Адистердин айтымында, 2023-жылы жалгыздык адамдардын ден соолугуна коркунуч туудурган орчундуу көйгөйгө айланды. Жалгыздыктын дабасы барбы?

•   «Жалгыздык жана элден обочолонуу ден соолугубузду талкалап, кубанычыбызды уурдап алат,— дейт АКШнын башкы хирургу доктор Вивек Мурти.— Бирок биз башкалар менен болгон мамилени чыңдаш үчүн күн сайын аракет кылсак, аны жеңе алабыз» a.

 Биз элден обочолонгондо эле жалгызсырабайбыз. Айрымдар көпчүлүктө деле жалгызсырашы мүмкүн. Жалгызсырашыбызга эмне себеп болбосун, Ыйык Китеп жардам бере алат. Андан башкалар менен болгон достугубузду бекемдегенге көмөк кылган кеңештерди таба алабыз. Бул бизге көп жалгызсырабаганга жардам берет.

 Жакшы пикир алыш. Өзүң эле сүйлөй бербей, сен да башкаларды кунт коюп ук. Эгер чын дилден кызыкдар экениңди көрсөтсөң, ортодогу мамилеңер чыңдалгандан чыңдала берет.

•   Ыйык Китептеги принцип: «Өзүңөрдүн эле эмес, башкалардын да кызыкчылыктарын ойлогула» (Филипиликтер 2:4).

 Ар кандай адамдар менен достош. Дос тандоодо жаш курагына жана улутуна караба. Алар сенден улуураак же кичүүрөөк болушу мүмкүн. Атүгүл маданияты, тек жайы сеникинен айырмаланышы ыктымал.

•   Ыйык Китептеги принцип: «Жүрөгүңөрдү кенен ачкыла» (2 Корунттуктар 6:13).

 Канткенде башкалар менен ынак дос боло аларыбызды билиш үчүн «Достукту кантип өрчүтсөк болот?» деген макаланы окуп көргүлө.