NKINGULA
LONGI DIA 8
Kala yo Luzindalalu
Nkanikinu: “O zola kuna yo luzindalalu.”—1 Kor. 13:4.
Adieyi Yesu Kavanga?
1. Tala e VIDEO yovo tanga Yoane 7:3-5 ye 1 Korinto 15:3, 4, 7. I bosi, vana e mvutu za yuvu ilende:
Adieyi Tulongokele Muna Mbandu a Yesu?
2. Tufwete kala yo luzindalalu, kadi wantu ankaka ke betambulwilanga nsangu zambote vana vau ko.
Tanginina Yesu
3. Tezanga sadila ndekwa zaswaswana. Avo muntu katambulwidi longoka Bibila vana vau ko, kunkomekena ko. Avo dilendakana, sadila video yovo malongi malenda kunsadisa kabakula una tulongokelanga e Bibila yo wantu ye una kalenda vuila e nluta.
4. Kutezanesanga wantu ko. Konso muntu waswaswana. Avo mosi muna esi nzo aku yovo muntu okingulanga una ye lukatikisu mu longoka Bibila yovo tambulwila malongi ma Bibila, vava zaya e kuma. Nga vena ye longi dimosi dia dibundu diandi dina vo diamfunu kwa yandi? Nga obangikwanga kwa yitu yovo mfinangani zandi? Umvana e ntangwa kayindula mana ovovele yo bakula o mfunu wa dina Bibila kivovanga.
5. Samba mu kuma kia muntu osongele luzolo lwambote. Lomba kwa Yave kasadisa wakala yo nyindu asikila yo luzitu. Lomba mpe ngangu mu zaya e ntangwa olenda yambula kingula o muntu ke songanga luzolo lwambote ko.—1 Kor. 9:26.
