Кудай жамандыкка эмне үчүн жол берүүдө?

АЗЫРКЫ дүйнөнүн ар кандай жамандыкка толгонун эч ким танбас. Согуштук кагылышуулардан тынч жаткан элдин да, согушка катышкан аскерлердин да өмүрү кыйылууда. Кылмыштуулук жана зордук-зомбулук боло жүргөн нерсеге айланды. Балким, сен да жакында эле адилетсиздикке, бейкалыс мамилеге кабылган чыгарсың. Өз башыңан ар кандай кыйынчылыктарды кечиргенде же башкалардын кыйналганын көргөндө: «Кудай жамандыкка, азап-кайгыга эмне үчүн жол берип жатат?» — деп ойлойттурсуң.

Бул суроону адамдар тээ эзелтен бери берип келишет. Мындан 3 600 жылдай мурун Кудайдын ишенимдүү кызматчысы Аюб: «Эмне үчүн мыйзамсыздар жашап, карылыкка жетишет?» — деген (Аюб 21:7). Б.з.ч. жетинчи кылымда жашаган Жеремия пайгамбар да замандаштарынын кыянаттыгына жаны кейип: «Эмне үчүн мыйзамсыздардын жолу ийгиликтүү? Эмне үчүн ишенимсиз адамдардын баары жыргап жашашат?» — деп сураган (Жеремия 12:1). Аюб да, Жеремия да Кудайдын адилеттүү экенин билишкен. Бирок алар дүйнөдө азап-кайгынын эмне себептен көп экенин түшүнө алышкан эмес. Балким, бул сага да табышмак болсо керек.

Айрымдар жамандыктын өкүм сүрүп жатканына Кудайды күнөөлөшөт. Башкалары болсо: «Эгер Кудай кудуреттүү, адилеттүү, мээрман болсо, эмне үчүн жамандык менен азап-кайгыны жок кылбайт? Эмне үчүн азыркыга чейин жамандыктын таралышына жол берип келет?» — деп таң калышат. Ушул жана башка маанилүү суроолорго кийинки макаладан жооп алабыз.

AP Photo/Adam Butler