
(a) O Davidi mvu kwa kayala kuna Keberone ye muna Yerusaleme? (2 Sam. 5:4, 5)
(b) O Davidi nani kavananga o zitu muna kuma kia nene wandi? Adieyi difwete kutusungamesa ediadi o unu? (2 Sam. 5:10; 1 Sam. 16:13; 1 Kor. 1:31; Fili. 4:13)
Lusansu lwa 62
Mpasi Zikotele Muna Nzo a Davidi
1. Muna lusadisu lwa Yave adieyi diabwa muna nsi a Kenani?
2. Adieyi diabwila Davidi mu fuku dimosi vava kakala vana nludi a nzo andi?
3. Ekuma Yave kafungila Davidi o makasi?
4. Muna fwaniswa, nani tumwene katuma o Yave kenda zayisa Davidi masumu mandi? Adieyi kayika dibwila Davidi?
5. Nkia mpasi zabwila Davidi?
6. Nani wakituka ntinu a Isaele vana fulu kia Davidi?
Yuvu yakaka:
1. Tanga 2 Samuele 11:1-27.
(a) O zindalala muna salu kia Yave i lutaninu kwa yeto. Mu nkia mpila?
(b) O Davidi aweyi kabwila mun’esumu? Ediadi nkia lulukisu divananga kwa selo ya Yave o unu? (2 Sam. 11:2; Mat. 5:27-29; 1 Kor. 10:12; Yak. 1:14, 15)
2. Tanga 2 Samuele 12:1-18.
(a) Nki’elongi balenda longoka akuluntu y’amase mu mpila Natani kaludikila Davidi? (2 Sam. 12:1-4; Nga. 12:18; Mat. 13:34)
(b) O Yave nkia kuma kafwila Davidi e nkenda? (2 Sam. 12:13; Nku. 32:5; 2 Kor. 7:9, 10)
Lusansu lwa 63
1. O Yave adieyi kavovesa kwa Solomo? Nkia mvutu kavana?
2. Wau vo Yave wayangalala mu dina kalomba Solomo, nki kamvana?
3. Nkia diambu diampasi di’akento wole diatwaswa kwa Solomo?
4. Nze una omwene muna fwaniswa, aweyi kasingikila e diambu diadi o Solomo?
5. Luyalu lwa nani lwatezaniswa ye lwa Solomo, ekuma?
Yuvu yakaka:
1. Tanga 1 Ntinu 3:3-28.
(a) Awana bena ye mbebe muna nkubik’a Yave o unu adieyi balenda longoka muna mvovo mia Solomo mina muna 1 Ntinu 3:7? (Nku. 119:105; Nga. 3:5, 6)
(b) E ndomb’a Solomo aweyi inina se mbandu ambote ya mana tufwete lombanga muna sambu? (1 Nti. 3:9, 11; Nga. 30:8, 9; 1 Yoa. 5:14)
(c) E mpila Solomo kasingikila e ntatani z’akento wole nkia vuvu ikutuvananga mu kuma kia luyalu lwa Yesu Kristu wa Solomo anene? (1 Nti. 3:28; Yes. 9:6, 7; 11:2-4)
2. Tanga 1 Ntinu 4:29-34.
(a) O Yave aweyi kavanin’e mvutu za sambu kia Solomo? (1 Nti. 4:29)
(b) E ngolo bavangang’o wantu mu kwenda wa e ngangu za Solomo, zifwete kutufila mu vanga nkia diambu? (1 Nti 4:29, 34; Yoa. 17:3; 2 Tim. 3:16)
Lusansu lwa 64
1. O Solomo mvu kwa katunga tempelo a Yave? Ekuma yadila nzimbu zayingi?
2. Masuku kwa makala muna tempelo? Nki kiasiwa muna suku diakati?
3. Nkia sambu kasamba o Solomo vava e tempelo yamanisa o tungwa?
4. O Yave aweyi kasongela vo wayangalela e sambu kia Solomo?
5. Akento a Solomo nkia diambu bamfila mu vanga? Adieyi diabwila Solomo?
6. Ekuma Yave kafungila Solomo makasi? Adieyi kamvovesa?
Yuvu yakaka:
1. Tanga 1 Tusansu 28:9, 10.
E mvovo mia Davidi muna 1 Tusansu 28:9, 10 nkia diambu mifwete kutufila mu vanga muna zingu kieto kia lumbu ke lumbu? (Nku. 19:14; Fili. 4:8, 9)
2. Tanga 2 Tusansu 6:12-21, 32-42.
(a) O Solomo aweyi kasongela vo o Nzambi wa Mpungu-ngolo kefwana mu nzo yatungwa kwa muntu ko? (2 Tus. 6:18; Mav. 17:24, 25)
(b) E mvovo mia Solomo muna 2 Tusansu 6:32, 33 adieyi misonganga mu kuma kia Yave? (Mav. 10:34, 35; Ngal. 2:6)
3. Tanga 2 Tusansu 7:1-5.
Nze Aneyisaele, adieyi tufwete vanga vava tumonanga e nsambu za Yave kwa nkangu andi o unu? (2 Tus. 7:3; Nku. 22:22; 34:1; 96:2)
4. Tanga 1 Ntinu 11:9-13.
Mana mabwa muna zingu kia Solomo aweyi mesongelanga o mfunu wa sikila ye kwikizi kwa Nzambi yakuna mbaninu? (1 Nti. 11:4, 9; Mat. 10:22; Lus. 2:10)
Lusansu lwa 65
1. Azeyi e nkumbu za wantu wole bena muna fwaniswa?
2. O Akiya aweyi kavanga mvwatu kavwata? Aweyi diasonganga ediadi?
3. O Solomo adieyi kavav’o vanga kwa Yerobame?
4. Ekuma nkangu wayadikila Yerobame se ntinu a makanda kumi?
5. O Yerobame nkia kuma kavangila wan’a ngombe wole awolo? Ke kolo ko, adieyi diabwa muna nsi?
6. Adieyi diabwila kintinu kia makanda mole ye tempelo a Yave muna Yerusaleme?
Yuvu yakaka:
1. Tanga 1 Ntinu 11:26-43.
O Yerobame nkia mpila muntu kakala? O Yave nkia nsilu kamvana kele vo olundidi e nsiku miandi? (1 Nti. 11:28, 38)
2. Tanga 1 Ntinu 12:1-33.
(a) E mbandu ya Rekabame ya kadila ye wisa mu mpila yambi adieyi yifwete longa kw’akuluntu y’amase? (1 Nti. 12:13; Kim. 7:7; 1 Pet. 5:2, 3)
(b) Aleke kwaki nani bafwete vavila luludiku lwasikila vava bevavanga baka e nzengo za mambu mampwena muna zingu? (1 Nti. 12:6, 7; Nga. 1:8, 9; 2 Tim. 3:16, 17; Ayib. 13:7)
(c) Adieyi diafila Yerobame mu vanga wan’a ngombe wole awolo? Ediadi aweyi diasongela konda kwa lukwikilu muna Yave? (1 Nti. 11:37; 12:26-28)
(d) Nani wafila nkangu a kintinu kia makanda kumi mu vengomoka muna nsambila aludi? (1 Nti. 12:32, 33)
Lusansu lwa 66
1. Nani i Izebele?
2. Ekuma Akabi wa ntinu kakendalela lumbu kimosi?
3. O Izebele adieyi kavanga mu tambula mpatu a vinyo ya Nabote?
4. O Yave nani katuma mu tumba Izebele?
5. Nze una omwene muna fwaniswa, adieyi diabwa vava o Yeu kalwaka kuna nzo a Izebele?
Yuvu yakaka:
1. Tanga 1 Ntinu 16:29-33 ye 18:3, 4.
Nkia mpasi zakala muna Isaele muna luyalu lwa Akabi wa Ntinu? (1 Nti. 14:9)
2. Tanga 1 Ntinu 21:1-16.
(a) O Nabote aweyi kasongela unkabu ye kwikizi kwa Yave? (1 Nti. 21:1-3; Fuka 25:23-28)
(b) Adieyi tulenda longoka mu nona kia Akabi vava tubwilwanga diambu dikutukendelekanga? (1 Nti. 21:4; Roma 5:3-5)
3. Tanga 2 Ntinu 9:30-37.
O vema kwa Yeu wa vanga luzolo lwa Yave adieyi kutulongele? (2 Nti. 9:4-10; 2 Kor. 9:1, 2; 2 Tim. 4:2)
Lusansu lwa 67
1. Nani i Yosafate? Mu lumbu ya nani kazinganga?
2. Ekuma Aneyisaele bamwena wonga? Ndonga muna Aneyisaele Adieyi bavanga?
3. O Yave nkia mvutu kavana muna sambu kia Yosafate?
4. O Yave nkia diambu kavanga una vita ke yayantikidi ko?
5. Nki’elongi tulongokele mu kuma kia Yosafate?
Yuvu yakaka:
1. Tanga 2 Tusansu 20:1-30.
(a) O Yosafate aweyi kasongela dina bafwete vanga selo yakwikizi ya Nzambi vava bekalanga mu mpasi? (2 Tus. 20:12; Nku. 25:15; 62:1)
(b) O Yave wantu kasadilanga muna zayisa luzolo lwandi kwa nkangu. Nani kesadilanga o unu? (2 Tus. 20:14, 15; Mat. 24:45-47; Yoa. 15:15)
(c) Vava kibwa e “vit’a lumbu kianene kia Nzambi” aweyi e nkal’eto ifwananena ye ya Yosafate? (2 Tus. 20:15, 17; 32:8; Lus. 16:14, 16)
(d) Nze Anelevi nkia lusadisu bevananga aviti a nzila ye missionário o unu mu samuna nsangu zambote muna nza yawonso? (2 Tus. 20:19; Roma 10:13-15; 2 Tim. 4:2)
Lusansu lwa 68
1. Aki nani i wantu tatu bena muna fwaniswa? Adieyi dibwidi kwa kindende?
2. Nkia sambu kasamba Eleya mu kuma kia kindende? Adieyi diabwa?
3. O nsadisi a Eleya nkumbu andi nani?
4. Ekuma Elesa kabokeleselwa kuna nzo a nkento a Suneme?
5. O Elesa adieyi kavanga? Adieyi diabwila mwana wafwa?
6. Nkia nkum’a Yave wamoneka muna Eleya yo Elesa?
Yuvu yakaka:
1. Tanga 1 Ntinu 17:8-24.
(a) Aweyi watontelwa o nlemvo ye lukwikilu lwa Eleya? (1 Nti. 17:9; 19:1-4, 10)
(b) Ekuma o lukwikilu lwa nkento ansona a Sarefate lwakadila se lwampwena kikilu? (1 Nti. 17:12-16; Luka 4:25, 26)
(c) E nona kia nkento ansona a Sarefate aweyi kisongelanga e ziku kia mvovo mia Yesu muna Matai 10:41, 42? (1 Nti. 17:10-12, 17, 23, 24)
2. Tanga 2 Ntinu 4:8-37.
(a) Nki’elongi katulongele o nkento a Suneme mu fu kia zola nzenza? (2 Nti. 4:8; Luka 6:38; Roma 12:13; 1 Yoa. 3:17)
(b) Mu nkia mpila tulenda vangila o wete kwa selo ya Nzambi o unu? (Mav. 20:35; 28:1, 2; Ngal. 6:9, 10; Ayib. 6:10)
Lusansu lwa 69
Dumbelele, Osadisi Muntu Anene
1. Nani i dumbelele ovovananga yo nkento muna fwaniswa?
2. Nani i nkento ndioyo? O dumbelele nki kevanganga muna nzo a nkento ndioyo?
3. O Elesa adieyi katuma kwa ntaudi andi kenda vova kwa Namani? Ekuma Namani kafungila makasi?
4. Adieyi diabwa vava Namani kawila ntaudi andi?
5. O Elesa nkia kuma kamengena lukau lwa Namani? O Ngekazi adieyi kavanga?
6. Adieyi diabwila Ngekazi? Adieyi tulongokele muna diadi?
Yuvu yakaka:
1. Tanga 2 Ntinu 5:1-27.
(a) E dumbelele kia Isaele nkia mbandu kasonga kwa aleke a unu? (2 Nti. 5:3; Nku. 8:2; 148:12, 13)
(b) Ekuma dinina diamfunu dia sungamenanga e nona kia Namani vava tuvewanga malongi metukanga muna Nkand’a Nzambi? (2 Nti. 5:15; Ayib. 12:5, 6; Yak. 4:6)
(c) Nki’elongi tulongokele muna mbandu a Elesa ye Ngekazi? (2 Nti. 5:9, 10, 14-16, 20; Mat. 10:8; Mav. 5:1-5; 2 Kor. 2:17)
Lusansu lwa 70
1. Nani i Yona? O Yave aweyi kamvovesa?
2. O Yona adieyi kavanga?
3. O Yona aweyi kavova kwa ansau bamvanga kimana e tembwa kiadingama?
4. Nze una omwene muna fwaniswa, adieyi diabwila Yona vava kakota muna nsi a maza?
5. O Yona lumbu kwa kakala muna vumu kia mbizi? Adieyi kavanga?
6. Akweyi kayenda o Yona vava kalukwa kwa mbizi? Adieyi ditulongele ediadi?
Yuvu yakaka:
1. Tanga Yona 1:1-17.
O Yona aweyi kabadikila e salu kavewa kia longa esi Nineve? (Yona 1:2, 3; Nga. 3:7; Kim. 8:12)
2. Tanga Yona 2:1, 2, 10.
Aweyi e nona kia Yona kikutusongelanga vo o Yave owanga e sambu yeto? (Nku. 22:24; 34:6; 1 Yoa. 5:14)
3. Tanga Yona 3:1-10.
(a) Nkia lukasakeso dituvene mu zaya vo o Yave wakwamanana sadila Yona kanele vo wateka tina e salu kavewa? (Nku. 103:14; 1 Pet. 5:10)
(b) Nze una tulongokele mu nona kia Yona, ekuma ke tufwete fundisila wantu ko muna zunga kieto? (Yona 3:6-9; Kimp. 11:6; Mav. 13:48)
Lusansu lwa 71
1. O Yesaya nani kakala? Mu nkia ntangwa kazinganga ye nki kansonga o Yave?
2. Nki i nsasa “paradiso”? Adieyi dikusungamesanga ediadi?
3. O Yave nkia mambu kavovesa Yesaya mu soneka mu kuma kia Paradiso ampa eyi ikwiza?
4. Ekuma Adami yo Eva bavidisila mpatu au ambote?
5. O Yave nkia nsilu kevananga kw’awana bekunzolanga?
Yuvu yakaka:
1. Tanga Yesaya 11:6-9.
(a) O Nkand’a Nzambi aweyi usongelanga luvuvamu lukala vana vena wantu ye bulu muna nz’ampa? (Nku. 148:10, 13; Yes. 65:25; Yez. 34:25)
(b) E mvovo mia Yesaya aweyi milunganenanga muna mwanda kwa nkangu a Yave o unu? (Roma 12:2; Ef. 4:23, 24)
(c) Nani ofwene tambula o zitu muna nsobani bevangang’o wantu o unu ye yina bevanga muna nz’ampa? (Yes. 48:17, 18; Ngal. 5:22, 23; Fili. 4:7)
2. Tanga Lusengomono 21:3, 4.
(a) O Nkand’a Nzambi aweyi usongelanga vo Nzambi okala yo wantu ova ntoto ke mu nitu ko, kansi mu mwanda? (Fuka 26:11, 12; 2 Tus. 6:18; Yes. 66:1; Lus. 21:2, 3, 22-24)
(b) Mansanga ye mpasi nkia mpila zisukila? (Luka 8:49-52; Roma 8:21, 22; Lus. 21:4)
Lusansu lwa 72
Nzambi Osadisi Kizekeya wa Ntinu
1. Nani i muntu una muna fwaniswa? Ekuma kenena mu mpasi zayingi?
2. Nani wasoneka nkanda kayalumwini Kizekeya vana vena Nzambi? O Kizekeya aweyi kasamba?
3. Nkia mpila ntinu kakala o Kizekeya? O Yesaya wa ngunza nkia diambu dia Yave kazayisa kwa Kizekeya?
4. Nze una usongwanga muna fwaniswa, o mbasi a Yave adieyi kavanga kwa makesa ma Asuri?
5. Kana una vo kintinu kia makanda mole kiakala ye luvuvamu mu fikolo, adieyi diabwa vava Kizekeya kafwa?
Yuvu yakaka:
1. Tanga 2 Ntinu 18:1-36.
(a) O Rabeseka wa nkunzi a Asuri aweyi kavavila yoyesa lukwikilu lwa Aneyisaele? (2 Nti. 18:19, 21; Luv. 5:2; Nku. 64:3)
(b) Aweyi Mbangi za Yave betangininanga mbandu a Kizekeya vava besiwanga e kitantu? (2 Nti. 18:36; Nku. 39:1; Nga. 26:4; 2 Tim. 2:24)
2. Tanga 2 Ntinu 19:1-37.
(a) O nkangu a Yave o unu aweyi betangininanga Kizekeya muna ntangw’a mpasi? (2 Nti. 19:1, 2; Nga. 3:5, 6; Ayib. 10:24, 25; Yak. 5:14, 15)
(b) Nkia mfwilu ntatu kabaka o Sankerebe wa Ntinu a Asuri? Nani kesunzulanga? (2 Nti. 19:32, 35, 37; Lus. 20:2, 3)
3. Tanga 2 Ntinu 21:1-6, 16.
Ekuma difwene vovelwa vo o Manase wakala se mosi muna ntinu miambi miayala muna Yerusaleme? (2 Tus. 33:4-6, 9)
Lusansu lwa 73
Ntinu Ansuka Wambote Muna Isaele
1. O Yosiya kimbuta kia mvu kwa kakala vava kakituka se ntinu? Adieyi kayantika o vanga muna mvu wa nsambwadi wa luyalu luandi?
2. O Yosiya adieyi kevanganga muna fwaniswa kiantete?
3. O ngang’ambuta nki kasolola vava wantu bavangululanga e tempelo?
4. O Yosiya ekuma katiazunwina e mvwatu miandi?
5. O Kuleda wa ngunza ankento nkia diambu dia Yave kasamunwina Yosiya?
Yuvu yakaka:
1. Tanga 2 Tusansu 34:1-28.
(a) O Yosiya nkia mbandu ambote kasonga kwa aleke basansuka e nsansuk’a mpasi (2 Tus. 33:21-25; 34:1, 2; Nku. 27:10)
(b) Nkia mambu mamfunu kavanga o Yosiya muna nungununa e nsambila aludi muna mvu a 8, 12 ye 18 wa luyalu lwandi? (2 Tus. 34:3, 8)
(c) O Yosiya ye Kilekiya wa Ngang’ambuta nkia mbandu ya lunga-lunganga Maseka meto ma Kintinu batusongela? (2 Tus. 34:9-13; Nga. 11:14; 1 Kor. 10:31)
Lusansu lwa 74
1. Nani i nleke una muna fwaniswa?
2. O Yeremiya aweyi kayimwena mu kuma kia salu kia kingunza? O Yave adieyi kamvovesa?
3. O Yeremiya nkia nsangu kasamunanga kwa nkangu?
4. Anganga aweyi bavavila ningamesa salu kia Yeremiya? Aweyi kasongela vo kakala ye wonga ko?
5. Adieyi diabwa vava Aneyisaele ke bayambula nzila zau zambi ko?
Yuvu yakaka:
1. Tanga Yeremiya 1:1-8.
(a) Nze una usonganga nona kia Yeremiya, nki kifwanisanga o muntu muna salu kia Yave? (2 Kor. 3:5, 6)
(b) E mbandu a Yeremiya nkia lukasakeso ivananga kwa aleke Akristu o unu? (Kim. 12:1; 1 Tim. 4:12)
2. Tanga Yeremiya 10:1-5.
Nkia nona kiamfunu kasadila o Yeremiya mu songa vo bunda e vuvu muna teke i mpavala kwandi? (Yer. 10:5; Yes. 46:7; Kab. 2:19)
3. Tanga Yeremiya 26:1-16.
(a) Akristu akuswa o unu aweyi belemvokelanga nkanikinu mia Yave kwa Yeremiya mia lembi ‘kondesa diambu’ muna lulukisu bevananga kwa wantu? (Yer. 26:2; Nsi. 4:2; Mav. 20:27)
(b) O Yeremiya nkia mbandu ambote kavana kwa Mbangi za Yave mu samuna lulukisu lwa Yave kw’esi zula? (Yer. 26:8, 12, 14, 15; 2 Tim. 4:1-5)
4. Tanga 2 Ntinu 24:1-17.
O kondwa kwa kwikizi kwa Yuda muna Yave nkia mfwilu kwatwasa? (2 Nti. 24:2-4, 14)
Lusansu lwa 75
1. O matoko maya bena muna fwaniswa aki nani? Ekuma benena kuna Babele?
2. O Nebukandesa adieyi kazola mu kuma kia matoko mama? Nkia nkanikinu kavana kwa ntaudi zandi?
3. O Daniele nkia madia ye ndua kalomba?
4. Aweyi yakala e mpw’a Daniele ye akundi andi atatu vava badia nkovi mu lumbu kumi?
5. O Daniele ye akundi andi atatu aweyi bayenda kadila muna lumbu lwa ntinu? Nkia mpila basundila anganga ye akwa ngangu a ntinu?
Yuvu yakaka:
1. Tanga Daniele 1:1-21.
(a) Nkia ngolo tufwete vanga muna sunda o lutonto ye lutovoko? (Dan.1:8; Tuk. 39:7, 10; Ngal. 6:9)
(b) Aweyi aleke o unu balenda vukumwinwa mu kuyisafwila mu lekwa ya nza? (Dan. 1:8; Nga. 20:1; 2 Kor. 6:17–7:1)
(c) O lusansu lwa matoko maya ma Ayibere aweyi lukutusadisila mu yangalelang’o tanga muna sikola? (Dan. 1:20; Yes. 54:13; 1 Kor. 3:18-20)
Lusansu lwa 76
1. Adieyi dibwilanga Yerusaleme ye Aneyisaele muna fwaniswa?
2. Nani i Yezekele? O Yave nkia mambu mangemi kansonga?
3. O Yave nkia lulukisu kavana kwa nkangu?
4. O Nebukandesa wa Ntinu adieyi kavanga vava Aneyisaele bankolamena?
5. Ekuma Yave kayambulwila mpasi zazi zabwila Aneyisaele?
6. Aweyi e nsi a Isaele yasadila e nkatu, mvu kwa?
Yuvu yakaka:
1. Tanga 2 Ntinu 25:1-26.
(a) O Sedekeya nani kakala? Adieyi diambwila? Ediadi aweyi dialungisila ungunza wa Nkand’a Nzambi? (2 Nti. 25:5-7; Yez. 12:13-15)
(b) O Yave kw’aki nani kayekeka e mbebe ya kondwa kwa kwikizi kiawonso muna Isaele? (2 Nti. 25:9, 11, 12, 18, 19; 2 Tus. 36:14, 17)
2. Tanga Yezekele 8:1-18.
Kikristu kia Kimpangila aweyi kitangininanga asambidi a ntangw’a Aneyisaele avengomoki? (Yez. 8:16; Yes. 5:20, 21; Yoa. 3:19-21; 2 Tim. 4:3)
Lusansu lwa 77
1. Nebukandesa wa ntinu a Babele nkia nkanikinu kavana kwa nkangu?
2. Akundi tatu a Daniele ekuma ke bafukamena e teke kia wolo ko?
3. Matoko ma Ayibere aweyi basongela e vuvu kiau kwa Yave vava Nebukandesa kabavana elau diansuka dia fukamena teke?
4. O Nebukandesa adieyi kakanikina ntaudi zandi bavanga kwa Saderake, Misake ye Abedengo?
5. O Nebukandesa nki kamona vava katala mun’esoka dia tiya?
6. Ekuma o ntinu kakembelela Nzambi a Saderake, Misake ye Abedengo? Nkia mbandu batuvene?
Yuvu yakaka:
1. Tanga Daniele 3:1-30.
(a) Nkia fu kia Matoko ma Ayibere bafwete tanginina asadi awonso a Nzambi vava lukwikilu lwau lutontwanga? (Dan. 3:17, 18; Mat. 10:28; Roma 14:7, 8)
(b) O Yave wa Nzambi nki’elongi diamfunu kalonga kwa Nebukandesa? (Dan. 3:28, 29; 4:34, 35)
Lusansu lwa 78
1. Adieyi diabwa vava ntinu a Babele kalambisa elambu diampwena yo sadila malonga ye mbungwa za wolo zabongwa muna tempelo a Yave kuna Yerusaleme?
2. O Belesasa adieyi kavovesa kw’akwa ngangu andi? Nga balenda wo vanga?
3. O ngudi a ntinu adieyi kamvovesa?
4. Ekuma Nzambi kasindikila nlembo mia koko mu soneka muna yaka?
5. O Daniele nkia nsasa kavana muna sono yasonama muna yaka?
6. Adieyi diabwa ekolo Daniele kasasilanga yo?
Yuvu yakaka:
1. Tanga Daniele 5:1-31.
(a) Yika e nswaswani ina muna vumi wa Nzambi ye wonga kamona Belesasa vava kamona nlembo wasonekanga muna yaka. (Dan. 5:6, 7; Nku. 19:9; Roma 8:35-39)
(b) O Daniele aweyi kasongela unkabu vava kasasilanga e sono kwa Belesasa ye kwa wantu andi? (Dan. 5:17, 18, 22, 26-28; Mav. 4:29)
(c) Kapu kia 5 kia Daniele aweyi kitoma songelanga kimfumu kia Yave kia nz’amvimba? (Dan. 4:17, 25; 5:21)
Lusansu lwa 79
1. Nani i Dareyuse? Aweyi kabadikilanga Daniele?
2. Akwa kimpala adieyi bafila Dareyuse mu vanga?
3. O Daniele adieyi kavanga vava kazaya o nsiku wau wampa?
4. Ekuma Dareyuse katokanena kikilu yo lembi mona tulu? Adieyi kavanga muna mene-mene?
5. O Daniele aweyi kavutula kwa Dareyuse?
6. Adieyi diabwila wantu ambi ana bavava vonda Daniele? O Dareyuse adieyi kasoneka kuna kwa nkangu wawonso wa kintinu kiandi?
Yuvu yakaka:
1. Tanga Daniele 6:1-28.
(a) Mana mabwila Daniele adieyi mekutusungamesanga mana bevanganga atantu mu ningamesa e salu kia Yave mu tandu kieto? (Dan. 6:7; Nku. 94:20; Yes. 10:1; Roma 8:31)
(b) E selo ya Nzambi o unu aweyi balenda tanginina Daniele muna sakalelanga ‘ayadi’? (Dan. 6:5, 10; Roma 13:1; Mav. 5:29)
(c) Aweyi tulenda tanginina mbandu a Daniele muna ‘kwamanana sadila’ Yave? (Dan. 6:16, 20; Fili. 3:16; Lus. 7:15)
Lusansu lwa 80
Nkangu a Nzambi Uvaikidi Muna Babele
1. Nze una usongwanga muna fwanisa, adieyi bevanganga Aneyisaele?
2. Nkia mpila Kurese kalungisila mvovo mia Yave muna Yesaya wa ngunza?
3. O Kurese adieyi kavovesa kw’awana ke balenda vutuka ko kuna Yerusaleme?
4. O Kurese nki kavana kwa nkangu mu nata kuna Yerusaleme?
5. Vioka ngonde kwa Aneyisaele baluaka kuna Yerusaleme?
6. Mvu kwa miavioka tuka kiafwasilwa e mbanza yo lembi kalwa kwa wantu?
Yuvu yakaka:
1. Tanga Yesaya 44:28 ye 45:1-4.
(a) O Yave aweyi kasongela eziku vo ungunza mu kuma kia Kurese ulungana kieleka? (Yes. 55:10, 11; Roma 4:17)
(b) Ungunza wa Yesaya mu kuma kia Kurese, adieyi usonganga mu kuma kia nkuma a Yave wa Nzambi wa zayisa mambu ma kusentu? (Yes. 42:9; 45:21; 46:10, 11; 2 Pet. 1:20)
2. Tanga Ezera 1:1-11.
Aweyi tulenda tanginina mbandu y’awana ke bavutuka ko kuna Yerusaleme mu ‘kumikanga o moko’ m’awana bekotanga mu salu kia ntangwa ke ntangwa o unu? (Eze. 1:4, 6; Roma 12:13; Kol. 4:12)
Lusansu lwa 81
Basia e Vuvu Muna Lusadisu lwa Nzambi
1. Wantu kwa bavanga nkangalu anda mu vutuka kuna Yerusaleme? Nkia mpila bawana Yerusaleme vava balwaka?
2. Nkia lekwa kiantete batunga Aneyisaele vava balwaka? Adieyi bavanga atantu au?
3. Nani i Kangai ye Zakariya ye adieyi bavova kwa nkangu?
4. Ekuma Tatenai kasonekena nkanda kuna Babele? Nkia mvutu kavewa?
5. O Ezera adieyi kavanga vava kawa vo e tempelo a Nzambi sikidiswa ivava?
6. Nze una omwene muna fwaniswa, Ezera nki kelombanga muna sambu? Nkia mvutu katambula? Adieyi ditulongele ediadi?
Yuvu yakaka:
1. Tanga Ezera 3:1-13.
Adieyi tufwete kwamanan’o vanga kele vo muna zunga tuna ke muna nkutakani ko? (Eze. 3:3, 6; Mav. 17:16, 17; Ayib. 13:15)
2. Tanga Ezera 4:1-7.
O Zerubabele nkia mbandu kasonga kwa nkangu a Yave mu kuma kia lungana vamosi mu sambu ye nsambila zakaka? (Luv. 34:12; 1 Kor. 15:33; 2 Kor. 6:14-17)
3. Tanga Ezera 5:1-5, 17 ye 6:1-22.
(a) Ekuma atantu ke balenda ningamesena ko e salu kia tunga tempelo? (Eze. 5:5; Yes. 54:17)
(b) Ambuta za Ayuda aweyi basongela mbandu kwa akuluntu Akristu a unu mu vava luludiku lwa Yave vava besiwang’e kitantu? (Eze. 6:14; Nku. 32:8; Roma 8:31; Yak. 1:5)
4. Tanga Ezera 8:21-23, 28-36.
Nkia mbandu a Ezera tufwete tangininanga una ketuyantikidi ko vanga konso diambu? (Eze. 8:23; Nku. 127:1; Nga. 10:22; Yak. 4:13-15)
Lusansu lwa 82
1. Nani i Modekai yo Esete?
2. Ekuma Akasurose wa Ntinu kavavila sompa nkento akaka? Nkia nkento kasola?
3. Nani i Amani? Ekuma kafungila makasi?
4. Nkia nkanikinu kasia? O Esete adieyi kavanga vava kawa e nsangu zatuka kwa Modekai?
5. Adieyi diabwila Amani yo Modekai?
6. O Aneyisaele aweyi bavuluzilwa vana moko m’atantu au?
Yuvu yakaka:
1. Tanga Esete 2:12-18.
O Esete aweyi kasongela o mfunu wa “ntim’anleka, yo lembama”? (Ese. 2:15; 1 Pet. 3:1-5)
2. Tanga Esete 4:1-17.
Nze Esete nki’elau tuvewanga o unu mu songa vumi ye kwikizi kieto kwa Yave? (Ese. 4:13, 14; Mat. 5:14-16; 24:14)
3. Tanga Esete 7:1-6.
Aweyi e selo ya Nzambi o unu besilanga mioyo miau vana moko nze una wavanga Esete? (Ese. 7:4; Mat. 10:16-22; 1 Pet. 2:12)
Lusansu lwa 83
1. Aneyisaele aweyi bamonanga mu zingila mu mbanz’a Yerusaleme yakondwa yaka?
2. Nani i Nekemiya?
3. Nkia salu kasalanga o Nekemiya? Ekuma kiakadila kiamfunu?
4. Nkia nsangu zakendeleka Nekemiya? Adieyi kavanga?
5. O Antakesate wa Ntinu aweyi kasongela Nekemiya e ngemba?
6. O Nekemiya adieyi kavanga kimana atantu a Isaele balembi ningamesa e salu kia tempelo?
Yuvu yakaka:
1. Tanga Nekemiya 1:4-6 ye 2:1-20.
O Nekemiya aweyi kavavila luludiku lwa Yave? (Nek. 2:4, 5; Roma 12:12; 1 Pet. 4:7)
2. Tanga Nekemiya 3:3-5.
Adieyi bafwete longoka akuluntu ye selo ya salu mu nswaswani yakala vana vena esi Tekoa ye “azitu” au? (Nek. 3:5, 27; 2 Tes. 3:7-10; 1 Pet. 5:5)
3. Tanga Nekemiya 4:1-23.
(a) Nki kiafila Aneyisaele mu kwamanan’o tunga kanele vo basiwa e kitantu? (Nek. 4:6, 8, 9; Nku. 50:15; Yes. 65:13, 14)
(b) Mbandu ya Aneyisaele nkia mpila ikutukasakeselanga o unu?
4. Tanga Nekemiya 6:15.
E yaka ya Yerusaleme yafokolwa tungwa mu ngonde zole. Ediadi aweyi disongelanga o mfunu wa kala yo lukwikilu? (Nku. 56:3, 4; Mat. 17:20; 19:26)
Lusansu lwa 84
1. Nani i nkento una muna fwaniswa?
2. O Ngambiele adieyi kavovesa Maria?
3. O Ngambiele aweyi kazayisila Maria vo mwana kewuta kana una vo kakizayila yakala ko?
4. Adieyi diabwa vava Maria kakingula Elisabete?
5. O Yosefe adieyi kakana o vanga vava kazaya vo o Maria mu vumu kena? Ekuma kasobela e ngindu?
Yuvu yakaka:
1. Tanga Luka 1:26-56.
(a) Esono kia Luka 1:35 aweyi kisongelanga vo o Mwan’a Nzambi kasambukila usumuki wa Adami ko vava moyo andi wafilwa muna vumu kia Maria? (Kan. 2:11-13; Yoa. 6:69; Ayib. 7:26; 10:5)
(b) O Yesu aweyi katambulwila o zitu una kawutukidi ko? (Luka 1:41-43)
(c) O Maria nkia mbandu ambote kesonganga kwa Akristu ana bevewanga e mbebe ya salu? (Luka 1:38, 46-49; 17:10; Nga. 11:2)
2. Tanga Matai 1:18-25.
Kana una vo o Yesu kayikilwanga mu nkumbu Imanuele ko, aweyi kalungisila e nsasa nkumbu yayi muna zingu kiandi kia kimuntu? (Mat. 1:22, 23; Yoa. 14:8-10; Ayib. 1:1-3)
Lusansu lwa 85
Yesu Owutukidi Muna Mpak’a Twelezi
1. Nani i nsedia muna fwaniswa? O Maria aveyi kanlekesa?
2. O Yesu nkia kuma kawutukila mu mpak’a twelezi?
3. Muna fwaniswa, aki nani bekotanga muna mpak’a twelezi? O mbasi adieyi kabavovesa?
4. Ekuma o Yesu kenena muntu ampwena?
5. Ekuma o Yesu keyikilwanga vo Mwan’a Nzambi?
Yuvu yakaka:
1. Tanga Luka 2:1-20.
(a) O Kaisa Auguseto aweyi kasadisila muna ndungana ya ungunza wa ngutuk’a Yesu? (Luka 2:1-4; Mika 5:2)
(b) O muntu aweyi kalenda kitukila mosi muna awana beyikilwanga vo “wantu akw’edienga”? (Luka 2:14; Mat. 16:24; Yoa. 17:3; Mav. 3:19; Ayib. 11:6)
(c) Avo avungudi a mameme esi Yuda bayangalela e ngutuk’a Mvuluzi, nkia kuma kiampwena bavwidi selo ya Yave mu yangalalanga o unu? (Luka 2:10, 11; Ef. 3:8, 9; Lus. 11:15; 14:6)
Lusansu lwa 86
1. O wantu bena muna fwaniswa aki nani? Ekuma mosi mu yau kesongelanga ntetembwa o nlembo?
2. O Erodi wa Ntinu nkia kuma kafungila makasi? Adieyi kavanga?
3. E ntetembwa akweyi yafila o wantu? Ekuma bavutukila nzil’akaka kuna nsi au?
4. O Erodi nkia nkanikinu kasia, ekuma?
5. O Yave adieyi kavovesa Yosefe kavanga?
6. Nani watemesa e ntetembwa yayina yampa, ekuma?
Yuvu yakaka:
1. Tanga Matai 2:1-23.
Mvu kwa kakala o Yesu? Akweyi kazingilanga vava kakingulwa kw’afimpi a ntetembwa? (Mat. 2:1, 11, 16)
Lusansu lwa 87
1. O Yesu mvu kwa kena miau muna fwaniswa kiaki? Akweyi kena?
2. O Yosefe adieyi kavanganga y’esi nzo andi konso mvu?
3. Vava bakangala lumbu kia mvimba mu vutuka kuna Nazarete, ekuma o Yosefe yo Maria bavutukila kuna Yerusaleme?
4. O Yosefe yo Maria akweyi basololwela Yesu? Ekuma wantu basivikilanga?
5. O Yesu adieyi kavovesa ngw’andi Maria?
6. Aweyi tulenda tanginina Yesu muna longoka oma ma Nzambi?
Yuvu yakaka:
1. Tanga Luka 2:41-52.
(a) Kana una vo o Nsiku akala kaka wayikanga vo bafwete kwendanga kun’elambu dia nduta konso mvu, o Yosefe yo Maria nkia mbandu ambote besonganga kwa mase o unu? (Luka 2:41; Nsi. 16:16; 31:12; Nga. 22:6)
(b) O Yesu nkia mbandu ambote kasisa kw’aleke ya lemvokelanga mase mau? (Luka 2:51; Nsi. 5:16; Nga. 23:22; Kol. 3:20)
2. Tanga Matai 13:53-56.
Aki nani abunzi ayá a Yesu beyikwanga muna Nkand’a Nzambi? Nwole muna yau aweyi basadilwa muna nkutakani ya Kikristu? (Mat. 13:55; Mav. 12:17; 15:6, 13; 21:18; Ngal. 1:19; Yak. 1:1; Yuda 1)
Lusansu lwa 88
1. O wantu wole awaya bena muna fwaniswa aki nani?
2. Nani ovubilu?
3. O Yoane aki nani kavubanga?
4. O Yesu nkia kuma kalombela kwa Yoane kamvuba?
5. O Nzambi adieyi kavanga muna songa vo watonda luvubu lwa Yesu?
6. Adieyi diabwa vava Yesu kayenda kuna fulu kia yandi kaka mu lumbu 40?
7. Aki nani i alongoki antete a Yesu? Nkia sivi diantete kavanga o Yesu?
Yuvu yakaka:
1. Tanga Matai 3:13-17.
O Yesu nkia mbandu kasisa ya luvubu lwa alongoki andi? (Nku. 40:7, 8; Mat. 28:19, 20; Luka 3:21, 22)
2. Tanga Matai 4:1-11.
E mpila Yesu kasadilang’e Sono aweyi yikutukasakeselanga mu longokanga Nkand’a Nzambi ntangwa zawonso? (Mat. 4:5-7; 2 Pet. 3:17, 18; 1 Yoa. 4:1)
3. Tanga Yoane 1:29-51.
O Yoane wa Mvubi kwa nani kafila alongoki andi? Aweyi tulenda kuntanginina o unu? (Yoa. 1:29, 35, 36; 3:30; Mat. 23:10)
4. Tanga Yoane 2:1-12.
Esivi diantete dia Yesu aweyi disongelanga vo Yave keyiminanga wete ko kwa selo Yandi? (Yoa. 2:9, 10; Nku. 84:11; Yak. 1:17)
Lusansu lwa 89
1. Ebulu nkia kuma yatekelwanga muna Tempelo?
2. Adieyi diafungisa Yesu makasi?
3. Nze una omwene muna fwaniswa, adieyi kavanga Yesu? Nkia nkanikinu kavana kw’awana batekanga mayembe?
4. Vava alongoki bamona dina kavanga o Yesu, adieyi basungamena?
5. Nkia zunga kaviokela Yesu muna mvutuk’andi kuna Ngalili?
Yuvu yakaka:
1. Tanga Yoane 2:13-25.
Muna yindulanga lukendalalu lwa Yesu mu kuma kia mimbudianzimbu muna tempelo, aweyi tufwete badikilanga omokena mambu ma kinkita mun’Eseka dia Kintinu? (Yoa. 2:15, 16; 1 Kor. 10:24, 31-33)
Lusansu lwa 90
Yesu yo Nkento Vana Sima kia Maza
1. Ekuma Yesu kaningamena vana sima kia maza kuna Samaria? Adieyi kevovanga kwa nkento ndioyo?
2. O nkento nkia kuma kasivikila? O Yesu adieyi kamvovesa, ekuma?
3. O nkento nkia mpila maza kayindula kayikanga o Yesu? O Yesu nkia maza kayika?
4. Ekuma o nkento kasivikila mu mana kazaya Yesu mu kuma kiandi? Aweyi kazayila mo?
5. Adieyi tulenda longoka muna oma ma nkento vana sima kia maza?
Yuvu yakaka:
1. Tanga Yoane 4:5-43.
(a) Muna landa mbandu a Yesu, aweyi tufwete badikilanga wantu a makanda makaka ye wantu a mpila zawonso? (Yoa. 4:9; 1 Kor. 9:22; 1 Tim. 2:3, 4; Tito 2:11)
(b) Nkia nsambu za mwanda ketambulanga o muntu avo okitukidi se nlongoki a Yesu? (Yoa. 4:14; Yes. 58:11; 2 Kor. 4:16)
(c) Aweyi tulenda songela luyangalalu nze luna kasonga nkento wa mwisi Samaria muna samuna mana kalongoka? (Yoa. 4:7, 28; Mat. 6:33; Luka 10:40-42)
Lusansu lwa 91
1. Muna fwaniswa o Yesu akweyi kelongelanga? Aki nani bavwende vana ndambu andi?
2. Azeyi i nkumbu z’antumwa 12?
3. Nkia Kintinu kalonganga Yesu?
4. O Yesu nkia sambu kalonga kwa wantu?
5. O Yesu aweyi kalonga kwa wantu una bafwete kadilanga muntu yo nkw’andi?
Yuvu yakaka:
1. Tanga Matai 5:1-12.
Nkia mpila tulenda songela vo tuna ye nsatu za kimwanda? (Mat. 5:3; Roma 10:13-15; 1 Tim. 4:13, 15, 16)
2. Tanga Matai 5:21-26.
Esono kia Matai 5:23, 24 aweyi kisongelanga vo e ngwizani ambote ye mpangi zeto isonganga ngwizani eto yo Yave? (Mat. 6:14, 15; Nku. 133:1; Kol. 3:13; 1 Yoa. 4:20)
3. Tanga Matai 6:1-8.
Nkia lusanu bafwete venga Akristu? (Luka 18:11, 12; 1 Kor. 4:6, 7; 2 Kor. 9:7)
4. Tanga Matai 6:25-34.
O Yesu adieyi kalonga mu kuma kia mfunu a bundanga Yave e vuvu muna kuma kia zingu kieto? (Luv. 16:4; Nku. 37:25; Fili. 4:6)
5. Tanga Matai 7:1-11.
E kingana kina muna Matai 7:5 adieyi kikutulonganga? (Nga. 26:12; Roma 2:1; 14:10; Yak. 4:11, 12)
Lusansu lwa 92
1. Nani i se dia dumbelele kina muna fwaniswa? Oyandi yo nkaz’andi ekuma batokanena?
2. O Yairo adieyi kavanga vava kasolola Yesu?
3. Adieyi diabwa vava Yesu kayendanga kuna nzo a Yairo? O Yairo nkia nsangu katambula muna nzila?
4. O wantu muna nzo a Yairo ekuma basevela Yesu?
5. Vava kanata alongoki atatu, se ye ngudi muna suku dia dumbelele, o Yesu adieyi kavanga?
6. O Yesu nani diaka kafula muna mafwa? Ediadi aweyi disonganga?
Yuvu yakaka:
1. Tanga Luka 8:40-56.
O Yesu aweyi kasongela nkenda ye ntim’anleka kwa nkento wavaikanga menga? Akuluntu adieyi balenda longoka muna diadi o unu? (Luka 8:43, 44, 47, 48; Fuka 15:25-27; Mat. 9:12, 13; Kol. 3:12-14)
2. Tanga Luka 7:11-17.
Awana bafwilwa azodi au aweyi balenda fiaulwisilwa muna mvutu kavana Yesu kwa nkento ansona wa mwisi Naini? (Luka 7:13; 2 Kor. 1:3, 4; Ayib. 4:15)
3. Tanga Yoane 11:17-44.
O Yesu aweyi kasongela vo o dila ke diambi kwandi ko kele vo ofwidilu nzolwa? (Yoa. 11:33-36, 38; 2 Sam. 18:33; 19:1-4)
Lusansu lwa 93
1. Nkia diambu diabwila Yoane wa Mvubi? O Yesu aweyi kamona?
2. O Yesu aweyi kadikila ndonga ina yanlandanga? Mbangu kwa za madia za sala?
3. Ekuma alongoki bamwena wonga muna fuku? Adieyi diabwila Petelo?
4. Aweyi Yesu kadikila mazunda ma wantu mu nkumbu ezole?
5. Ekuma dikadila diambote vava Yesu keyala ova ntoto nze Ntinu a Nzambi?
Yuvu yakaka:
1. Tanga Matai 14:1-32.
(a) E nsangu zina muna Matai 14:23-32 aweyi zikieseselanga kiwuntu kia Petelo?
(b) O Nkand’a Nzambi aweyi usongelanga lunungunuku lwa Petelo? Nkia mpila kasundila e fu kia vova lembi yindula? (Mat. 14:27-30; Yoa. 18:10; 21:7; Mav. 2:14, 37-40; 1 Pet. 5:6, 10)
2. Tanga Matai 15:29-38.
O Yesu aweyi kazitisila e nkubik’a madia kavanga o S’andi? (Mat. 15:37; Yoa. 6:12; Kol. 3:15)
3. Tanga Yoane 6:1-21.
Akristu aweyi balenda tanginina mbandu a Yesu ya zitisa ayadi? (Yoa. 6:15; Mat. 22:21; Roma 12:2; 13:1-4)
Lusansu lwa 94
1. Ekuma antumwa batantanena muna nzila vava bavutuka muna nkangalu au?
2. Ekuma o Yesu kabongela kingyana-ngyana yo sia kio vana kati kw’antumwa?
3. Nkia mpila antumwa bafwana longokela o kala nze kingyana-ngyana?
4. Vioka ngonde zakete, o Yesu aweyi kasongela vo wazolanga yingyana-ngyana?
Yuvu yakaka:
1. Tanga Matai 18:1-4.
Ekuma Yesu kasadilanga yingana vava kalonganga? (Mat. 13:34, 36; Maku 4:33, 34)
2. Tanga Matai 19:13-15.
Nkia fu kia yingyana-ngyana tufwete tanginina avo tuzolele tambula nsambu za Kintinu? (Nku. 25:9; 138:6; 1 Kor. 14:20)
3. Tanga Maku 9:33-37.
O Yesu adieyi kalonga alongoki andi mu kuma kia luzolo lu’etunda? (Maku 9:35; Mat. 20:25, 26; Ngal. 6:3; Fili. 2:5-8)
4. Tanga Maku 10:13-16.
O Yesu aweyi kasongelanga ntima nleka? Akuluntu aweyi balenda tanginina mbandu andi? (Maku 6:30-34; Fili. 2:1-4; 1 Tim. 4:12)
Lusansu lwa 95
1. Adieyi kiayuvula muntu kwa Yesu, ekuma?
2. Ezak’e ntangwa o Yesu nki kasadilanga muna longa wantu? Adieyi tulongokele mu kuma kia Ayuda y’esi Samaria?
3. Muna kingana kata Yesu, adieyi diabwila Nyuda muna nzil’a Yeriko?
4. Adieyi bavanga nganga yo Nlevi vava baviokela muna nzila yayina?
5. Muna fwaniswa nani osadisanga Nyuda walwala?
6. Vava Yesu kamana yika kingana, nkia kiuvu kayuvula? Nkia mvutu kavana o muntu ndioyo?
Yuvu yakaka:
1. Tanga Luka 10:25:37.
(a) Vana fulu kia kumvana mvutu vana vau, o Yesu aweyi kasadisila ngang’a Nsiku kabadika e diambu? (Luka 10:26; Mat. 16:13-16)
(b) O Yesu aweyi kasadila yingana mu fila awana kalonganga bayambula ngindu zalembi songa mu kuma ki’akaka? (Luka 10:36, 37; 18:9-14; Tito 1:9)
Lusansu lwa 96
1. O Yesu adieyi kavanga vava kakala ova ntoto?
2. Vioka mvu ntatu tuka kavubilwa o Yesu, adieyi kavova kw’alongoki andi?
3. Aki nani bena muna fwaniswa kiaki? O Yesu adieyi kavanga kwa nkento?
4. E mvutu za Yesu ekuma zafusulwisila ambuta za nganga e soni?
5. Vava Yesu ye alongoki andi bafinama muna Yeriko, adieyi kavanga kwa mpofo zole za avingi?
6. Ekuma Yesu kavangila masivi?
Yuvu yakaka:
1. Tanga Matai 15:30, 31.
Nkia nkum’a Yave umonekanga muna Yesu? Aweyi ufwene kutubakulwisa e nsilu a Yave wa nz’ampa? (Nku. 37:29; Yes. 33:24)
2. Tanga Luka 13:10-17.
O masivi makaka kavanga Yesu muna Lumbu kia Vundu aweyi mesongelanga luvevoko ketwasa kwa wantu muna Luyalu lwandi lwa Zunda dia Mvu? (Luka 13:10-13; Nku. 46:9; Mat. 12:8; Kol. 2:16, 17; Lus. 21:1-4)
3. Tanga Matai 20:29:34.
Omama mawonso aweyi mesongelanga vo kevakala salu ko kiasimanga Yesu mu sadisa wantu? Adieyi tulenda longoka muna tezo kiaki? (Nsi. 15:7; Yak. 2:15, 16; 1 Yoa. 3:17)
Lusansu lwa 97
1. Vava Yesu kalwaka muna mpata-vata yafinama Yerusaleme, adieyi katuma alongoki andi bavanga?
2. Muna fwaniswa, adieyi diabwa vava Yesu kafinama muna mbanza Yerusaleme?
3. E yingyana-ngyana adieyi bavanga vava bamona Yesu wawuka mpofo ye avanguki?
4. O Yesu adieyi kavovesa kw’anganga ana bafunga makasi?
5. Aweyi tulenda tanginina yingyana-ngyana basanisinanga Yesu?
6. Alongoki adieyi bazola zaya?
Yuvu yakaka:
1. Tanga Matai 21:1-17.
(a) O Yesu aweyi kakotela muna Yerusaleme nze Ntinu? Aweyi diaswaswanena ye mfumu za makesa ma Roma? (Mat. 21:4, 5; Zak. 9:9; Fili. 2:5-8; Kol. 2:15)
(b) Aleke nki’elongi balenda longoka kwa yindende ya Isaele bayikanga oma mena muna Nkunga 118 vava Yesu kakota muna tempelo? (Mat. 21:9, 15; Nku. 118:25, 26; 2 Tim. 3:15; 2 Pet. 3:18)
2. Tanga Yoane 12:12-16.
E ndala basadila nkangu mu kembelela Yesu nki zisonganga? (Yoa. 12:13; Fili. 2:10; Lus. 7:9, 10)
Lusansu lwa 98
1. Muna fwaniswa, o Yesu andieyi? Aki nani bena yandi?
2. Anganga adieyi bavav’o vanga Yesu muna tempelo? Adieyi kabavovesa?
3. Alongoki adieyi bayuvula kwa Yesu?
4. O Yesu nkia kuma kazaisila alongoki andi mambu mevangama ova ntoto vava keyala nze Ntinu kun’ezulu?
5. Ameyi kayika Yesu mebwa una kasukisi ko mambi mawonso ova ntoto? Nkia mambu mevangama ntete kayika o Yesu?
Yuvu yakaka:
1. Tanga Matai 23:1-39.
(a) Kana una vo Nkand’a Nzambi usonganga vo ke vena kwandi diambu ko osadila nkumbu besadilanga wantu a nza, e mvovo mia Yesu muna Matai 23:8-11 adieyi misonganga kwa esi nkutakani ya Kikristu? (Mav. 26:25; Roma 13:7; 1 Pet. 2:13, 14)
(b) Afarisi adieyi bavanganga muna teza vengomona wantu balembi kituka Akristu? Afidi a mabundu aweyi besadilanga ntambu wau mu vukumuna wantu o unu? (Mat. 23:13; Luka 11:52; Yoa. 9:22; 12:42; 1 Tes. 2:16)
2. Tanga Matai 24:1-14.
(a) O mfunu a luzindalalu aweyi usongelwanga muna Matai 24:13?
(b) E mvovo wau “mbaninu” una muna Matai 24:13 nkia nsasa una? (Mat. 16:27; Roma 14:10-12; 2 Kor. 5:10)
3. Tanga Maku 13:3-10.
Nkia mvovo una muna Maku 13:10 usonganga mfunu wa samuna nsangu zambote mu nzaki? E mvovo mia Yesu adieyi mifwete vanga kwa yeto? (Roma 13:11, 12; 1 Kor. 7:29-31; 2 Tim. 4:2)
Lusansu lwa 99
1. Ekuma Yesu ye alongoki andi benena mun’esuku diantandu, nze una usongwanga muna fwaniswa?
2. Nani ndiona ovaikidi? Adieyi kele vanga?
3. Vava bamana dia Nduta o Yesu nki’elambu diamfunu kayantika?
4. Nkia diambu basungamenanga Aneyisaele vava badianga Nduta? O nlekelo a mfumu nkia diambu usungamesanga alongoki a Yesu?
5. Vava bamana dia Nlekelo a Mfumu, o Yesu adieyi kavovesa alongoki andi? Adieyi bavanga?
Yuvu yakaka:
1. Matai 26:14-30.
(a) Dina tutanganga muna Matai 26:15 aweyi disongelanga vo Yuda mu lukanu kayekolwela Yesu?
(b) Nkia kuma yole yamfunu mabungukila menga ma Yesu? (Mat. 26:27, 28; Yer. 31:31-33; Ef. 1:7; Ayib. 9:19, 20)
2. Tanga Luka 22:1-39.
O Satana aweyi kakotela muna Yuda? (Luka 22:3; Yoa. 13:2; Mav. 1:24, 25)
3. Tanga Yoane 13:1-20.
(a) Mun’owu tutanganga muna Yoane 13:2, nga Yuda wafwana tumbwa mu dina kavanga? Nki’elongi balenda longoka Selo ya Nzambi mu diambu diadi? (Tuk. 4:7; 2 Kor. 2:11; Ngal. 6:1; Yak. 1:13, 14)
(b) Nki’elongi diamfunu kalonga Yesu? (Yoa. 13:15; Mat. 23:11; 1 Pet. 2:21)
4. Tanga Yoane 17:1-26.
O Yesu nkia nsasa kalombela muna sambu vo alongoki andi “bakal’amosi”? (Yoa. 17:11, 21-23; Roma 13:8; 14:19; Kol. 3:14)
Lusansu lwa 100
1. Akweyi bayenda o Yesu ye alongoki andi vava bavaika mun’esuku diantandu? Adieyi kabavovesa?
2. O Yesu vava kavutuka vana vasala alongoki andi aweyi kabawana? Ediadi nkumbu kwa diabwa?
3. Aki nani bakota muna mpatu? Nze una usongwanga muna fwaniswa o Yuda mwisi Kereote adieyi kavanga?
4. Ekuma o Yuda kafibila Yesu? O Petelo adieyi kavanga?
5. O Yesu aweyi kavovesa Petelo? Kansi ekuma Yesu kalembi lombela Nzambi katuma mbasi muna kunwanina?
Yuvu yakaka:
1. Tanga Matai 26:36-56.
(a) E mpila Yesu kalongelanga alongoki andi aweyi yinina se mbandu ambote kw’akuluntu a Akristu o unu? (Mat. 20:25-28; 26:40, 41; Ngal. 5:17; Ef. 4:29, 31, 32)
(b) O Yesu aweyi kabadikilanga osadila nsosolo ye nkele mu nwana ye akaka wantu? (Mat. 26:52; Luka 6:27, 28; Yoa. 18:36)
2. Tanga Luka 22:39-53.
Vava mbasi kamoneka kwa Yesu muna kunkumika muna mpatu a Ngetesemane, nga disonganga vo lukwikilu lwa Yesu lwayoya? Sasila dio. (Luka 22:41-43; Yes. 49:8; Mat. 4:10, 11; Ayib. 5:7)
3. Tanga Yoane 18:1-12.
O Yesu aweyi katanina alongoki andi kuna kw’atantu andi? Adieyi tulenda longoka muna nona kiaki? (Yoa. 10:11, 12; 18:1, 6-9; Ayib. 13:6; Yak. 2:25)
Lusansu lwa 101
1. Nani i nkwa mbebe muna lufwa lwa Yesu?
2. Antumwa adieyi bavanga vava Yesu kanatwa kw’ambuta za nganga?
3. Adieyi diabwa kuna nzo a Kayafa wa ngang’ambuta?
4. Ekuma Petelo kakatukila vana bakala yo bokomoka ye dilu?
5. Vava Yesu kavutulwa kwa Pilato, ekuma mbuta za nganga bakazila?
6. Adieyi diabwila Yesu kina Kietanu ku masika? Nkia nsilu kasila kwa kimpumbulu wakomwa yandi kumosi?
7. Akweyi ikala Paradiso ina kayika o Yesu?
Yuvu yakaka:
1. Tanga Matai 26:57-75.
Ambanda-banda z’Ayuda aweyi basongela vo ntima miau miambi? (Mat. 26:59, 67, 68)
2. Tanga Matai 27:1-50.
Ekuma tulenda vovela vo o luviluku lwa ntima kasonga Yuda ke lwakieleka ko? (Mat. 27:3, 4; Maku 3:29; 14:21; 2 Kor. 7:10, 11)
3. Tanga Luka 22:54:71.
Adieyi tulenda longoka mu nkalu kavanina Yesu o Petelo muna fuku una kayekolwa? (Luka 22:60-62; Mat. 26:31-35; 1 Kor. 10:12)
4. Tanga Luka 23:1-49.
O Yesu adieyi kavanga muna mbi ina kavangwa? Adieyi tulenda longoka muna diadi? (Luka 23:33, 34; Roma 12:17-19; 1 Pet. 2:23)
5. Tanga Yoane 18:12-40.
Kana una vo Petelo wabwa mu kuma kia wonga, adieyi disonganga vo wasikila diaka muna salu kia kintumwa? (Yoa. 18:25-27; 1 Kor. 4:2; 1 Pet. 3:14, 15; 5:8, 9)
6. Tanga Yoane 19:1-30.
(a) O Yesu aweyi kabadikilanga diambu dia mavwa? (Yoa. 2:1, 2, 9, 10; 19:23, 24; Mat. 6:31, 32; 8:20)
(b) E mvovo miansuka kavov’o Yesu vava kafwa, aweyi misongelanga e nsunda kasunda muna nwanina kimfumu kia Yave? (Yoa. 16:33; 19:30; 2 Pet. 3:14; 1 Yoa. 5:4)
Lusansu lwa 102
1. Nani i nkento ndioyo una muna fwaniswa? O wantu wole awaya aki nani, akweyi bena?
2. Ekuma Pilato kavovesela ambuta za nganga basia makesa mu yingila vana ziami kia Yesu?
3. Adieyi kavang’o mbasi muna lumbu kietatu muna mene-mene? Ambuta za nganga adieyi bavanga?
4. Ekuma basivikila akento ana bayenda kingula ziami kia Yesu?
5. Ekuma Petelo yo Yoane bayendela ntinu kuna ziami kia Yesu, nki basolola ko?
6. Adieyi diabwila e vimbu dia Yesu? Kansi adieyi kavanga muna songa kw’alongoki vo un’o moyo?
Yuvu yakaka:
1. Tanga Matai 27:62-66 ye 28:1-15.
Vava Yesu kafuluka, ambuta za nganga ye Afarisi ye akuluntu aweyi basumukina mwand’avelela? (Mat. 12:24, 31, 32; 28:11-15)
2. Tanga Luka 24:1-12.
E nsangu za lufuluku lwa Yesu nkia mpila zisongelanga vo Yave obadikilanga akento se mbangi za ziku? (Luka 24:4, 9, 10; Mat. 28:1-7)
3. Tanga Yoane 20:1-12.
E mvovo mina muna Yoane 20:8, 9 aweyi mikutusadisilanga mu zindalala kele vo ke tutomene bakula ko e ndungana ya ungunza wa Nkand’a Nzambi? (Nga. 4:18; Mat. 17:22, 23; Luka 24:5-8; Yoa. 16:12)
Lusansu lwa 103
1. O Maria adieyi kavovesa muntu ona kabanza vo mvati? Kansi adieyi diansadisa mu bakula vo i Yesu?
2. Adieyi diabwila alongoki wole ana bayendanga kun’evata dia Emau?
3. Nkia diambu diasivi diabwa vava alongoki wole bazayisa antumwa vo bamona Yesu?
4. Nkumbu kwa o Yesu kamoneka kw’alongoki andi?
5. O Toma adieyi kavova vava kawa vo Mfumu wamoneka kw’alongoki? Kansi adieyi diabwa vioka lumbu nana?
Yuvu yakaka:
1. Tanga Yoane 20:11-29.
Muna Yoane 20:23 nga Yesu u kavova vo o wantu bavewa e wisa kia loloka masumu? Sasila. (Nku. 49:2, 7; Yes. 55:7; 1 Tim. 2:5, 6; 1 Yoa. 2:1, 2)
2. Tanga Luka 24:13-43.
Aweyi tulenda kubikila ntima mieto mu tambula e ludi kia Nkand’a Nzambi? (Luka 24:32, 33; Eze. 7:10; Mat. 5:3; Mav. 16:14; Ayib. 5:11-14)
Lusansu lwa 104
1. O Yesu kw’alongoki akwa kamoneka muna lumbu kimosi? Adieyi kabazayisa?
2. Nki i Kintinu kia Nzambi? E zingu ova nza aweyi kikala vava Yesu keyala nze Ntinu muna zunda dia mvu?
3. O Yesu lumbu kwa kamoneka kw’alongoki andi? Kansi owau adieyi kevanganga?
4. Una katombokele ko kun’ezulu, o Yesu adieyi kavovesa alongoki andi bavanga?
5. Adieyi divangamanga muna fwaniswa? Nki kiafuka Yesu mu lembi moneka diaka?
Yuvu yakaka:
1. Tanga 1 Korinto 15:3-8.
Ekuma Paulu kavovela lufuluku lwa Yesu ye ziku kiawonso? Nkia diambu Akristu bafwete samunanga ye ziku kiawonso? (1 Kor. 15:4, 7, 8; Yes. 2:2, 3; Mat. 24:14; 2 Tim. 3:1-5)
2. Tanga Mavangu 1:1-11.
E salu kia umbangi aweyi kiasayanena nze una uyikwanga muna Mavangu 1:8? (Mav. 6:7; 9:31; 11:19-21; Kol. 1:23)
Lusansu lwa 105
1. Nze una usongwanga muna fwaniswa, adieyi diabwila alongoki a Yesu ana bavingilanga muna Yerusaleme?
2. Ekuma anzenza bayiza muna Yerusaleme basivikila?
3. O Petelo adieyi kavova kwa nkangu?
4. O nkangu aweyi bamona vava bawa mana kabavovesa Petelo? Adieyi kabazayisa bafwete vanga?
5. Wantu kwa bavubwa muna lumbu kia Pentikosti ya mvu a 33 kia tandu kia Kristu?
Yuvu yakaka:
1. Tanga Mavangu 2:1-47.
(a) E mvovo mia Petelo muna Mavangu 2:23, 36 aweyi misongelanga vo e zula kiawonso kia Ayuda akwa mbebe muna lufwa lwa Yesu? (1 Tes. 2:14, 15)
(b) Petelo aweyi kasongela mbandu ambote muna mokenanga yo wantu muna Sono? (Mav. 2:16, 17, 29, 31, 36, 39; Kol. 4:6)
(c) O Petelo aweyi kasadila “e nsabi za kintinu ki’ezulu” muna nkumbu antete, zina kakanikina kumvana Yesu? (Mav. 2:14, 22-24, 37, 38; Mat. 16:19)
Lusansu lwa 106
1. Adieyi diabwila Petelo yo Yoane vava bayenda muna tempelo oku masika?
2. O Petelo adieyi kavova kwa muntu wakala ye kimbevo kia malu? Vana fulu kia nzimbu o Petelo nki kisundidi o mfunu kavana kwa muntu ndioyo?
3. Ekuma ambuta za nganga bafungila makasi? Adieyi bavanga kwa Petelo yo Yoane?
4. O Petelo adieyi kavovesa ambuta za nganga? Nkia nsiku bavewa antumwa?
5. Ekuma ambuta za nganga bamwena kimpala? Adieyi diabwa vava antumwa basiwa muna pelezo mu nkumbu w’ezole?
6. Antumwa aweyi bavutula vava banatwa kun’eseka dia Mbanda-banda?
Yuvu yakaka:
1. Tanga Mavangu 3:1-10.
O unu, kana una vo ke twavewa nkuma wa vanga masivi ko, e mvovo mia Petelo muna Mavangu 3:6 aweyi mikutusadisilanga mu yangalela e nsangu za Kintinu? (Yoa. 17:3; 2 Kor. 5:18-20; Fili. 3:8)
2. Tanga Mavangu 4:1-31.
Vava tusiwanga kitantu muna salu kia umbangi aweyi tulenda tanginina ampangi zeto z’Akristu a tandu kiantete? (Mav. 4:29, 31; Ef. 6:18-20; 1 Tes. 2:2)
3. Tanga Mavangu 5:17-42.
Tuka nz’ankulu yamu tandu kieto aweyi akaka wantu a zula betaninanga e salu kia umbangi? (Mav. 5:34-39)
Lusansu lwa 107
1. Nani i Setefano? O Nzambi adieyi kansadisa mu vanga?
2. O Setefano adieyi kavova diafungisa ambuta za nganga makasi?
3. Vava wantu banata Setefano kuna mbazi a mbanza, adieyi bamvanga?
4. Muna fwaniswa, etoko diodio osimbidi mvwatu vana ndambu nani?
5. Una kafwidi ko o Setefano adieyi kalomba kwa Yave muna sambu?
6. Kele vo muntu utuvangidi e mbi, adieyi tufwete vanga muna tanginina Setefano?
Yuvu yakaka:
1. Tanga Mavangu 6:8-15.
Nkia mavangu ma luvunu besadilanga ambuta za mabundu muna vava ningamesa salu kia Mbangi za Yave? (Mav. 6:9, 11, 13)
2. Tanga Mavangu 7:1-60.
(a) Adieyi diasadisa Setefano muna tanina nsangu zambote vana ndose a Mbanda-banda? Adieyi tulenda longoka muna mbandu andi? (Mav. 7:51-53; Roma 15:4; 2 Tim. 3:14-17; 1 Pet. 3:15)
(b) Nkia fu tufwete songanga kw’awana besianga e salu kieto kitantu? (Mav. 7:58-60; Mat. 5:44; Luka 23:33, 34)
Lusansu lwa 108
1. O Setefano vava kafwa o Saulu adieyi kavanga?
2. Vava Saulu kakala muna nzila Dameseke nkia diambu diasivi diabwa?
3. O Yesu adieyi kavovesa Saulu mu vanga?
4. O Yesu nkia luludiku kavana kwa Anania? Adieyi diasadisa Saulu mu mona diaka?
5. O Saulu nkia nkumbu kazayakene? Aweyi kasadilwa?
Yuvu yakaka:
1. Tanga Mavangu 8:1-4.
O lubangamu aweyi lwasayanesena nkutakani ampa ya Kikristu? Nkia diambu diafwanana divangamanga omu lumbu yeto? (Mav. 8:4; Yes. 54:17)
2. Tanga Mavangu 9:1-20.
O Yesu nkia mbebe tatu kavana kwa Saulu? (Mav. 9:15; 13:5; 26:1; 27:24; Roma 11:13)
3. Tanga Mavangu 22:6-16.
Aweyi tulenda tanginina Anania? Ekuma dinina o mfunu? (Mav. 22:12; 1 Tim. 3:7; 1 Pet. 1:14-16; 2:12)
4. Tanga Mavangu 26:8-20.
Mpila Saulu kakitukila se Nkristu aweyi yikasakeselanga awana bena ye akazi a mindembi kwikila o unu? (Mav. 26:11; 1 Tim. 1:14-16; 2 Tim. 4:2; 1 Pet. 3:1-3)
Lusansu lwa 109
1. Nani ndiona ofukamene muna fwaniswa?
2. E mbasi adieyi kavovesa Koneleo?
3. O Nzambi nki kasonga kwa Petelo vava kakala vana nludi a nzo a Simone kuna Yafo?
4. Ekuma Petelo kavovesela Koneleo vo kafwete kumfukamena ko yo kunkunda?
5. Ekuma basivikila alongoki esi Yuda bakala yo Petelo?
6. Nki’elongi diamfunu tufwete longoka muna nkingula kakingula Koneleo o Petelo?
Yuvu yakaka:
1. Tanga Mavangu 10:1-48.
E mvovo mia Petelo muna Mavangu 10:42 aweyi misonganga mu kuma kia salu kia samuna e nsangu zambote za Kintinu? (Mat. 28:19; Maku 13:10; Mav. 1:8)
2. Tanga Mavangu 11:1-18.
O Petelo nkia fu kasonga vava kabakula vo Yave otambwidi esi Zula muna nkutakani? Aweyi tulenda tanginina mbandu andi? (Mav. 11:17, 18; 2 Kor. 10:5; Ef. 5:17)
Lusansu lwa 110
1. Nani i toko diodio muna fwaniswa, akweyi kazingilanga? O ngw’andi ye nkak’andi ankento nani?
2. O Timoteo adieyi kavova vava Paulu kanyuvula kana ozolele kubayikama yo Sila mu kwenda samuni e nsangu zambote mwakaka?
3. Alongoki a Yesu akweyi bayikilwa mu nkumbu antete vo Akristu?
4. Vava Paulu, Sila ye Banaba bakatuka muna Antiokia nkia mbanza zakaka bayenda?
5. O Timoteo nkia mpila kasadisila Paulu? O unu aleke nkia yuvu bafwete kiyuvula?
Yuvu yakaka:
1. Tanga Mavangu 9:19-30.
O Paulu aweyi kasongela lulungalalu vava kabangikwanga mu kuma kia nsangu zambote? (Mav. 9:22-25, 29, 30; Mat. 10:16)
2. Tanga Mavangu 11:19-26.
E nsangu zina muna Mavangu 11:19-21, 26 aweyi zisongelanga vo mwand’a Yave ufilanga yo sikidisa e salu kia umbangi?
3. Tanga Mavangu 13:13-16, 42-52.
E sono kina muna Mavangu 13:51, 52 aweyi kisongelanga vo alongoki ke bayambulanga ko vo kitantu kiabayoyesa? (Mat. 10:14; Mav. 18:6; 1 Pet. 4:14)
4. Tanga Mavangu 14:1-6, 19-28.
E mvovo miami ‘babayekekele kwa Yave’ nkia mpila milenda kutusadisila twalembi telekanga moyo vava tusadisanga alongoki ampa? (Mav. 14:21-23; 20:32; Yoa. 6:44)
5. Tanga Mavangu 16:1-5.
O lusakalalu lwa Timoteo muna yambula vo kazengwa nkia mpila lusongelanga o mfunu wa vangila ‘mawonso muna diambu dia nsangu zambote’? (Mav. 16:3; 1 Kor. 9:23; 1 Tes. 2:8)
6. Tanga Mavangu 18:1-11, 18-22.
Edi diasonama muna Mavangu 18:9, 10, aweyi disongelanga vo Yesu yandi kibeni ofilanga e salu kia umbangi? Ediadi nkia vuvu dikutuvananga o unu? (Mat. 28:20)
Lusansu lwa 111
1. Nani i nleke ndiona olele vana ntoto muna fwaniswa? Adieyi dimbwididi?
2. O Paulu adieyi kavanga vava kamona vo o nleke ofwidi?
3. O Paulu yo Timoteo ye awana bakangalanga yau akweyi bekwendanga? Adieyi diabwa vava balwaka kuna Miletu?
4. O Angabo wa ngunza nkia diambu kazaisa kwa Paulu? Aweyi dialunganena?
Yuvu yakaka:
1. Tanga Mavangu 20:7-38.
(a) Aweyi tulenda kadila ‘twavelela muna menga ma wantu awonso nze una kavova Paulu muna Mavangu 20:26, 27? (Yez. 33:8; Mav. 18:6, 7)
(b) Ekuma akuluntu bafwete ‘simbininanga mambu ma kwikizi’ vava belonganga? (Mav. 20:17, 29, 30; Tito 1:7-9; 2 Tim. 1:13)
2. Tanga Mavangu 26:24-32.
O Paulu aweyi kasadila kingutukila kia Roma muna lungisa e salu kia umbangi kavewa kwa Yesu? (Mav. 9:15; 16:37, 38; 25:11, 12; 26:32; Luka 21:12, 13)
Lusansu lwa 112
1. Adieyi diabwila e nzaza ina kakala Paulu vava yafinama kuna sanga dia Kerete?
2. O Paulu adieyi kavova kw’awana bakala muna nzaza?
3. E nzaza aweyi ya wudikila?
4. O Mfumu a makesa nkia nkanikinu kavana kwa nkangu? E ndonga ya wantu aweyi yalwakila kun’ekumu dia mbu?
5. E nkumbu a sanga kina bakala ayeyi? Adieyi diabwila Paulu vava tembwa kiadingama?
Yuvu yakaka:
1. Tanga Mavangu 27:1-44.
E vuvu kieto aweyi kikulamenanga muna ziku kia Nkand’a Nzambi vava tutanganga e nsangu za nkangalu a Paulu kuna Roma? (Mav. 27:16-19, 27-32; Luka 1:3; 2 Tim. 3:16, 17)
2. Tanga Mavangu 28:1-14.
Wau vo esi Melìta a mindembi kwikila “basonga ngemba” kwa Paulu ye awana kakala yau muna nzaza, Akristu adieyi bafwete vanganga? Mu nkia mpila? (Mav. 28:1, 2; Ayib. 13:1, 2; 1 Pet. 4:9)
Lusansu lwa 113
1. Vava Paulu kakala muna pelezo kuna Roma aki nani kasila umbangi?
2. E nzenza ndiona una vana mesa muna fwaniswa nani? Adieyi kevanganga mu kuma kia Paulu?
3. Nani i Epaferodito? Nki kanata vava kavutuka kuna Filipi?
4. Ekuma Paulu kasonekena nkanda kwa nkundi andi Filemone?
5. O Paulu adieyi kavanga vava kavaikiswa muna pelezo? Adieyi diambwila vioka fikolo?
6. Nani kasadila o Yave mu soneka nkanda mia nsuka muna Nkand’a Nzambi? E nkanda Lusengomono ameyi uyikanga?
Yuvu yakaka:
1. Tanga Mavangu 28:16-31 ye Filipi 1:13.
O Paulu aweyi kasadilanga ntangw’andi vava kakala muna pelezo kuna Roma? O lukwikilu lwandi lwasikila aweyi lwakasakesela nkutakani za Kikristu? (Mav. 28:23, 30; Fili. 1:14)
2. Tanga Filipi 2:19-30.
Nkia mvovo mia matondo kavova Paulu mu kuma kia Timoteo yo Epaferodito? Aweyi tulenda tanginina mbandu a Paulu? (Fili. 2:20, 22, 25, 29, 30; 1 Kor. 16:18; 1 Tes. 5:12, 13)
3. Tanga Filemone 1-25.
(a) O Paulu nkia kuma kawondelela Filemone kavanga edi diansongi? Ediadi aweyi disadisilanga akuluntu o unu? (File. 9; 2 Kor. 8:8; Ngal. 5:13)
(b) E mvovo mia Paulu mina muna Filemone 13, 14, aweyi misongelanga vo wazitisanga e ngindu z’akaka muna nkutakani? (1 Kor. 8:7, 13; 10:31-33)
4. Tanga 2 Timoteo 4:7-9.
Aweyi tulenda kadila ye vuvu vo Yave okutusambula avo tuzindalala yakuna mbaninu nze Paulu? (Mat. 24:13; Ayib. 6:10)
Lusansu lwa 114
1. Ekuma Nkand’a Nzambi keyikilanga mvalu kun’ezulu?
2. Nga ozeye nkumbu a vita ketwasa o Nzambi kwa yimpumbulu ova ntoto? Nkia kuma ketwasila e vita yayi?
3. Nani okala se ntu muna vita yayi nze una usongwanga muna fwaniswa? Ekuma kavwatidi kolowa? E nsosolo andi nkia nsasa una?
4. Avo tutadidi muna Lusansu lwa 10 ye 15, ekuma ka tufwete sivikila ko vo Nzambi ofwasa yimpumbulu yawonso?
5. O lusansu lwa 33, 36 ye 76 aweyi lusongelanga vo Nzambi ofwasa wantu ambi kana nkutu bevovanga vo yandi besambilanga?
Yuvu yakaka:
1. Tanga Lusengomono 19:11-16.
(a) O Nkand’a Nzambi aweyi ukieseselanga vo Yesu Kristu yandi wafonga vana mvalu ampembe? (Lus. 1:5; 3:14; 19:11; Yes. 11:4)
(b) O menga mazazwa muna mvwatu mia Yesu aweyi mesongelanga vo e nsundidi andi yasikila yo lunga? (Lus. 14:18-20; 19:13; Yes. 63:1-6)
(c) Aki nani i makesa melandanga Yesu vana mvalu miampembe? (Lus. 12:7; 19:14; Mat. 25:31, 32)
Lusansu lwa 115
1. Nkia zingu kiyikwanga muna Nkand’a Nzambi tukala kiau muna Paradiso ova ntoto?
2. Nkia nsilu kesianga Nkand’a Nzambi kw’awana bezingila muna Paradiso?
3. O Yesu nkia ntangwa kesikidisa vo mambu mama mavangama?
4. Vava Yesu kakala ova ntoto, aweyi kavanga mu songa mana kevanga vava keyala se Ntinu a Kintinu kia Nzambi?
5. O Yesu y’awana keyala yau kun’ezulu adieyi bevanga ova ntoto?
Yuvu yakaka:
1. Tanga Lusengomono 5:9, 10.
Ekuma tulenda kadila ye ziku vo awana beyala ntoto muna Luyalu lwa Zunda dia Mvu bekala se atinu ye anganga akwa ngemba ye nkenda? (Ef. 4:20-24; 1 Pet. 1:7; 3:8; 5:6-10)
2. Tanga Lusengomono 14:1-3.
E nkumbu Ese ye nkumbu a Mwan’ememe yasonama vana tuse twa 144.000 nkia nsasa ina? (1 Kor. 3:23; 2 Tim. 2:19; Lus. 3:12)
Lusansu lwa 116
Aweyi Olenda Zingila Yakwele Mvu
1. Adieyi tufwete zaya kele vo tuzolele zinga yakwele mvu?
2. Aweyi tulenda longokela oma ma Yave wa Nzambi ye Yesu nze una usongwanga kwa dumbelele ye akundi andi muna fwaniswa?
3. Nkia nkanda wakaka una muna fwaniswa? Ekuma tufwete wo tangilanga lumbu yawonso?
4. Vana ntandu a longoka oma ma Yave yo Yesu, ameyi tufwete longoka diaka muna vwa moyo a mvu ya mvu?
5. Nki’elongi tulongokele muna Lusansu lwa 69?
6. E mbandu ambote ya nleke Samuele muna Lusansu lwa 55 adieyi isonganga?
7. Aweyi tulenda tanginina mbandu a Yesu Kristu? Avo tuvangidi wo, adieyi tuvanga kuna sentu?
Yuvu yakaka:
1. Tanga Yoane 17:3.
O Nkand’a Nzambi aweyi usongelanga vo ovwa zayi wa Yave wa Nzambi ye Yesu Kristu ke zaya kaka nkal’au ko? (Mat. 7:21; Yak. 2:18-20; 1 Yoa. 2:17)
2. Tanga Nkunga 145:1-21.
(a) Nkia kuma yayingi tufwete kembelelanga Yave? (Nku. 145:8-11; Lus. 4:11)
(b) O Yave aweyi kenena “wambote kw’awonso”? Ediadi aweyi dilenda kutusadisila muna kumfinama? (Nku. 145:9; Mat. 5:43-45)
(c) Avo Yave una kieleka muna ntima mieto adieyi tuvava o vanga? (Nku. 119:171, 172, 175; 145:11, 12, 21)
