LONGI DIA 02
Bibila Kisianga Nsilu wa Zingu Kiakiese Kuna Sentu
Mu nza yawonso wantu benuananga ye mambu mekubatwasilanga lukendalalu, ntokani ye mpasi. Nga ngeye mpe onuananga ye mambu mampasi? Dilenda kala vo onuananga ye mpasi za kimbevo yovo ntantu za fwilwa muntu ona watoma zolanga. Nanga okukiyuvulanga: ‘Nga e zingu kisinga toma?’ E Bibila kivananga mvutu zasikila mu kiuvu kiaki.
1. E Bibila nkia nsilu kisianga?
Bibila kikutuzayisanga e kuma tumwenanga ulolo wa mpasi, kikutuzayisanga mpe nsangu zambote za sia vo ke kolo ko Nzambi ofokola e mpasi zawonso. E nsilu mina muna Bibila milenda ‘kuvana vuvu ye zingu kiasikila kuna sentu.’ (Tanga Yeremiya 29:11, 12.) E nsilu miami mikutusadisanga mu zizidila e mpasi yo kala ye ngindu zasikila. Mikutusadisanga mpe mu kala ye kiese tuka owau yakwele mvu.
2. E Bibila adieyi kivovanga mu kuma kia zingu kia kusentu?
Bibila kivovanga vo kuna sentu “o lufwa ke lukala diaka ko, ngatu kala diaka dilu, yovo kazu ngatu mpasi.” (Tanga Lusengomono 21:4.) E mpasi zifilanga wantu mu dimbula e vuvu o unu, nze usukami, kondwa kwa unsongi, yimbevo yo lufwa, ke zikala diaka ko. Bibila kisianga nsilu vo wantu bekala ye kiese kia zinga yakwele mvu muna Paradiso ova ntoto.
3. Aweyi olenda kadila ye ziku vo e nsilu mina muna Bibila milungana kieleka?
Wantu ayingi mambu mambote bevingilanga. Kansi, ke bekalanga ye ziku ko kana vo mambu mama vangama kieleka mevangama. Kanele vo i wau, e nsilu mina muna Bibila milungana kieleka. Muna kala ye ziku vo mana Bibila kivovanga melungana, ofwete ‘toma fimpanga e Sono.’ (Mavangu 17:11) O longoka e Bibila dikusadisa mu baka e nzengo ngeye kibeni, kana vo okwikila mu mana kivovanga mu kuma kia kuna ntwala yovo ve.
ZAYA DIAKA MANKAKA
Tala e miaka nsilu mina muna Bibila mu kuma kia kuna sentu. Tala mpe una e vuvu kina muna Bibila kisadisilanga o wantu o unu.
4. Bibila kisianga nsilu vo tulenda zinga yakwele mvu kondwa kwa mpasi
Tala e nsilu milende mina muna Bibila. Nkia nsilu otomene yangalela? Ekuma?
Tanga kapu ya Bibila iyikilu ina ngwizani ye nsilu miami, i bosi, vana e mvutu za yuvu ilende:
-
Adieyi obenze, nga olenda baka nluta muna nsilu miami? Nga akundi ye yitu yaku balenda mpe baka nluta muna nsilu miami?
Yindula una ukala e nza
|
VAVA KE VEKALA DIAKA . . . |
WANTU AWONSO . . . |
|---|---|
|
|
|
|
|
|
|
|
|
|
5. E nsilu mina muna Bibila milenda kutwasila nluta
Wantu ayingi bekendalalanga yovo funga makasi mu kuma kia mambu mambi mevangamanga. Akaka bevanganga mawonso mu teza singika mambu. Tala una nsilu una muna Bibila wa sia vo mambu mesinga toma usadisilanga wantu owau. Tala e VIDEO, i bosi, vana e mvutu za yuvu ilende.
-
Nze una tumwene muna video, nkia mambu matokanesanga Rafika?
-
Kanele vo mambu mambi kamonanga ke mafokoka ko, e Bibila aweyi kiansadisila?
E nsilu mina muna Bibila mu kuma kia kusentu, mikutusadisanga mu sunda lukendalalu ye mambu mampasi tunuananga mau. Tanga Ngana 17:22 ye Roma 12:12, i bosi, vana e mvutu za yuvu eyi:
-
Nga obenze vo e nsilu mina muna Bibila mu kuma kia kusentu, milenda kutwasila nluta tuka owau? Ekuma?
AVO MUNTU UVOVESE VO: “Kikwikilanga ko vo e nsilu mina muna Bibila mu kuma kia kusentu mialudi.”
-
Ekuma dinina o mfunu ngeye kibeni wakala ye ziku muna diambu diadi?
MAMBU MASINA MA LONGI DIADI
Bibila kina ye nsilu miayingi mu kuma kia zingu kiakiese kia kusentu. E nsilu miami mikutuvananga e vuvu yo tomesa zingu kieto tuka owau.
Nkia Mambu Olongokele?
-
Ekuma wantu bafwete zayila e nsilu mia Nzambi?
-
Adieyi Bibila kivovanga mu kuma kia zingu kia kusentu?
-
E vuvu kia kusentu aweyi kilenda kusadisila tuka owau?
TALA MPE OMA MALENDE
Zaya una e vuvu kilenda kusadisila vava onuananga ye mambu mampasi.
“Esperança—Onde Você Pode Encontrá-la?” (Sikama!, 22 Abidi, 2004)
Zaya una e vuvu kia kusentu kilenda sadisila awana bena ye kimbevo kilembi sasukanga.
“Nga Bibila Kilenda Kunsadisa Avo Mbakamene Kimbevo Kilembi Sasukanga?” (Longi dina muna jw.org)
Vava otala e video yayi ya nkunga, ukiyindula y’esi nzo aku vo luna kala ye zingu kiakiese muna Paradiso yasilwa o nsilu muna Bibila.
Zaya una muntu mosi wayikamanga e buka itaninanga wete dia wantu ye bulu, kasobela ngindu vava kazaya e nsilu mina muna Bibila mu kuma zingu kia kusentu.
“Yabakula vo Kilendi Soba e Nza ko” (Eyingidilu dia 1 dia Yuli, 2013)
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
