Жөнөкөй мисалдарды танда. Исадай болуп, татаал нерселерди түшүндүрүш үчүн жөнөкөй нерселерди мисал кыл. Мисалды татаалдаштыра турган кереги жок майда-чүйдө нерселерди кошпо. Угуучулар түшүнө албай башы маң болбошу үчүн, мисалдын окутуп жаткан нерсең менен кандай байланышы бар экени айкын болсун.

Угуучуларыңды ойло. Мисалдарды угуучуларың алек болгон, кызыккан нерселерди эске алып танда. Оңтойсуз кыла турган же катуу тие турган мисалдарды колдонуудан сак бол.

Негизги ойдон алыстаба. Мисал келтиргенде майда-чүйдө нерселерге эмес, негизги ойлорго көңүл бур. Угуучулар мисалдын өзүн эле эмес, анын кандай максатта айтылганын эстеп калгыдай болсун.