Ingeta, o lusadisu lwambote tukukanga kwa “Nzambi ona ofiaulwisanga awana babudika e ntima.”—2 Korinto 7:6.

•   Nkuma. O Nzambi muna ‘kuvuvika o ntima’ ke katula e mpasi zaku zawonso ko, kansi avo osambidi kwa yandi okuvana nkuma ovuidi o mfunu mu zizidila e mpasi zaku. (Filipi 4:13) Kala ye ziku vo Nzambi owá e sambu kiaku, kadi Nkand’a Nzambi uvovanga vo: “O Yave ofinamene awana babudik’e ntima, ovuluzang’awana bakendalala.” (Nkunga 34:18) Zaya dio vo Nzambi olenda wá e sambu kiaku, kana nkutu vo e mvovo miaku ke mitomene kiesesa e mpasi zaku ko.—Roma 8:26, 27.

•   Mbandu zambote. Nsoneki mosi wa Nkand’a Nzambi, wasamba kwa Nzambi, oku vo: “Tuka muna ngodia ibokele, e Yave.” O ntozi a nkunga ndioyo wayambula kendalala vava kayindula vo Nzambi ke kutulundilanga makasi mu ntima ko mu kuma kia masumu meto. Wavova kwa Nzambi vo: “E Yave, kala vo otona bi, e Mfumu, nga nani otelama? Kansi omo ngeye mwina luyambulwilu, muna kuma kiaki wavuminwa.”—Nkunga 130:1, 3, 4.

•   Vuvu. O unu, Nzambi okutukululanga o moyo ye okutusianga nsilu vo okatula mambu mawonso mekendelekanga wantu. O Nzambi vava kelungisa o nsilu wau, “oma mantete ke meyindulwa ko, ngatu kota muna ntima.”—Yesaya 65:17.

 Zaya diambu edi: Kana una vo yeto Mbangi za Yave tukwikilanga vo Nzambi okutusadisanga, nkumbu miayingi tuvavanga mpe lusadisu lwa madotolo vava tukalanga mu lukendalalu lwasaka ye ntokani zasaka. (Maku 2:17) Kansi ke tusolelanga muntu ko e mpila mawuku kafwete baka, kadi tuzeye wo vo konso muntu kafwete baka nzengo za yandi kibeni muna diambu dia mawuku ketonda yovo lembi tonda.