МУСУЛМАНДАР менен христиандардын кастыгы күчөп, 1999-жылы 19-январда үйүмөн 3 километрдей алыстыкта кыргындуу кагылышуу болуп, баш аламандык күч алган *.

Үй-бүлөмдүн аман-эсен экенин билгенден кийин бир туугандарга чалып, коркунучка алдырбоого, кооптуу жайлардан алыс болууга үндөдүм. Кийин аксакалдар кыдырып, бир туугандарды бекемдешти жана топ болуп чогулуп турууга чакырышты.

Филиал кооптуу аймактагы жарчыларды көчүрүүгө көрсөтмө берип, бир нече үй-бүлөнү көчүрдүк. Көчүүдөн баш тарткан бир ишенимдешибиз кийин куралчан топтун колунан каза тапты. Көрсөтмөгө баш ийгендер аман калды.