Nga osungamenanga e kiese wamonanga vava wakalanga ye nkangu a Yave, lukasakeso watambulanga muna tukutakanu muna nkutakani, muna tukutakanu twampwena, mambu mambote wawanana mau muna salu kia umbangi ye moko yambote wakalanga yau ye mpangi zaku za Akristu? Kwavilakana Yave ko, yandi mpe kavilakana ko. Kuna zola kwawonso Yave osungamenanga e salu kiaku kia kwikizi. Ozolele kusadisa wavutuka kwa yandi.

Yave wavova vo: “Mono kwame ntomba mameme mame, yo kubayandala. Una keyandal’ekambi diandi o mvungudi, e lumbu kina kekalanga yo mameme mamwanganini, i una nyandala mameme mame; ikubakôla muna fulu yawonso ina bamwanganini.”—Yezekele 34:11, 12.