Эгерде суктанууңа жана урматтооңо татыктуу досуң болсо, ага окшошууга аракеттенесиң. «Жахаба жакшылыкчыл жана адилет»,— деп айтылат Ыйык Китепте (Забур 25:8 [24:8], «ЖД»). Кудайдын досу болуш үчүн, жакшылыкчыл жана адилет болушубуз керек. Анткени Ыйык Китепте: «Сүйүктүү балдар катары Кудайды туурагыла... сүйүү жолу менен жүргүлө»,— деп жазылган (Эфестиктерге 5:1, 2). Муну кылуунун айрым жолдору төмөнкүлөр:

Жардам берүүгө даяр бол. «Бардыгына... жакшылык кылалы» (Галаттыктарга 6:10).

Тырышчаактык менен эмгектен. «Ким уурулук кылып жүрсө, мындан ары уурулук кылбасын, тескерисинче, эмгектенип... өз колу менен пайдалуу нерсе жасасын» (Эфестиктерге 4:28).

Денелик жана адеп-ахлактык жактан таза бол. «Денебизди жана рухубузду булгаган ар кандай ыпыластыктан арылалы, Кудайдан болгон коркунуч менен ыйыкталалы» (2 Корунттуктарга 7:1).

 Үй-бүлөңдөгүлөрдү сүй жана урматта. «Күйөөсү аялын өзүн сүйгөндөй сүйсүн, аял болсо күйөөсүн урматтасын. Балдар, ата-энеңердин тилин алгыла» (Эфестиктерге 5:33—6:1).

Башкаларга сүйүү көрсөт. «Бири-бирибизди сүйөлү, анткени сүйүү Кудайдан» (1 Жакан 4:7).

Өлкөңдөгү мыйзамдарга баш ий. «Ар бир адам [өкмөткө] баш ийсин... Ар кимге өз тиешесин бергиле: кимге салык төлөө керек болсо, салык төлөгүлө» (Римдиктер 13:1, 7).