Ыйса өлгөнүнө үч күн болгондо тирилтилет. Ал күнү шакирттер аны беш жолу көрүшөт. Ыйса аларга 40 күн бою көрүнөт. Анан бир нече шакиртинин көзүнчө асманга көтөрүлүп кетет. Он күндөн кийин Кудай анын Иерусалимге чогулган шакирттерине ыйык рухун төгөт.

Кийинчерээк Кудайдын душмандары элчилерди түрмөгө камашат, бирок периште аларды бошотот. Степан деген шакиртти ташбараңга алып өлтүрүшөт. Ошол душмандардын арасынан Ыйса бирөөнү тандап, өзгөчө кызматты аткарууну тапшырат. Ал кийин элчи Пабыл деген ат менен белгилүү болуп калат. Ыйса өлгөндөн үч жарым жылдан кийин, Кудай Петирди жүйүт эмес Корнелийге жана анын үйбүлөсүнө жакшы кабар айтууга жиберет.

Андан 13 жылдай өткөн соң Пабыл жакшы кабар таратуу үчүн биринчи саякатын баштайт. Экинчи саякатында ага Тиметей кошулат. Кудайга кызмат кылууда Пабыл менен шериктери баштарынан кызыктуу окуяларды өткөрүшөт. Алар тууралуу ушул бөлүктөн окуйбуз. Акырында Пабылды Римдеги түрмөгө камашат. Ал эки жылдан кийин бошотулат, бирок кайра камакка алынып, өлүм жазасына тартылат. ЖЕТИНЧИ бөлүктө болжол менен 32 жылдын ичинде болуп өткөн окуялар баяндалат.