LONGI DIA 40
Aweyi Tulenda Kadila Twavelela Vana Meso ma Nzambi?
Yindula ngudi okubikanga mwan’andi kimana kenda ku sikola. Unyowelese yo kumvuika mvuatu miavelela. Ediadi disadisanga kimana mwana kakala ye mavimpi mambote yo songa kwa wantu ankaka vo mase mandi betoma kunlunga-lunganga. Diau dimosi mpe, Yave wa Se dieto dia nzodi, ozolele vo twakalanga twavelela muna nitu ye muna fu. Vava tukalanga twavelela, dikututwasilanga nluta yo vana nkembo kwa Nzambi.
1.1. Aweyi tulenda kadila twavelela muna nitu?
Yave okutuvovesanga vo: “Nufwete kala nuavauka.” (1 Petelo 1:16) Ediadi disongele vo tufwete kala twavelela muna nitu ye muna fu. Muna kala twavelela muna nitu, tufwete yowelanga lumbu yawonso, velelesa mvuatu mieto, nzo ye makalu meto. Tufwete velelesanga mpe Seka dieto dia Kintinu. Vava tukalanga twavelela muna nitu, tuvananga nkembo kwa Yave.—2 Korinto 6:3, 4.
2. Nkia fu tufwete venga muna kala twavelela?
Bibila kikutukasakesanga vo: “Twayivelelesa muna usafu wawonso wa nitu ye wa mwanda.” (2 Korinto 7:1) Muna kuma kiaki, tufwete vanganga e ngolo za venga konso diambu dilenda kututwasila e vonza yo safula e ngindu zeto. E ngindu zeto zifwete yangidikanga Yave, dianu vo tuvanganga mawonso muna venga ngindu zambi. (Nkunga 104:34) Tufwete vanganga mpe ngolo za sadila mvovo miambote.—Tanga Kolosai 3:8.
Nkia mambu mankaka malenda kutufunzula muna nitu ye muna fu? Vena ye lekwa ilenda funzula nitu zeto, nze nua fomo ye droga. Avo tuvengele lekwa yayi, tukala ye mavimpi mambote ye tusonga vo tuzitisanga o lukau lwa moyo. Muna kala twavelela muna mavangu, tufwete vanganga mpe ngolo mu venga e fu kia fisa kikento yovo kiyakala (masturbação) yo tala ngatu tanga mavangu mansoni. (Nkunga 119:37; Efeso 5:5) Dilenda kala diampasi mu sunda e fu yayi, kansi muna lusadisu lwa Yave tulenda yo sunda.—Tanga Yesaya 41:13.
ZAYA DIAKA MANKAKA
Tala una tuzitisilanga Yave vava tukalanga twavelela muna nitu ye una tulenda sundila fu yambi.
3. Okala wavelela muna nitu nkembo ditwasanga kwa Yave
Avo tutangidi o nsiku una Yave kavana kwa nkangu a Isaele, tubakula vo kuna kwa Yave diamfunu kikilu vo nkangu andi wakala wavelela. Tanga Luvaiku 19:10 ye 30:17-19, i bosi, vana e mvutu za yuvu eyi:
-
Aweyi e sono yayi isongelanga vo Yave oyangalelanga o velela kwa nitu?
-
Nkia diambu ofwete vanganga ntangwa zawonso kimana wakala wavelela muna nitu?
Ntangwa ye ngolo divavanga mu kala wavelela muna nitu. Kansi, tulenda kweto kala twavelela kiakala nkia fulu tuzingilanga yovo ke tuna ye nzimbu zayingi ko. Tala e VIDEO, i bosi, vana e mvutu za kiuvu kilende.
-
O toma kubama yo velelesa e lekwa yeto, aweyi dilenda fidila awana tusilanga umbangi mu vana nkembo kwa Yave?
4. Yambula e fu yambi
Yave okutusadisanga mu sunda konso fu kiambi
Avo fomo yovo droga onuanga, otomene wo zaya vo diampasi mu yambula e fu kiaki. Kansi, nkia diambu dilenda kusadisa? Tala e mfwilu fu kiaki kilenda kutwasila. Tanga Matai 22:37-39, i bosi, yika una e fu kia nua fomo yovo droga kilenda fwasila e . . .
-
ngwizani aku yo Yave
-
ngwizani aku ye esi nzo yo wantu ankaka
Sikidisa mambu ofwete vanga mu yambula e fu yambi. a Tala e VIDEO.
Tanga Filipi 4:13, i bosi, vana mvutu za kiuvu eki:
-
O kala ye fu kia samba ntangwa zawonso, longoka e Bibila yo lungana muna tukutakanu, aweyi dilenda vanina nkuma kwa muntu mu yambula fu yambi?
5. Vanga ngolo mu venga ngindu ye mavangu ma usafu
Tanga Kolosai 3:5, i bosi, vana e mvutu za yuvu eyi:
-
Aweyi tuzayidi wo vo e fu kia twika mafoto, mensagem ye video za nsoni ye fu kia fisa kiyakala yovo kikento diambu diambi vana meso ma Yave?
-
Nga obenze vo tulenda kala twavelela wauna Yave kazolele? Ekuma?
Tala una olenda vengela ngindu zambi. Tala e VIDEO.
Yesu wasadila nona mu songa e ngolo tufwete vanga muna kala ye fu yambote. Tanga Matai 5:29, 30, i bosi, vana e mvutu za kiuvu eki:
-
Yesu kazola vova ko vo tufwete kivangula yovo kuyilweka muna nitu. Kansi, edi kazola vova vo diambu tufwete vanga muna venga e ngindu zambi. Nkia diambu kafwete vanga o muntu muna venga e ngindu zambi? b
Avo ovanganga mawonso mu venga ngindu zambi, zaya wo vo Yave oyangalelanga e ngolo ovanganga. Tanga Nkunga 103:13, 14, i bosi, vana e mvutu za kiuvu eki:
-
Avo ovanganga mawonso mu yambula fu yambi, aweyi e sono kiaki kisadisidi mu lembi yoya?
Kuyoyi ko
Dilenda kala diasazu mu yindula vo: ‘Kilenda sunda e fu kiaki ko, ngioyele kwame.’ Kansi, yindula diambu edi: O muntu una muna nsaka za ntinu avo otele sakuba yo bwa, ke disongele ko vo kalendi sunda nsaka zazi ko yovo kafwete vutuka diaka kuna lubantiku. Diau dimosi mpe, ezak’e ntangwa olenda vanga vilwa wa vutukila e fu kiambi wayambula, kansi ke disongele ko vo kulendi sunda fu kiaki ko. Ke disongele mpe ko vo e ngolo zawonso ovanganga zele mu maza. Ediadi dilenda vangama muna zingu kia konso muntu. Kuyoyi ko. Muna lusadisu lwa Yave olenda sunda e fu yambi.
AVO MUNTU UVOVESE VO: “E fu kiaki kia nkotela kikilu. Kilenda kio yambula ko.”
-
Nkia sono olenda sadila mu kunsonga vo Yave olenda kunsadisa mu yambula e fu kiambi?
MAMBU MASINA MA LONGI DIADI
Vava tukalanga twavelela muna nitu, ngindu ye muna fu, tuyangidikanga Yave.
Nkia Mambu Olongokele?
-
O kala wavelela, ekuma dinina o mfunu?
-
Aweyi tulenda kadila twavelela muna nitu?
-
Aweyi tulenda kwamanena twavelela muna ngindu ye mavangu?
TALA MPE OMA MALENDE
Tala mambu makete olenda vanga mu kala wavelela muna nitu, kana nkutu vo kuna ye nzimbu zayingi ko.
Tala mambu mamfunu olenda vanga mu yambula nua fomo.
Tala e mfwilu mia mavangu mansoni.
“Mavangu ma Zumba Mambote Yovo Mambi?” (Eyingidilu dia 1 dia Agositu, 2013)
Zaya una muntu mosi kasundila e fu kia tala mambu mansoni.
“Depois de Muitas Tentativas, Finalmente Consegui” (Eyingidilu No. 4 2016)
a E longi “Como Parar de Fumar?” dina vana fintu a diambu, Tala mpe oma Malende mu longi diadi, disasila mambu kafwete vanga muntu mu yambula fu yambi ina kakulukilwa.
b Muna sunda e fu kia fisa kikento yovo kiyakala, tala e longi dina yo ntu a diambu “Como Posso Vencer o Mau Hábito da Masturbação?” muna nkanda Os Jovens Perguntam—Respostas Práticas, Volume 1, kapu kia 25.
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
