MPILA YA YANTIKILA E MOKO
LONGI DIA 3
Songanga e Ngemba
Nkanikinu: “O zola kuna . . . ye ngemba.”—1 Kor. 13:4.
Adieyi Yesu Kavanga?
1. Tala e VIDEO yovo tanga Yoane 9:1-7. I bosi, vana e mvutu za yuvu ilende:
-
Entete, adieyi Yesu kavanga, wuka muntu yovo kunsamunuina e nsangu zambote?—Tala Yoa. 9:35-38.
Adieyi Tulongokele Muna Mbandu a Yesu?
2. Diasazu dikala kwa muntu mu wá e nsangu zeto avo obakwidi vo wete diandi tutokanenanga.
Tanginina Yesu
3. Uyisia vana fulu kia muntu omokenanga yandi. Teza yindula una o muntu kemonanga.
-
Ukiyuvula: ‘Nkia diambu dina kuntokanesa? Nkia diambu dilenda kunsadisa yo tunta e sungididi kiandi?’ Ediadi dilenda kusadisa mu songa e ngemba.
-
Songa vo otokanenanga e wete dia muntu muna toma kunwinikina. Avo uzayisi una kemonanga mu kuma kia diambu dimosi yovo mpasi kenuananga zau, kusobi moko ko.
4. Vovela kuna ngemba yo luzitu. Vava tufwilanga muntu e nkenda yo kala ye tima dia kunsadisa, dimoneka muna mpil’eto yavovela. Ozevo, ofwete toma solanga mana ovova ye una ovovela mo. Venga vova mambu malenda kunkendeleka.
5. Vananga lusadisu. Vavanga konso lau mu vana lusadisu kwa muntu. Vava tusadisanga o muntu, dilenda kumfila mu mokena yeto.
