LONGI DIA 34
Aweyi Olenda Songela kwa Yave vo Okunzolanga?
Nga omonanga vo owau o zola kwaku muna Nzambi mu wokela kuna, lutila e ntangwa ina wayantika longoka e Bibila? Nga ozolele kwamanana siamisa e ngwizani aku yo Nzambi? Avo i wau, zaya wo vo ekolo zola kwaku muna Nzambi kuwokelanga, oyandi mpe otoma kuzola yo kulunga-lunga. Kansi, aweyi olenda songela kwa Yave vo okunzolanga?
1. Aweyi tusongelanga kwa Yave vo tukunzolanga?
Vava tulemvokelanga Yave, tusonganga vo tukunzolanga. (Tanga 1 Yoane 5:3.) Nzambi ke komekenanga muntu ko vo kanlemvokela. Kansi, oyambulanga vo konso muntu kasola kana vo okunlemvokela yovo ve. Ekuma? Kadi Yave ozolele vo ‘twalemvokelanga ye nsi a ntima.’ (Roma 6:17) Ediadi disongele vo, ozolele vo twanlemvokelanga mu kuma kia zola kweto muna yandi, kansi ke mu komekenua ko. E kunku kia 3 ye kia 4 kia nkanda wau, kikubikilu muna kusadisa mu songa o zola kwaku kwa Yave muna vanganga mana mekunyangidikanga yo venga mana mekunkendelekanga.
2. Ekuma dilenda kadila diampasi mu songa vo Yave tuzolanga?
Bibila kivovanga vo: “E mpasi za nsongi zayingi.” (Nkunga 34:19) Yeto awonso tunuananga yo usumuki weto. Tumonanga mpe mpasi za kondwa nzimbu, kondwa kwa unsongi ye mpasi zankaka. Vava tumonanga e mpasi zazi, dilenda kala diampasi mu vanga mana Yave kekutulombanga. Kadi diasazu dikalanga mu landa nzila zambi. Kansi avo ovangidi mana Yave kekulombanga, osonga vo okunzolanga lutila konso diambu ye osonga e kwikizi kiaku kwa yandi. Oyandi mpe okusonga kwikizi ye ke kuyambula ko.—Tanga 2 Samuele 22:26.
ZAYA DIAKA MANKAKA
Zaya e kuma o nlemvo waku uyangidikila Yave ye mambu malenda kusadisa muna kunlemvokela.
3. Satana okatikisanga kwikizi kiaku
Nze una tutanganga muna nkand’a Yobi, Satana kakatikisa kaka kwikizi kia Yobi ko, kansi kia wantu awonso ana bazolele sadila Yave. Tanga Yobi 1:1, 6–2:10, i bosi, vana e mvutu za yuvu eyi:
-
Landila e mvovo mia Satana, ekuma Yobi kalemvokelanga Yave?—Tala Yobi 1:9-11.
-
Adieyi Satana kavova mu kuma kia wantu awonso, kumosi yo ngeye?—Tala Yobi 2:4.
Tanga Yobi 27:5b, i bosi, vana e mvutu za kiuvu eki:
-
Aweyi Yobi kasongela vo wazolanga kikilu Yave?
Yobi wasonga zola kwandi kwa Yave wau katatidila kwikizi kiandi
Vava tutatidilanga kwikizi kieto kwa Yave tusonganga vo zola tukunzolanga
4. Mwesa ntim’a Yave kiese
Tanga Ngana 27:11, i bosi, vana e mvutu za yuvu eyi:
-
Yave aweyi kemona avo okedi ye ngangu yo kunlemvokela? Ekuma?
5. Olenda songa kwikizi kwa Yave
O zola kweto muna Yave, kukutufilanga mu zayisa mambu mandi kwa akaka. E kwikizi kieto kwa yandi kikutufilanga mu vanga wo kana nkutu vava dikalanga diampasi. Tala e VIDEO, i bosi, vana e mvutu za yuvu ilende.
-
Nga diampasi dikalanga kwa ngeye mu zayisa mambu ma Yave kwa akaka?
-
Nze una omwene muna video, adieyi diasadisa mpangi Grayson mu sunda wonga?
Avo tuzolele mana Yave kezolanga yo menga mana kemenganga, ke dikala diampasi ko mu tatidila e kwikizi kieto muna yandi. Tanga Nkunga 97:10, i bosi, vana e mvutu za yuvu eyi:
-
Landila mana olongokele kala, nkia mambu Yave kezolanga? Nkia mambu kemenganga?
-
Adieyi dilenda kusadisa mu zola mambu mambote yo menga mambu mambi?
6. Avo tulemvokele Yave nluta kaka dikututwasila
Olemvokela Yave, nluta kaka dikututwasilanga. Tanga Yesaya 48:17, 18, i bosi, vana e mvutu za yuvu eyi:
-
Adieyi obenze, nga Yave ozeye kieleka mambu malenda kututwasila nluta? Ekuma?
-
Nkia nluta obakidi kala tuka wayantikila longoka Bibila yo zaya Yave?
AVO MUNTU UYUVUIDI VO: “Nga mavangu mame malenda yangidika ntim’a Nzambi?”
-
Nkia sono olenda sadila muna kunsonga vo mavangu meto malenda yangidika yovo kendeleka Yave?
MAMBU MASINA MA LONGI DIADI
Olenda songa zola kwaku kwa Yave muna kunlemvokelanga yo tatidila kwikizi kiaku kana nkutu muna ntangw’a mpasi.
Nkia Mambu Olongokele?
-
Nkia diambu olongokele muna mbandu a Yobi?
-
Aweyi olenda songela zola kwaku kwa Yave?
-
Adieyi dikusadisa mu tatidila kwikizi kiaku kwa Yave?
TALA MPE OMA MALENDE
Tala una olenda songela kwikizi kwa Yave ye kwa ampangi muna nkutakani.
“Kuna kwa Nkwa Kwikizi, Okuyisonga vo u Nkwa Kwikizi” (16:49)
Tala mambu mankaka mesonganga e mpaka Satana kafidisa muna kwikizi kia wantu.
“Jó Mantém a Integridade” (A Bíblia—Qual É a Sua Mensagem? seção 6)
Tala una aleke balenda songela zola kwau kwa Yave.
Tala una nleke kalenda tatidila kwikizi kiandi kwa Nzambi vava akwandi bevavanga kumvukumuna.
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
