Muna Nkand’a Nzambi, o mvovo wa Kingerekia wasekolwa vo “nzo a Nzambi,” buka kia asambidi uyikanga, ke nzo ko ina bekutakananga.

 Tala e nona eki: Vava Paulu wa ntumwa kasonekena Akristu muna Roma, watuma mavimpi kwa Akwila yo nkaz’andi Peresekila, i bosi wakudikila vo: “Nuzingwila mpe Nzo a Nzambi ina muna nzo au o mavimpi.” (Rom 16:5, Bíblia Fácil de Ler) O Paulu ke nzo ko katumina o mavimpi. Kansi, kwa nkutakani katumina o mavimpi, i sia vo kwa wantu bakutakananga muna nzo yayina. a

 Vana fulu kia yikila e fulu yeto ya nsambila, tuyikilanga yo vo “Seka dia Kintinu.”

 Tala e kuma tusadilanga mvovo wau:

•   E nzo yayina Seka yovo fulu kia kutakanena.

•   Tukutakananga mu sambila Yave, Nzambi ovuidi o Nkand’a Nzambi yo sia umbangi mu kuma kiandi.—Nkunga 83:18; Yesaya 43:12.

•   Tukutakananga mpe mu longoka oma ma Kintinu kia Nzambi, kina Yesu kavovelanga nkumbu miayingi.—Matai 6:9, 10; 24:14; Luka 4:43.

 Wenda kingula Seka dia Kintinu dina lukufi ye nzo aku, ngeye kibeni okuyimwena una Mbangi za Yave bevangilanga tukutakanu twau.