Тиленип алып, кылдат даярдан. Өзүңө эмес, айта турган сөзүңө көңүл топтогонго жардам беришин сурап Кудайдан тилен. Айта турган негизги ойлорду эсиңе тутуп ал. Аларды өз сөзүң менен айт. Фразаларды сөзмө-сөз жаттап алба.

Чын жүрөктөн сүйлө. Айта турган нерсең угуучуларыңа эмне үчүн керектиги жөнүндө ойлон. Көңүлүңдү угуучуларыңа топто. Ошондо турган турпатыңдан, жаңсоолоруңдан, жүзүңдөн чын жүрөктөн сүйлөп жатканың, жылуу маанайың байкалат.

Угуучуларды карап сүйлө. Сүйлөп жатканда угуучуларыңа көз чаптырып, алар менен болгон байланышты жоготпо. Баарын сыдыра карагандын ордуна, улам бирөөнү карап сүйлө.