Шайтан адамдарды жаман иштерди кылууга азгырат. Кудайдын досу болууну каалаган адам Жахаба жек көргөн иштерди жек көрүшү керек (Забур 96:10). Кудайдын достору качышы керек болгон иштер булар:

Жыныстык катнашка байланыштуу күнөөлөр. «Ойноштук кылба» (Чыгуу 20:14). Никелешкенге чейин жыныстык катнашта болуу да туура эмес (1 Корунттуктарга 6:18).

Аракечтик. «Аракечтер... Кудайдын Падышачылыгын мурасташпайт» (1 Корунттуктарга 6:10).

Киши өлтүрүү, бойдон алдыруу. «Киши өлтүрбө» (Чыгуу 20:13).

Уурулук. «Уурдаба» (Чыгуу 20:15).

Жалгандык. Жахаба калпычылыкты жек көрөт (Накыл сөздөр 6:17).

 Зордук-зомбулук, ачууга алдыруу. «Зордук-зомбулукту жакшы көргөндү Анын [Жахабанын] жаны жек көрөт» (Забур 10:5). «Күнөөкөр табияттын иштерине» ачуулануу кирет (Галаттыктарга 5:19, 20).

Кумар оюндары. «Дүнүйөкорлугун... таштабаган адам менен мамилелешпегиле» (1 Корунттуктарга 5:11).

Расалык жана этникалык жек көрүүчүлүк. «Душманыңарды сүйгүлө. Силерди... куугунтуктагандар үчүн сыйынгыла» (Матай 5:43, 44).

Кудайдын айткандары бизге пайда алып келет. Жаман иштерден баш тартуу дайым эле оңой боло бербейт. Бирок Жахабанын жана анын Күбөлөрүнүн жардамы менен Кудайга жакпаган иштерден баш тарта аласың (Ышайа 48:17; Филипиликтерге 4:13; Эврейлерге 10:24, 25).