MPILA YA YANTIKILA E MOKO
LONGI DIA 6
Kumoni Wonga ko wa Sila Umbangi
Nkanikinu: “Twakala yo unkabu muna lusadisu lwa Nzambi eto kimana twanusamunuina e nsangu zambote.”—1 Tes. 2:2.
Adieyi Yesu Kavanga?
1. Tala e VIDEO yovo tanga Luka 19:1-7. I bosi, vana e mvutu za yuvu ilende:
Adieyi Tulongokele Muna Mbandu a Yesu?
2. Unkabu tuvuidi o mfunu mu sila umbangi wa Kintinu kia Nzambi kwa wantu awonso.
Tanginina Yesu
3. Bunda Yave e vuvu. O mwanda Nzambi wavana Yesu nkuma wa sila umbangi, o mwanda wau ulenda mpe kusadisa. (Mat. 10:19, 20; Luka 4:18) Lomba kwa Yave kavana unkabu mu sila umbangi kwa wantu ana omwenanga o wonga.—Mav. 4:29.
4. Kufundisanga wantu ko. Tulenda kala yo lukatikisu lwa mokena yo muntu mu kuma kia mpw’andi, sikola katanga, mavua mandi, mpil’a zingu kiandi yovo dibundu kesambilanga. Kansi, sungamena dio vo:
-
Nswaswani yo yeto, Yave yo Yesu bazeye mana mena muna ntim’a muntu.
-
Ke tulendi yindula ko vo muntu kingandi kafwanukini lusadisu lwa Yave ko.
5. Kala yo unkabu kansi songa mpe luzitu yo lulungalalu. (Mat. 10:16) Venga e fu kia tantana. Kuna luzitu lwawonso, fokola e moko avo muntu kazolele wá nsangu zambote ko yovo avo omwene vo mu vonza wina.—Nga. 17:14.
