Twabakula vo wantu ayingi ana bena kala ye dibundu diau beyangalelanga mokena mambu ma Nkand’a Nzambi. Tuzitisanga ngindu za wantu ana bekwikilanga mambu maswaswana yo yeto. Ke tukukomekenanga nsangu zeto kwa wantu ko.

 Vava tumokenanga yo wantu mambu ma nsambila, tusianga e ngolo za sadila elongi dia Nkand’a Nzambi dia songa “lembama, yo vumi” kwa wantu. (1 Petelo 3:​15) Tuzeye wo vo akaka ke betambulwila nsangu zeto ko. (Matai 10:​14) Kansi, aweyi tuzayila wantu awaya avo ke tumokene yau ko? Tubakulanga mpe vo e zingu kia wantu soba kisobanga.

 Muna bong’e nona, ndiona kena ye ntangwa ko ya mokena yeto o unu, olenda mokena yeto mu lumbu kiakaka. O wantu balenda mpe bwila mambu mampasi malenda kubafila mu yangalela nsangu za Nkand’a Nzambi. Muna kuma kiaki, ke tumokenanga yo wantu nkumbu mosi kaka ko.