Ачарчылыкка азык-түлүктүн жетишсиздиги себеп эмес. Дүйнө жүзү боюнча 12 миллиард адамга жеткидей азык-түлүк өндүрүлөт. Бул азык-түлүктүн Жер планетасындагы калктын санынан 5 миллиардга көп адамга жетмектигин көрсөтүп турат. Ачарчылыкка азык-түлүктүн туура эмес бөлүштүрүлүшү, ысырап болушу, адамдардын өз кызыкчылыгын көздөшү себеп болууда.

Бир сурамжылоого ылайык, каржы тармагында иштегендердин дээрлик 24 пайызы «ийгиликке жетиш үчүн туура эмес же мыйзамсыз ишке барыш керек деп эсептешет». Ал эми 16 пайызы «иши оңунан чыкпай калса», кылмышка барганга даяр.

Аргентинада беш мугалимдин үчөө стресстин, зордук-зомбулуктун айынан жумуштан суранып кетишет.

Жакында Түштүк Кореянын калкынын көбү жалгыз жашап калышы ыктымал.

Кытайдагы шаарлардын үчтөн эки бөлүгү абаны булгабоого байланыштуу 2016-жылы күчүнө кире турган мыйзамдагы талаптарга жооп бербейт. Ошондой эле адамдар иче турган жер астындагы суулар «таза эмес».