Ingeta. Mbangi za Yave zawonso ateleki yovo selo kumosi mpe yo ulolo wa akento. Nkand’a Nzambi wasakula vo, “kabu diadinene diabakento dieti kamba nsamu wakiese.”—Nkunga 68:11, Masonukwa Manlongo.

 Akento bena vo Mbangi za Yave belandanga e mbandu yasiswa kwa akento beyikwanga muna Nkand’a Nzambi. (Ngana 31:10-31) Kana una vo ke bevitanga ntu ko muna nkutakani, bekuyivananga e mvimba muna salu kia umbangi. Belonganga mpe nkanikinu mia Nkand’a Nzambi kwa wan’au. (Ngana 1:8) Muna mvovo ye mavangu mau, akento bena vo Mbangi za Yave besianga ngolo muna kala se mbandu ambote kw’akaka.—Tito 2:3-5.