JW LIBRARY
Sadila Marcador—Android
E marcador i sadilwa kiankaka kia JW Library kikusadisa mu sia sinsu muna nkanda, nze una olenda sadila e sinsu muna nkanda wanietekwa. Vena ye sinsu 10 muna JW Library.
Sadila luludiku lulende muna sadila marcador:
Sola Marcador Ozolele
Olenda sadila sinsu muna longi, kapu, tini kia nkanda yovo kia Nkand’a Nzambi.
Muna sia e sinsu muna longi yovo kapu, niema vana Marcador. Niema Marcador imosi muna sia e sinsu muna longi yovo kapu otanganga.
Muna sia e sinsu vana tini kimosi kia nkanda yovo Nkand’a Nzambi, entete niema vana fulu ozolele i bosi niema vana Marcador.
Wenda Vana Marcador
Muna ziula e fulu wasia e sinsu, ziula o nkanda wasidi e sinsu, i bosi niema vana Marcador. Niema e sinsu ozolele kimana kiaziuka.
Sadila Marcador
Avo osidi e sinsu, olenda kio katula yovo sia kio va fulu kiakaka.
Muna katula e sinsu wasidi kala, ziula vana fulu kia Marcador, niema vana vena dododo tatu vana ndambu a sinsu ozolele katula. I bosi niema Excluir.
Muna soba e fulu osidi e sinsu, niema vana fulu kia Marcador, niema vana vena dododo tatu vana ndambu a sinsu ozolele soba. I bosi niema vana Substituir. E sinsu kikwenda vana fulu ozolele. E ndekwa zazi zambote muna sia e sinsu vana osukidi muna nkanda otanganga. Kasikil’owu, olenda zaya vana osukidi muna ntangilu aku a Nkand’a Nzambi a konso lumbu.
E nsobani zazi mu ngonde a Mayu a mvu wa 2014 zavangilu muna JW Library 1.2 eyi ilenda sadilwa mpe muna Android 2.3 yovo vioka. Avo kumwene nsobani zazi ko dodokolo landa luludiku luna muna longi “Yantika Sadila JW Library—Android,” vana yanda a ntu a diambu, Ziula Mambu Mampa.
