Иса Машаяк элге асмандагы Падышалык жөнүндө айтып берген. Ошондой эле Кудайдын ысмынын ыйыкталышын, Падышалыгынын келишин, эркинин жерде да аткарылышын сурап тиленүүнү үйрөткөн. Эгер ата-эне болсоңор, балаңарга ал тиленүүнүн биз үчүн кандай мааниге ээ экенин түшүндүрүп бергиле. Шайтандын азгырыктарына карабай Иса Кудайга берилген бойдон калган. Ал элчилерин тандаган. Алар аны менен падышалык кыла тургандардын алгачкылары болушкан. Исанын чыныгы сыйынуу үчүн канчалык ынталуу болгонун баса белгилегиле. Иса башкаларга жардам берүүнү каалаган, оорулууларды айыктырган, ачкаларды тойгузган, жадагалса өлгөндөрдү тирилткен. Муну менен ал Падышалыктын адамзат үчүн эмнелерди кыларын көрсөткөн.