KUNKU 3
Aweyi Kiakala e Zingu Muna Paradiso?
Yave lekwa yayingi yambote kavana kwa Adami yo Eva. Etuku 1:28
Yave wavanga Eva wa nkento antete yo kumvana kwa Adami kakala se nkaz’andi.—Etuku 2:21, 22.
Yave wabavanga ye ngindu ye nitu alunga, ke bakala ye sumu ko.
Wabasia muna Paradiso yayikilwanga vo mpatu a Edene—fulu kiambote kiakala ye nkoko, bulu ye nti mia bundu.
Yave wamokenanga yau yo kubalonga. Kele vo bamwila, badi zinga muna Paradiso ova ntoto yakwele mvu.
Nzambi bundu kia nti mosi kaka kakanikina vo ke badie ko. Etuku 2:16, 17
Yave wasonga Adami yo Eva e nti mosi muna mpatu yo kubavovesa vo kele vo badidi bundu kia nti wowo, fwa befwa.
Mosi muna mbasi wakolamena Nzambi. E mbasi yayi yambi i Satana wa Nkadi ampemba.
Satana kazola ko vo Adami yo Eva balemvokela Yave. Muna kuma kiaki, wasadila nioka mu vovesa Eva vo kele vo odidi bundu kia nti wowo, ke fwa ko, kansi okituka nze Nzambi. Kansi, vuna kamvuna.—Etuku 3:1-5.
Nanga Oyangalela Mpe Malongi Mama
ESSENTIAL BIBLE TEACHINGS
Ekuma Nzambi Kasemena o Ntoto?
O ntoto tuzingilanga wazala ye lekwa yambote-mbote. Wavambana yo mwini muna tezo, uzietanga muna tezo ye muna mpila yasikididi. Ekuma Nzambi kasadila e ngangu zazi zawonso muna vanga o ntoto?
