Adami yo Eva bawuta wana, wantu bawokela ova nza. I bosi, mbasi zakaka bayikama ukolami wa Satana.

Bakulumuka va ntoto yo vwata nitu za wantu basompa wan’akento.Akento ana basompa bawuta wana bakala se mabamba-ngolo ye akwa lulendo.

E nza yazala ye wantu bavanganga mambu mambi. Nkand’a Nzambi uvovanga vo: “O bi wa muntu se wingi ova nza, ye konso mona-mona kia ngindu za ntima kibi kaka, e lumbu yawonso.”

Noa muntu ambote kakala. Yave wavovesa Noa vo osinga fwasa wantu ambi mu kizalu kiampwena.

Nzambi wavovesa mpe Noa vo katunga kumbi diampwena dia maza diayikilwanga vo nzaza, muna kafwete kota y’esi nzo andi ye bulu ya mpila zawonso.

Noa walukisa wantu mu kuma kia Kizalu, kansi ke bamwila ko. Akaka baseva Noa; akaka bansia kitantu.

Vava nzaza yamanisa, Noa wakotesa mo bulu.