Nga e Bibila kia Mbangi za Yave Kiaswaswana?
Mbangi za Yave ke besadilanga kaka nsekola imosi ya Bibila ko vava belongokanga o wantu. Kansi, tuyangalelanga sadila Bibila—Nsekola ya Nz’ampa ivaikiswanga mu ndinga zayingi. E nsekola yayi isadilanga nkumbu a Nzambi, ya ziku ye isadilanga mvovo miakiá ye mialeboka.
Kisadilanga nkumbu a Nzambi. E nsekola zankaka za Bibila ke zizitisanga ko Ndiona wasonekesa a Bibila. Muna bonga e nona, muna nsekola imosi ya Bibila mwasonama vioka 70 lwa nkumbu za wantu basekola yo. Kansi, ke iyikanga nkumbu a nsonekesi a Bibila ko, i sia vo, Yave wa Nzambi.
Nswaswani ye nsekola yayi, Bibila—Nsekola ya Nz’ampa yavutulwisa e nkumbu a Nzambi mu fulu yayingi, muna yakala muna sono yantete, kansi e nkumbu z’awana basekola kio ke zasiwa mo ko.
Kia ziku. Ke nsekola zawonso ko zisekolanga e nsangu za Bibila ye ziku kiawonso. Muna bonga e nona, nsekola imosi yasekola e sono kia Matai 7:13 vo: “Nukotela muna mwelo ambatakani, kadi o mwelo wasâdila ye nzila yasanzuka ifilanga ku bilungi.” Kansi, muna sono yantete, o mvovo wasadilwa i “lufwasu” ke “bilungi” ko. Nanga asekodi a Bibila kiaki bakwikilanga vo wantu ambi bebangikwanga kuna bilungi bia tiya yakwele mvu. Kansi, e longi diadi ke dina muna Bibila ko. E Nsekola ya Nz’ampa yasekola e sono kiaki vo: “Nukotela muna mwelo ambatakani, kadi o mwelo ampwena ye nzila asanzuka ku lufwasu ifilanga.”
Mvovo miakiá. E nsekola yambote ke ifwete kala kaka ya ziku ko kansi ifwete sadila mpe mvovo miakiá ye mia sazu mu bakula. Muna bonga e nona, muna Roma 12:11, Paulu wa ntumwa wasadila mvovo una ye nsasa vo “yila muna mwanda.” Wau vo mvovo wau ke utoma songanga nsasa ambote ko muna Kikongo, muna Bibila—Nsekola ya Nz’ampa wasekolwa mu mpila yakiá ilenda sadisa muntu mu toma wo bakula. Wasekolwa vo Akristu bafwete ‘kala yo vema.’
E Bibila—Nsekola ya Nz’ampa, isadilanga nkumbu a Nzambi, ya ziku ye isadilanga mvovo miakia. Vena mpe ye diambu diankaka diswaswanesanga e nsekola yayi, i sia vo: ke kitekwanga ko. Muna kuma kiaki, mafunda ye mafunda ma wantu betanganga Bibila kiaki muna nding’au yakingutukila kana nkutu awana ke bena ye nzimbu ko.
Nanga Oyangalela Mpe Malongi Mama
SALU KIA VAIKISA E NKANDA
Salu kia Sekola o “Mambu Mavauka ma Nzambi”—Roma 3:2
Mbangi za Yave nsekola zayingi za Bibila basadidi muna mvu nkama miviokele. Ekuma basekolwela e Bibila muna kingelezo kia lumbu yeto?
YUVU ITOMA YUVULWANGA
E Nsekola ya Nz’ampa Nga Nsekola ya Ziku?
Ekuma e Nsekola ya Nz’ampa yaswaswanena ye nsekola zankaka?
